Impakan Sturka 13:22 - DAWAN BÎLA AISKA

²² Kakna ra kasbrika pihni playka ba, bara tihmia ra pauta klauhi laknika ingnika ba witin nani wina dakwi takras ban ai kainara impaki kan.

Impakan Sturka 13:22 ပူးပေါင်းရင်းမြစ်များ

Nihimaya 9:12

Baha ningkara kakna ra kasbrika playka kum ni witin nani ra tâ bri kapram, bara tihmia ra lika pauta playka ba ni, ai yabalka impaki kan ba ingni yabi kapram.

Nihimaya 9:19

sakuna man, upla ra umpira kaikan lâka uya pali brisma ba mita, upla iwras tasbaya ra lulki swiras kapram. Kasbrika playka ba kakna ra, witin nani yabalka wina tnaya ra tawras kan, yabal bâk brih waia dukiara. Tihmia ra sin pauta klauhi ingni ba yabram, impaki kan yabalka bâk, witin nani auya ba ra.

Impakan Sturka 14:1

Dawan ba Moses ra aisi, naku win:

Impakan Sturka 14:19

Baha pali piua kat, Gâd insalka bara kasbrika playka Israel luhpia nani tâura impaki kata ba, ai watlika ba wina kitwi taki, witin nani nina tani ra tawi aimakan.

Impakan Sturka 40:38

Israel luhpia nani yabal ra impaki kan ba piua sut ra, witin nani kaiki kan, Dawan kasbrikika ba kakna ra tint watla ba purara kan, tihmia ra pauta klauhi playka taki kan.

Aiseya 4:5

Bara Dawan naku daukbia, Saion ilka aiska ba purara witin nani bahara asla taki nani ba purara sin, Dawan ba daukbia kakna ra kasbrika tihmu tara kum, tihmia ra pauta lakni ingnika ba bara pauta buki klauhanka ba wal. Baha sut purkika ra Dawan prana ba bâra kabia,

Kulki Kaikanka 9:15

Tint watla ba bapan yua ra, lâ daukan tintka watla ba purara kasbrika bal madiskan. Tutni yu dimaia ra, pauta klauhan baku tint watla ba purara klauhi kan, ban yu wala titan ba kat.

Param Marikanka 10:1

Bara insal karnakira wala kum, kasbrika pura ba wina bal iwuya kan kaikri. Witin ba kasbrika kum ni dingkan kan, bara ai lal purara kumadura kum bri kan; ai mawan ba wan yu lapta baku ingwi kan, bara ai kuhma nani ba lika pauta lakni playa nani baku kan.