Impakan Sturka 13:17 - DAWAN BÎLA AISKA

¹⁷ King fero mita Israel luhpia nani ba swin taki wan ba ra, Gâd uplika nani ba, filisteo nani tasbaya bâk lika brih lui waras kan. Bahak lui waia ba lika kau baila kan; ban sakuna, Dawan naku lukan, upla nani ba war aiklabaia sa, sakuna nanara wina ai kainara war aiklabaia takbia kaka, witin nani sut ai kupia laki si Idsip ra kli tawi waia lukbia.

Impakan Sturka 13:17 ပူးပေါင်းရင်းမြစ်များ

1 King Nani 8:47

bara witin nani priski brih wan tasbaya ba kat ai kupia lakbia kaka, ai pura man ra sunbia priski brih wan ba tasbaya wina, witin nani ai saurka daukan ba tânka bribia bara saura daukan ba sin,

Nihimaya 9:17

Witin nani baha walaia ai brinka apia kan, purkara sin man bui diara aihkakira bara tara witin nani ai hilpka ra daukram ba ai kupia krawras kan, ai kiamapara lâka ra, ai tâ brabrira kum mangkan bara kli alba lâka ra Idsip ra brih wan. Ban sakuna, man sika Dawan, upla pâtka swih tatikra Gâdka, kupiam swapni, umpira kaikan lâka brisma, pat pali kupiam baiwras, bara latwan kaiki bara umpira kaikan lâka sin manis pali brisma, ba mita lulki swiras kapram.

Impakan Sturka 14:10

Israel luhpia nani ai dara walan, king fero bara Idsip uplika nani aikuki pat ai lamara aula kan ba. Witin nani sibrin pali daukan bara mahka Dawan ra ai pura sunan.

Apastil Nani Sturka 15:38

Sakuna Pal mita baha wahma kli aikuki taukaia aitani lukras kan, witin kata sika Panfilia kuntrika ra witin nani ra swin; bara wark ra waras kan.

Apastil Nani Sturka 7:39

“Sakuna wan damika nani witin bîla walras kan, kau ni platukbi tnaya ra laki si, witin nani mahka kli Idsip ra tawi waia lukan.

Kli Smalkanka 17:16

Sakuna baha kingka, aras ailal briaia apia, Idsip ra sin upla kau blikaia apia, aras âiulra kau want kabia tâwan, kan Dawan aisin: ‘Naha yabalka ra kli tawpara.’

Kli Smalkanka 20:8

“Ba ningkara lalka nani ba kli aiklaklabra tâ bri nani ba ra wibia: ‘Upla kum kra kupia karna apia, sibri upla wala ra sibrin dingkisa kaka, ai watla ra wabia.’

Kli Smalkanka 28:68

Bara Dawan mita mai win kan Idsip yabal kat kli wama apia, ban sakuna duri tara ra mai mangki kli mai lakbia, bara waihlam nani ra alba baku mai atkbia; kuna upla kum sin atki mai briaia brin daukras kabia.”

Hibru Nani 11:27

Kasak lukan lâka mita, Moses ba king kupia baiwanka sîa âpu Idsip tasbaya wina taki wan, kan witin dîa daukaia lukan ba kat ban kata, upla mita Gâd ra sip kaikras ba witin kaiki kan baku.

Wihta Nani 7:3

Bamna baku ba mita, upla nani ra wis ya sibrin daukisa kaka, mahka ai watla ra wabia.” Bara baku Gedeón upla nani ba tânka pliki kaikan, bara 22,000 waitna nani ba kli watla ra blikan wan, bara kau 10,000 waitna nani ba takaskan.