Impakan Sturka 13:14 - DAWAN BÎLA AISKA

¹⁴ Baha piua nani ba balbia ba ra, luhpiam nani man nani ra mamkabi walbia kaka: ‘¿Naha daukisma na dîa tânka sa?’ Man nani bui witin nani ra wima: ‘Idsip tasbaya ra yang nani alba lâka ra iwi banhwi kapri ba ra, Dawan bui witin ai karnika tara ba wal baha wina bri sal wan sakan ba tânka.

Impakan Sturka 13:14 ပူးပေါင်းရင်းမြစ်များ

Blasi Sturka 30:33

Bara baha daukamna ba ningkara, man wih kaikma yang maina dîa briri ba. Man baku kaikma yang kunin mai munras lâ kat daukri ba tânka. Man bui yang daiwri dakni ba tilara, daiwan bulni apia ba sâkma sapa, mapla sât sât ba sin; baku sâkma kaka, yang bui man daiwram nani ba implikri kabia.

1 Kronikas 16:12

Ai warkka tara bara aihkakira nani ba dukiara, kupiam krauki bas, witin bui lâ nani mangkan ba sin:

Nihimaya 1:10

“Yang nani na man albikam bara uplikam nani sna, man karnikam tara ni bara man mihtam karnika ni atki sakram ba.

Lawana Nani 136:11

Witin sika, Israel luhpia nani, Idsip wina sakan ba ai latwanka lâka ba ban kaia ra ban sa bamna;

Lawana Nani 145:4

Aisa wina luhpia nani ba kat, man warkkam nani daukram ba mamyunan kabia, man daukankam karnakira nani ba dahra aisi kabia.

Lawana Nani 78:4

baha ba wan luhpia nani ra yukukamna apia. Wan luhpia nani wan kanra aula ba wal, Dawan ra yang nani mayunamna, ai karnika bri ba, diara aihkakira dauki ba aisamna.

Impakan Sturka 10:2

Bara man mita sin luhpiam bara mulam nani ra wiaia sma, yang nahki Idsip uplika nani ra lawaska kiki pulri ba, bara wark aihka tara nani sin witin nani tilara daukri ba. Baku man nani sin kaikaia sip sma yang sika Dawan sna ba.

Impakan Sturka 12:41

Bara 430 mani alkan ba manka ra, Dawan uplika nani aiklaklabra daknika tara ba sut mahka Idsip tasbaya wina taki wan.

Impakan Sturka 13:3

Bara Moses baha bîla ba upla nani ra win: “Baha yua ba kupiam krauki bas, Idsip tasbaya ra alba lâka ra iwi kapram ba, Dawan mita ai karnika tara ba wal baha tasbaya wina bri sal mai sakan bamna. Bahamna man nani brit îs wal daukan ba piaia apia sma.

Impakan Sturka 13:8

Baha yua pas ba, man nani luhpiam nani ra wima: ‘Dawan dîa daukan ba man nani dukiamra, Idsip wina bal takram yua ra.

Impakan Sturka 13:9

Dawan ai karnika tara wal Idsip tasbaya wina bri sal mai sakan, bahamna baha yua ba yarka sain kum klamhkla ra wilkan baku, lamla purara sin mark kum mangkan baku prais damra wali baku, man nani kupiam krauki kama. Dawan lâ daukan ba dukiara sin piua bani ra ban aisi kama, kan witin ai karnika tara wal man nani Idsip tasbaya wina mai sakan bamna.

Impakan Sturka 20:2

“Yang sika man Dawan Gâdkam, Idsip tasbaya ra alba kapram ba wina mai sakri ba.

Impakan Sturka 6:1

Bara Dawan pana witin ra win: —Nanara man kaikma king fero wal yang dîa daukamna ba, yang bui witin ra taibi munrika ai tasbaya wina upliki nani ba swika taki wabia; bara kau ni, witin mita uplika nani ba kangbi sâkbia.

Impakan Sturka 6:6

Bamna Israel luhpia nani ra wih wis yang, Dawan mita witin nani alba lâka ra ba wina pri sakaisna, Idsip uplika nani mita wark karna yan taki ba wina sin. Yang karniki ba mariki witin nani ba swaki sakamni, warkki karnakira lâ wapni daukisna lâka ba wal;

Impakan Sturka 6:7

bara man nani ba yang upliki nani mai brimni, bara yang na man nani Gâdkam kamni. Baku mika man nani kaikma yang sika Dawan Gâdkam sna ba, Idsip uplika nani mita wark karna mai dingki kan ba wina pri mai sakri ba.

Jirimaya 34:13

“Yang, Dawan, Israel Gâdka, man nani damikam nani Idsip wina sakri taim witin nani wal lâ kum daukri, bahara witin nani alba warkka dauki kan. Witin nani ra wîri

Daniel 9:15

‘Dawan wan Gâdka, man karnikam tara ba wan marikram sa, Idsip wina uplikam nani sakram ba piua ra, baku daukram ba mita tasba aiska ra ninam ba plapi tawan sa, baha yua ra bara naiwa yua ra sin, ban sakuna yang nani saura bara watawi sin dauki banhri.

Apastil Nani Sturka 13:17

Israel nisanka Gâdka ba wan damika nani ba bâk saki brin, nisan tara daukaia, witin nani sin kau Idsip tasbaya ra tringsar baku iwi kan ba ra. Baha ningkara, ai karnika ba ni baha tasbaya wina sakan.

Kli Smalkanka 5:15

Kupiam krauki bas man nani Idsip ra alba katma ba, bara Dawan Gâdkam ai karnika tara bri ba baha wina mai sakan. Baha mita Dawan Gâdkam bui adar maikan ris yua ba kulkaia.

Kli Smalkanka 5:6

‘Yang sika man Dawan Gâdkam, Idsip tasbaya ra alba kapram ba wina mai sakri ba.

Kli Smalkanka 6:12

Baku kabia kra sin Dawan ra âmya tikpara, Idsip ra alba kapram wina mai sakan ba.

Jasua 22:24

Kasak pali yang nani brin ai daukras sa, yu kum man nani luhpiam nani bui luhpi nani ra wibia: ‘¿Dîa man nani brisma daukaia, Dawan Israel Gâdka ba wal?

Jasua 24:17

Dawan sika yawan ra Idsip wina wan sakan ba, wan damika nani ra sin, yang nani alba katna ba ra. Witin sin wark aihkakira nani ailal wan mawanra daukan, bara witin sin wan kaina kahban, wan tâ baikan yabal ra, tawan ailal tila bâk lui balata.

Jasua 4:6

Baha walpaya nani ba wina sturka aisin kabia, luhpiam nani yu kum man nani ra makabi walbia: ‘¿Naha walpaya nani na dîa tânka sa?’,

Wihta Nani 2:12

Witin nani Dawan ba swin, ai damika nani Gâdka, Idsip wina witin nani ra saki bri balata ba. Bara upla nani witin nani ai lamara kir iwi kan ba mihta ra kauhan, bara baha nani gâdka nani ra mahka mayunan, bara baku witin nani Dawan kupia sauhkan.

Wihta Nani 6:8

bara Dawan bui witin nani ra ai prapitka kumi saki blikan, bara prapit ba witin nani ra win: “Dawan, Israel Gâdka ba, naku wisa: ‘Man nani Idsip ra alba iwi kapram, bara yang mita baha wina man nani mai sakri;