Impakan Sturka 14:13 - DAWAN BÎLA AISKA

¹³ Sakuna Moses pana tawi witin nani ra win: —Man nani si bripara, kupiam karna dauks bara kaiki bas man nani swaki mai sakaia dukiara naiwa Dawan ai warkka daukaia ba; Idsip uplika nani naiwa man nani kaikisma na, witin nani ba man nani kli kaikma apia.

Impakan Sturka 14:13 ပူးပေါင်းရင်းမြစ်များ

Blasi Sturka 15:1

Naha diara nani sut ba ningkara Dawan bîla ba Ebram ra balan, bara diara aihka kaikan ra witin ra win: —Ebram, man si bripara, kan yang sika pât tara nani wina man kainam kakahbra sna ba. Man mamna ba sin tara pali kabia.

Blasi Sturka 26:24

Bahara tihmia ra Dawan ba witin ra latan takan, bara win: “Yang sika man aisikam Ebraham Gâdka, man si bripara, kan yang lika man wal sna, yang naipakan Ebraham dukiara luki yamniki maikamni bara kiamkam sin ailal daukamni.”

Blasi Sturka 46:3

Bamna Gâd bila: —Yang na Gâd, man aisikam Gâdka ba. Man Idsip ra waia si bripara, bahara man kiamkam ba nisan tara daukamni.

Blasi Sturka 49:18

“¡Dawanki, bîlam kaikisni, swaki ai sâks!

2 King Nani 6:16

Bara Ilaidsa mita win: —Si bripara, kan yawan wal nani ba sika kau ailal sa, witin nani ba wal.

1 Kronikas 11:14

witin insla lila ba kat takaski, mapara bapi bri aiklabata bara filisteo nani pura luan. Baku Dawan bui pura luaia karnika ba yan.

2 Kronikas 20:15

bara win: “Kasak pali wali banhs, Juda bara Jerusalem uplika nani, bara man, king Josafat. Dawan bui man nani ra mai wisa: ‘Si bripara, man nani tâ iwan sin takpara baha suldiar kwâra tara ba mapara, kan naha warkka na man nani dukiam apia, sakuna Dawan dukia sa.

2 Kronikas 20:17

Naha warka na man nani aiklabaia apia sma, pliskam pliki brih banhs, sâp banhwi bas, bara kaikma nahki Dawan bui swaki mai sâkbia ba. ¡Jerusalem uplika nani bara Juda aiska uplika nani, si bripara bara tâ iwan sin takpara; yauhka witin nani mapara was, kan Dawan ba man nani wal sa!’ ”

Nihimaya 9:9

Baku sin wan damika nani Idsip ra pât bri kan ba kaikram, bara winanka Kabu Pauni lamara daukan ba sin walram.

Lawana Nani 3:8

Dawan, man sika swaki sakisma ba; bamna yamnikam, uplikam nani ra yas.

Lawana Nani 68:21

Gâd mita ai waihla nani sut lal dakbia baha uplika ban luki saura dauki ba.

Lawana Nani 78:53

Pain main kaiki brih taki wan sibrin kra daukbia sîa, sakuna ai waihla nani ba lika, sut kabu ra yaban pruan.

Lawana Nani 91:8

Man namkra ni kaikma: nahki watawi dadaukra nani ai mana ba bribia ba.

Impakan Sturka 14:30

Baha yua Dawan bui Israel luhpia nani ba, Idsip uplika nani mihta wina swaki sakan. Israel luhpia nani ba, Idsip uplika nani wîna tara prui kabu un ra awi ulan nani ba kaiki kan.

Impakan Sturka 20:20

Bara Moses pana witin nani ra win: —Man nani si bripara. Gâd balan man nani tânkam aihwa sapa trai kaikaia, bara man nani yu bani witin bîla wali witin ra sibrin luki kaia ba mata, baha mita man nani bui witin mapara saura yabaia apia.

