Impakan Sturka 12:8 - DAWAN BÎLA AISKA

⁸ Bara wîna ba sin tihmia iwbia ba ra pauta ra duki, brit îs âpu dauki angki, dus wahia tahpla nani aikuki dauki pibia.

Impakan Sturka 12:8 ပူးပေါင်းရင်းမြစ်များ

2 Kronikas 35:13

Baha ningkara daiwan nani ba angkan, Insal luan Yua Liliaka ba dukiara, dîa ulban tânka ba kat; bara prisant wala nani, holikira kulkan ba dikwa ra mangki piakan, brit angkaia pânka nani ra sin, bara aihni pali upla nani tilara yan.

Lawana Nani 22:14

Karniki âpu, lî laikan baku ai daukan; dusi nani sin lukutbaika bani wina aihka sakan sa. Kupi na sin blas baku, yang wîni biara ra slilwisa.

Impakan Sturka 12:9

Daiwan wîna pîs lupia kum sin raya, apia kaka piaki man nani pipara. Daiwan aiska, lal ba, mina nani ba, dikia dikia biara bilara sin angkaia sma.

Impakan Sturka 13:3

Bara Moses baha bîla ba upla nani ra win: “Baha yua ba kupiam krauki bas, Idsip tasbaya ra alba lâka ra iwi kapram ba, Dawan mita ai karnika tara ba wal baha tasbaya wina bri sal mai sakan bamna. Bahamna man nani brit îs wal daukan ba piaia apia sma.

Impakan Sturka 13:7

Yu 7 brit îs âpu dauki pi kaia sma. Baha yua nani sut ra, tawankam ra, tasbayam aiska ra sin îs âpu kaia sa. Baku sin îs mangki daukan britka kumi sin âpu kabia.

Impakan Sturka 23:18

“Yang ra daiwan sakripais dauki aikisma piua ra, tâlia ba brit îs wal daukan ba aikuki kumi ra aikpara, baku sin batanka ba swipara yu wala titan kat dukiara.

Impakan Sturka 34:25

“Daiwan angki alkisma tâlia ba, bara brit îs mangki angkan ba wal aikpara. Insal luan Liliaka daukaia ra, daiwan ikan wîna kau tawan ba, yauhka dukiara swipara.

Aiseya 53:10

Dawan baku lukan witin ba baku rausauhkan ni taibaia. Bara baku witin ai wîna ba yan saurka nani ba tâwan sakripais daukaia, witin ai rayaka ba yari kabia bara ai kiamka nani ba kaikbia, witin ai warkka nani daukbia mita Dawan dîa dauki ba sut yamni takbia.

Emus 4:5

Plawar ba sin îs mangkras brit dauki, Dawan ra tingki wiaia prisantka dauki bas; upla sut ra wih, aisi maisa paks, witin nani ai prisantka nani, ai kupia lâka yabaia ba dukiara, kan man nani baku dauki kaia lihkisma bamna.” Dawan baku kasak aisisa.

Sakaraya 12:10

“Kupia yamni ai pura suni kaia spiritka wal, Debit kiamka nani ba Jerusalem ra iwi uplika nani ba banhkamni. Bara baha nani witin ra saban ba kat kaikbia, bara witin pura mata sari pali ini banhbia, luhpia waitna kumi baman kan, apia kaka tawahkia kan sarka ini ba baku.

Matiu 16:12

Ba kat lika disaipil nani tânka brin, Jisas bui brit ra îs mangki ba dukiara lika aisaras kan, sakuna parisi nani bara sadiusi nani smalkanka dukiara aisi kan.

Matiu 26:26

Pi kan ba ra, Jisas ai mihta ra brit ba brih, tingki wih, kriki muni, ai disaipilka nani ra yabi, win: —Pi banhs, naha sika yang wîni tara ba.

Galesha 5:9

Âmya tikpara “îs wiria lupia mangkuya ba ra, plawar akban aiska ra dimi puskisa.”

Kli Smalkanka 16:7

Sakripais daukan wîna ba Dawan Gâdkam ai nina bâra kaia pliska sakan ba ra piaki pis, bara titan wala wamtla ra kli tawi was.

1 Tesalonaika 1:6

Bamna man nani ba yang nani daukri baku, bara Dawan daukan ba baku sin daukram; bara pât kasak wahwi kapram, ban sakuna sturi yamni ba Spirit Holikira mita lilia maiki kan ba wal bri katma.