Impakan Sturka 13:12 - DAWAN BÎLA AISKA

¹² Man nani luhpiam tawahkia bani baiki ba, daiwram nani sin ai tawahkia baiki ba sut Dawan ra yabi kaia sma, kan tawahkia nani sut ba sika Dawan dukia sa bamna.

Impakan Sturka 13:12 ပူးပေါင်းရင်းမြစ်များ

Nihimaya 10:36

baku sin luhpi nani tawahkia nani bani ba, bara daiwan nani tawahkia ba sin, lâ ra ulban ba baku, bîp tawahkia nani, sîp tawahkia nani sut, Gâd watla ra bri balbia, prîs nani Dawan warkka dauki ba lamara.

Nihimaya 10:37

Yang nani sin aitani lukisna, Gâdki tempelka ra diara nani bri si apahki swiaia, yang nani yabaia sna ba, prîs nani ra plawar, dus nani sut mâ ba wina, wain, batana laya, mâ tawahkia disang daukisna ba wina, Libait nani ra yabaia, naisla daukisna ba wina matawalsip bani wina kumi yabaia mânka ba diara sut wina yabamna, insla nani wina, yang nani diara sut kukisna ba wina, witin nani ra yawan wark bani wina matawalsip mânka yabaia ba witin nani brisa.

Impakan Sturka 13:1

Dawan ba Moses ra aisi, naku win:

Impakan Sturka 13:2

“Luhpia tawahkia bani ba aihka saki yang ra bri bal. Upla bara daiwan luhpia tawahkia bani ba, yang duki sa.”

Impakan Sturka 22:28

“Gâd mapara aisi kupia baiwaia lâka ra tuskpara, bara tasbayam ra pura wihta aimaki ba mapara sin lahtubi saura wipara.

Impakan Sturka 22:29

“Wain mâ nani, insla pata nani sut sakisma ba wina, yang ra prisantka sal aikaia ba wina, tumi takaski kapara. “Luhpiam waitna tawahkia ba sin,

Impakan Sturka 34:19

“Luhpiam tawahkia bani aisubi taki ba, yang ra aikaia sma. Baku sin bîpkam nani tawahkia ba, sîpkam tawahkia ba wainhka bani ba sut yang ra aikaia sma.

Impakan Sturka 34:20

Bara biriku nani luhpia baikbia taim, biriku tawahkia bani ba mana sîp wainhka lupia kum aikbia, apia kaka guts wainhka lupia kum aikbia; aikras kabia kaka, nana dusa ba krikbia. Luhpia waitna tawahkia kumi bani ba mana, prisantka sakripais kum daukaia sa. Upla kum diara aikras kaka, maiwanra balbiara.

Isikiel 16:20

‘Bara luhpa mairin kum, bara waitna sin kum man wal brisatna ba briram, bara sakripais daukram aidul nani pata kaia. ¿Man mampara wiria kapram, yabal mairka kaia ba,

Isikiel 44:30

Baku sin prîs nani ba, tâura mâ kau yamni ba bribia bara prisantka nani ba sut. Bara man nani brit akbram, kau yamni ba witin nani ra yama. Baku yamni munanki lâka ba, man nani wamtla bilara kabia.

Libait Lâka 27:26

“Bara daiwan ai tawahkia baikan ba, Dawan dukia kabia, kan baha pas baikan bamna, upla kumi sin baha daiwra ba Dawan ra yabaia brih wabia apia, bîp luhpia kabia kra, sîp luhpia kabia kra, baha pas Dawan dukia sa.

Kulki Kaikanka 18:15

“Israel luhpia nani ai luhpia waitna tawahkia bani, bara daiwan tawahkia nani sin yang ra aiki ba, man dukiam kabia. Sakuna luhpia waitna tawahkia nani bara daiwan tawahkia bani ba tâski sa kaka, baha watlika ra wala kum maikbia wis.

Kulki Kaikanka 3:12

“Bamna kaiks, Libait nani ba Israel luhpia nani tila wina bâk sakri sa, tawahkia nani ba watlika ra, Israel luhpia nani tilara luhpia tawahkia aisubi taki nani ba,

Kulki Kaikanka 3:13

tawahkia nani sut ba lika yang briri, Idsip tasbaya ra tawahkia nani sut ikri ba yua wina, bara Israel ra tawahkia bani ba, upla nani bara daiwan nani tawahkia sin sut. Bamna tawahkia nani ba yang briri. Yang sika Dawan.”

Kulki Kaikanka 8:17

Kan tawahkia nani sut Israel luhpia nani tilara ba yang bâk saki briri sa, upla nani bara daiwan nani tawahkia ba sut sin. Idsip ra tawahkia nani sut ikri ba yua ba wina, yang bui witin nani ba laki bâk saki briri.

Luk 2:23

Witin nani baku daukata, kan Dawan lâka ra ulban sa: “Tukta waitna tawahkia bani ba, Dawan dukia holikira sakan kabia.”

Kli Smalkanka 15:19

“Daiwan wainhka tawahkia, bîp, apia kaka sîp nani wina aisubi takbia ba, Dawan Gâdkam dukiara holikira kulkaia sma. “Bîp luhpia wainhka tawahkia aisubia ba wark dingkpara, sîpkam luhpia tawahkia ba sin tâwa irpara.