Aiseya 26:3

Man mita baha uplika kupia kumi lâka aihwa pali bri ba main kaikma, witin ai kupia lukra man kat piua bani mangki bri ba; kan witin bui man ra kasak luki ba mita.

Aiseya 30:15

Dawan, Israel Gâdka Holikira ba, naku aisin: “Man nani kli tawi bal, âmyapah bas, bara swaki mai sakan kabia. Âmyapah kaia kasak lukaia ba wina karnikam ba bâra kabia.” Sakuna man nani baha briaia apia wiram,

Aiseya 35:4

Kupia sibrinkira nani ra wis: “¡Man nani kupiam karna dauks, si bripara! Kaiks nâra sa man nani Gâdkam ba man nani swaki mai sakaia, bara waihlam nani ba klala yabaia baha klalka witin nani briaia kan ba.”

Aiseya 43:11

Yang, yang baman Dawan sna, yang wina wala âpu sa swaki mai saki ba.”

Aiseya 7:4

witin ra wis: ‘Aman kaiks, dring prupara; si bripara, sringkam sin bripara baha pauta klauhan lupia wâl kiasma taki ba dukiara, Resín, Siria ai uplika aikuki kupia baiwanka laptika ba, wala Remalías luhpia ba dukiara sin.

Jirimaya 3:23

Yang nani maipara hilp apia sa il nani ra wih mai wini kaia; Dawan wan Gâdka ra baman Israel ai swaki sakan lâka sakisa.

Inanka Nani 3:26

Kanra yamni sa, sâp taki Dawan hilp wan munaia ba bîla kaiki kaia.

Oseas 1:7

Ban sakuna, Juda kingka lâka ba lika umpira kaiki, yang ai Dawanka aimaki, witin nani ba swaki sakamna. Sakuna pantamangka, sord, aras nani, aras âiulra nani brih war aiklabi ni lika apia.”

Oseas 13:4

Dawan aisisa: “Yang, Dawan, yang lika man Gâdkam ban sna Idsip tasbaya ra kapram ba yua wina: Yang tnaiya ra Gâd wala, yang baku man kaikma apia, sakuna yang baman lika, kan yang baman sna, man swaki sasakrikam.

Oseas 13:9

Israel, mai sauhki tikaisna, upla kumi sin ai takaskbia apia.

Abakuk 3:13

Man tawankam ra hilp munaia taki waram, bara king ba man mita wahbi sakram, watawikira nani watla bahna ba sauhki tikram, bara plamaya nani walpa karnakira ni paskan ba param sakram.

Abakuk 3:8

¿Dawan, man awala nani mapara kupiam baiwan sa ki? ¿Kabu nani ba mapara lawankam tara briram ki? ¿Bamna man pura luaia dukiara, araskam karnakira nani ba waginka ra ulram ki?

Kulki Kaikanka 14:9

Sakuna man nani lika Dawan mapara bûi banhpara, baha tasbaya uplika nani ra sin sibrin lukpara, kan baha uplika ba yawan mapara brit baku pibia, witin nani ra hilp yabaia uplika âpu sa bamna, sakuna yawan lika Dawan wan tâ baikisa. ¡Man nani si bripara!

Matiu 28:5

Bara insal ba mita mairka nani ra win: —Man nani si bripara. Yang kaikisna man nani ba Jisas dus prihni ra pruan ba plikisma.

Kli Smalkanka 20:3

bara wibia: ‘Wals, Israel luhpia nani, naiwa man nani waihlam mapara aiklabaisma bamna, swapni taki sîa yapara, tatatwi sirang sin iwpara,

1 Samuil 11:13

Sakuna Saúl witin nani tilak dimi aisin: —Naiwa nâra upla kumi sin ikbia apia, Dawan bui naiwa Israel luhpia nani swaki sakan bamna.

1 Samuil 12:16

“Baku bamna, nanara buisma ba kat ban bûi bas, aiawpara. Nanara sain tara Dawan bui man nani namkra ra daukuya ba kaikma.