Impakan Sturka 13:7 - DAWAN BÎLA AISKA

⁷ Yu 7 brit îs âpu dauki pi kaia sma. Baha yua nani sut ra, tawankam ra, tasbayam aiska ra sin îs âpu kaia sa. Baku sin îs mangki daukan britka kumi sin âpu kabia.

Impakan Sturka 13:7 ပူးပေါင်းရင်းမြစ်များ

Impakan Sturka 12:15

Witin nani wik kum brit îs âpu dauki pi kabia. Baha mita baha yua pas ba wina man nani wamtla nani ra îs âpu kaia sma. Wik kum ba bilara, ya kabia sin sakuna brit îs wal daukan ba pibia kaka, uplika ba, Israel tila wina ai mawan ba tikan kabia.

Impakan Sturka 12:19

Wik kum ba man wamtla bilara îs âpu kaia sa; kan ani uplika baha yua nani tilara îs bri britka pibia kaka, witin ba Israel luhpia nani tila wina ai mawan ba tikan kabia, tringsar kabia, apia tasbaya luhpia kabia sin wal baku kulkan kabia.

Matiu 16:6

Bara Jisas mita witin nani ra win: —Aman kaiks, parisi nani bara sadiusi nani îska ba dukiara pain damra wali bas.

1 Korint 5:8

Baku bamna, wan lilia yua tara ba daukpi, brit îs almuk bri ba wal lika apia, saurka lâka bara tâski lâka îska ba, sakuna îs âpu britka ba wal mika, sunu lâka bara kasak tânka britka ba wal.

Kli Smalkanka 16:4

Naha wikka aiska, man nani tasbayam aiska ra brit îs âpu kaia, bara daiwan wîna sakripais daukan ba baha yua aiska tutni kat yu wala ra dimuya ba, titan wala dukiara kau swiaia apia.

Jasua 5:11

Baha yua pali ba witin nani brit îs âpu dauki plawar kâki pin, plun tara dauki pin, bara baha yua yapra wâl ba wina mahka plun nani sâtka sut tasba wina pâwi taki ba pin.