Impakan Sturka 13:18 - DAWAN BÎLA AISKA

¹⁸ Bahamna Dawan bui witin nani ba upla iwras tasbaya ra waia yabalka bâk brih lui wan, Kabu Pauni tani ra auya ba yabalka ra. Bara Israel luhpia nani ba, war aiklabaia daknika tara kum ridi daukan ba baku ridi taki, Idsip wina taki wan.

Impakan Sturka 13:18 ပူးပေါင်းရင်းမြစ်များ

Blasi Sturka 50:25

Bara witin bui Israel luhpia nani ra win: “Man nani nanara yang ra swer taki aisas.” Bara witin nani ba witin ra swer taki aisin, bara witin bui witin nani ra win: “Kasak pali Gâd balbia, man nani ba sin saki mai brih wabia.”

Lawana Nani 107:7

Baha ningkara yabal yamni ra mai mangkan tawan kum bahara iwaia.

Lawana Nani 136:16

Witin ai uplika nani ba, upla iwras tasbaya bâk yan wapan; ai latwanka lâka ban kaia ra ban sa bamna.

Lawana Nani 68:8

bara tasba ba nikban, lî sin kasbrika purara ba wina auhan, Sainai ilka ba sin tatatban, Gâd mamwanra; Âu, Israel Gâdka mawanra.

Impakan Sturka 12:51

Bara baha yua ra sika Dawan mita Israel uplika aiklaklabra daknika nani ba, sut Idsip tasbaya wina brih sakan ba.

Impakan Sturka 14:2

“Israel luhpia nani ra wis witin nani kli ai bilara tawi wih Pi-hahirot mawan kat ai tintka watla nani ba mâkbia, Migdol kabuka un ba wal lilkapas ra, Baal-sefón mawanra. Baha tasbaya ba mapa tani kat ai tintka watla nani ba mâkaia sa, kabu un lamara.

Impakan Sturka 14:9

Idsip uplika nani war aiklaklabra nani ba sut, wagin nani araska âiulra nani ba sin sut, Israel luhpia nani nina bliki taki wan. Bara kabu un lama kat nina bliki balan, Pi-hahirot kat Baal-sefón lamara, bahara witin nani ai tintka watla nani mâki bapan kan.

Kli Smalkanka 17:16

Sakuna baha kingka, aras ailal briaia apia, Idsip ra sin upla kau blikaia apia, aras âiulra kau want kabia tâwan, kan Dawan aisin: ‘Naha yabalka ra kli tawpara.’

Kli Smalkanka 32:10

Upla iwras tasbaya ra prawan, tasba lâwan nani ra pâsa mita wipi bri tauki kan sakan; ai klahkla mununhtara brih smalki ai nakra yula baku mai kaikan.

Jasua 1:14

Bamna man nani mairin nani, tuktan nani, daiwan nani sut sin Jordan awala, naha tani ra Moses wina maikan ba tasbaya ra swis. Sakuna waitna nani sut, war aiklabaia sip takan ba, war aiklabaia dukia nani ba alki brih, muihkam nani tâura taki was, witin nani ba tâi baikbia,

Jasua 4:12

Bara aiklaklabra nani Ruben bara Gad kiamka nani ba bara Manasés kiamka bakriki tila ba sin awala baila wala ra luan aiklabaia dukia nani ba brih, Israel uplika wala nani ba tâura witin nani aimakan, baku daukaia Moses mita pat win kan ba baku.

Jasua 4:13

Waitna nani 40,000 war aiklabaia ridi, Dawan mawanra taki wapan, Jeriko twiya tasbaya nani ba tani ra.