Impakan Sturka 14:14 - DAWAN BÎLA AISKA

¹⁴ Man nani sâp taki kaiki bas, Dawan mita man nani tâmwan aiklabaisa bamna.

Impakan Sturka 14:14 ပူးပေါင်းရင်းမြစ်များ

2 Kronikas 20:15

bara win: “Kasak pali wali banhs, Juda bara Jerusalem uplika nani, bara man, king Josafat. Dawan bui man nani ra mai wisa: ‘Si bripara, man nani tâ iwan sin takpara baha suldiar kwâra tara ba mapara, kan naha warkka na man nani dukiam apia, sakuna Dawan dukia sa.

2 Kronikas 20:17

Naha warka na man nani aiklabaia apia sma, pliskam pliki brih banhs, sâp banhwi bas, bara kaikma nahki Dawan bui swaki mai sâkbia ba. ¡Jerusalem uplika nani bara Juda aiska uplika nani, si bripara bara tâ iwan sin takpara; yauhka witin nani mapara was, kan Dawan ba man nani wal sa!’ ”

2 Kronikas 20:29

Ai dahra wali banhwan taim Dawan ba Israel waihla nani ba mapara aiklaban, nisan wala nani ba sut Gâd ra sibrin lukan.

Nihimaya 4:14

Sakuna yang kaikri upla nani ba sibrin dauki kan, bara yang mita wihtka nani ra, wark tâ bri nani ra bara tawan uplika nani ra sin naku wîri: “Man nani lika witin nani mawan ra sîa bripara, kupiam krauks Dawan tânka ba, nahki tara sibrinkira ba, bamna man nani luhpiam waitna nani, luhpiam mairin nani, mairin nani bara wamtla uplika nani tâwan pât taki banhwi bas.”

Nihimaya 4:20

Bamna man nani trumpit binka walma ba ra, bahara yawan aikuki asla taki banhwaia sma bara wan Gâdka ba yawan tâwan aiklabia.”

Nihimaya 9:11

Witin nani kaikan man kabu ba tar baikram ba, bara tasba lâwan bâk uplikam nani ba tapahki brih waram; sakuna witin nani nina bliki banhwi nani kan ba sut, kabu tihuka ra rungkram, walpa kumi lî tihuka ra lulkan dimwi ba baku.

Lawana Nani 35:1

Dawan, baha nani maipara bûi ba mapara man sin bus, maipara aiklabi nani ba mapara man sin aiklas.

Lawana Nani 50:3

Wan Gâdka ba aula, sakuna sâp lika balras sa; witin aula ba, ai kainara pauta klauhi, skwal baku diara sauhki tiki balbia.

Lawana Nani 83:1

¡Man Gâd, sâp kapara! ¡Aiawi bas bara bîlam praki sâp kapara!

Impakan Sturka 14:15

Bara Dawan bui Moses ra win: —¿Man nani dîa dukiara yang ra tawi ai kaiki inisma? Israel luhpia nani ra wis, witin nani mahka ai kainara wabia.

Impakan Sturka 14:25

Waginka wilwaika nani ba sin drapapa ra kakahwi kan, baha mita witin nani sip ai kanra waras kan. Bara Idsip uplika nani ba win: —Kaisa yawan Israel luhpia nani mawan wina plapaia, Dawan ba witin nani tâwan yawan wan mapara aiklabisa bamna.

Impakan Sturka 15:3

Dawan ba war aiklaklabra tara sa; bara ai nina ba sin Dawan sa.

Aiseya 30:15

Dawan, Israel Gâdka Holikira ba, naku aisin: “Man nani kli tawi bal, âmyapah bas, bara swaki mai sakan kabia. Âmyapah kaia kasak lukaia ba wina karnikam ba bâra kabia.” Sakuna man nani baha briaia apia wiram,

Inanka Nani 3:26

Kanra yamni sa, sâp taki Dawan hilp wan munaia ba bîla kaiki kaia.

Kli Smalkanka 1:30

Dawan Gâdkam man nani kainamra wapisa, bara tâmwan sin aiklabia. Man nani kaikram witin Idsip ra nahki daukan ba

Kli Smalkanka 20:4

kan Dawan Gâdkam ba man nani wal sa; baha mita witin bui man nani waihlam mapara aiklabi pura lui maikbia.’

Kli Smalkanka 3:22

Si bripara, kan Dawan Gâdkam ba man nani hilpkam ra aiklabia.’

Jasua 10:10

Dawan mita witin nani kupia ra sibrin dingkan, Israel sîa briaia baku, bara Jasua Gabaón uplika ailal ra ikan. Ningkara Bet-horón yabalka ra nina bliki iki sauhki tikan, ban nina bliki ikan amorreo nani ra Azecá bara Maquedá kat.

Jasua 10:14

Kainara bara ningkara sin baha yua baku âpu kata, Dawan upla kumi bîla baikra walan ba, kan Dawan ba Israel tâwan aiklabi kata.

Jasua 23:10

Man nani tilam wina upla kumi bui 1,000 nani sip kan yaka plapaia, kan Dawan Gad man nani tâmwan aiklaban, witin dîa pramis mai munan baku.

Jasua 23:3

Man nani kaikram, Dawan dîa naha uplika nani ai mapara daukan ba. Bamna witin sika, man nani tâmwan aiklaban ba.

Wihta Nani 5:20

Kasbrika purara ba wina, kasbrika wala ba ra sin, slilma nani bâra ba Sísara mapara aiklaban;

1 Samuil 4:7

Witin nani sibrin takan bara aisin: “¡Gâd kiamp ra balan! ¡Nanara yawan ra lika saura pali takbia, naha praiska kat lika kau yawan ra takras kan!