Impakan Sturka 14:17 - DAWAN BÎLA AISKA

¹⁷ Yang bui Idsip uplika nani ba kupia karna daukamna, bara witin nani sin Israel luhpia nani nina bliki kabu lilapas bâk lui waia wisi wabia. Bara bahara yang bui king fero ra, war aiklaklabra nani ra bara aras âiulra nani ba sut ra sin, karniki ba marikamni.

Impakan Sturka 14:17 ပူးပေါင်းရင်းမြစ်များ

Blasi Sturka 50:9

Upla wala nani sin, wagin bara aras nani ra uli, Josep nina blikan. Bamna upla daknika tara pali witin wal Kenan ra wan.

Blasi Sturka 6:17

Bara kaiks yang lisamrika tara kum tasba purara brih aulna, tasba aiska ra lî sunaia blikuna diara rayaka bri bani ba sut sauhki tikaia dukiara, bara tasba ra iwi banhwi ba sut prubia.

Blasi Sturka 9:9

“Wals, yang lâika ba man nani wal bapisna, bara man nani kiamkam nani ninara aula ba dukiara sin.

Impakan Sturka 14:23

Bara king fero araska âiulra nani ba sut, ai waginka nani ba aikuki, witin nani nina bliki ban kabu lila kat wan.

Impakan Sturka 14:4

Ban sakuna, yang mita king fero ba kupia karna daukamna, bara man nani ninam blîkbia; baha piua ra yang karniki ba witin ra marikamna. War aiklaklabra daknika nani ba sin karniki kaikbia, bara Idsip uplika nani ba sin baha piua ra kaikbia, yang sika Dawan sna ba tânka.” Bara Moses win ba baku, Israel luhpia nani ba daukan.

Impakan Sturka 14:8

Bara Dawan mita king fero ba kupia karna kaia daukan, Israel luhpia nani ba ban nina bliki waia, baha nani karnika tara wal taki wan sakuna.

Impakan Sturka 4:21

Baha ningkara, Dawan bui Moses ra win: —Man Idsip ra wama ba ra, kasak damra wals, king fero mawanra wark aihkakira nani daukaia karnika maikri ba sut pali daukaia. Yang tani lika, yang munamna king fero kupia ba kau karna taki kaia, bara Israel luhpia nani ba swika taki wabia apia.

Impakan Sturka 4:23

Bara yang pat mai wîri luhpi ba swis taki wabia, bara witin nani bui yang ra maiyuni warkki daukbia; ban sakuna, man bui witin ba swirka taki waia apia lukisma bamna, yang bui man luhpiam waitna tamwahkia ba ikaisna.’

Impakan Sturka 7:3

Ban sakuna, yang mita king fero ba lal karna, upla bîla walras daukamna. Bara witin bui man bîlam walbia apia. Yang lika Idsip ra sain nani ailal daukamna, wark aihkakira nani sin ailal daukamna. Bamna

Aiseya 48:15

Yang, yang sika aisari ba, yang bui witin ra winri balaia, yang yabri balan bara ani anik wabia sut ba yamni man takan kabia.

Aiseya 51:12

“Yang, yang sika, man nani maisam nihkra sna. ¿Man nani ya sîa mai daukisa? ¿Upla nani ra? ¿Upla praprura nani ba baha nani twi baku ba?

Jirimaya 23:39

man nani ba mai bukamna wirhika tara kum baku, man nani, tawankam kan ba, man nani ra maikri ba damika nani ra sin yabri ba, bara mai swirka laihura kauhma.

Isikiel 28:22

Wis: ‘Naku wisa Dawan: Yang, man waihlam kaia param takri, Sidón; man tilamra nina mayunra lâka bukan kabia. Bara man mampara lâmka daukan kabia bara marikbia yang, holikira sna ba lâka; ai tânka bribia yang sika Dawan sna ba.

Isikiel 34:11

“Yang Dawan sna ba, naku wisni: Yang pali mihti ra brimna sîpki nani daknika ba main kaikaia.

Isikiel 34:20

Baha mita yang, Dawan ba, mai wisni: Kasakka lâka daukamna sîp batana bara biawan nani ba tilara.

Isikiel 5:8

Baha mita, yang, Dawan, naku aisisna: Jerusalem, yang sin man mampara buaisna; yang bui man mampara lâ daukaia sna nisan nani sut mawanra, bara nisan sut mawanra,

Isikiel 6:3

naku natka ra: ‘Pain wals, Israel ilka nani, dîa Dawan aisi ba, il purara nani ra, awala nani ra, il plahpia nani ra sin; yang daukaisna man nani puramra war tara balaia, bara sauhki tikbia plis purara nani idan priaska watla nani ba.

Oseas 5:14

Layan kum daiwan ra alki ba baku, yang Efraín bara Juda ra alkamna; yang bui witin nani ba alki, yuya man dauki si swih mahka wamna; witin nani ba raski brih wamna, bara upla wala âpu kabia, yang wina dakbi sakaia.

Libait Lâka 10:3

Baha ningkara Moses naku win Eran ra: —Naha sika Gâd mai wiaia ai win kan ba, naku win ba ra: ‘Yang laimara aula ba uplika nani ra marikamni holiki lâka ba, bara Israel luhpia nani sut ra yang praina ba marikamni.’ Bara Eran diara aisaras sâp kan.

Libait Lâka 26:28

yang sin man nani mampara kamna bara kupi baiwanka ra kli klala 7 wala maikamni saura daukisma ba luki.

Roman 9:18

Baku bamna, yaura Gâd mita yamni kaikaia lukuya ba, witin mita yamni kaikisa, bara ya kupia karna daukaia lukuya ba, witin mita kupia karna daukisa.

Kli Smalkanka 32:39

Yang yakan Gâd sni; yang wina gâd wala âpu sa. Yang rayaka yabisni, bara kli mihta dakbisni; yang siknis yabisni, bara kli rakisni. ¡Upla âpu sa yang karniki wina dakbi mai sâkbia!

Jasua 11:20

kan Dawan mita ai waihla nani ba kupia karna daukan, Israel luhpia nani mapara buaia, baku ba ra, Israel luhpia nani mita sut sauhki tikaia, umpira kaikan luha, Moses ra Dawan mita adar yabata ba baku.

Wihta Nani 4:7

Bara yang bui daukamna Sísara, Jabín suldiar wihtka ba, Quisón awala ra war waginka nani bara suldiar nani brih balbia man wal war aiklabaia. Sakuna witin nani ba yang bui man mihtam ra mangkamni.’

1 Samuil 6:6

¿Dîa kan man nani kupiam ban karna brisma, Idsip uplika nani bara king fero sin daukan ba baku, Gâd bui witin nani ra klala karna yan ba kat, uplika nani ba swin wan ba?