Impakan Sturka 12:51 - DAWAN BÎLA AISKA

⁵¹ Bara baha yua ra sika Dawan mita Israel uplika aiklaklabra daknika nani ba, sut Idsip tasbaya wina brih sakan ba.

Impakan Sturka 12:51 ပူးပေါင်းရင်းမြစ်များ

Blasi Sturka 50:24

Yu kumi Josep ai muihni nani ra win: “Yang pruaia piui pat baila sa, sakuna Dawan bal man nani ra tâm baikbia, naha kuntrika wina mai saki, Ebraham, Aisak, Jekob tasba yabaia win ba, baha tasbaya ra mai brih wabia.”

1 King Nani 6:1

Israel luhpia nani Idsip wina takan ba ningkara, mani 480 alkan ra, Israel luhpia nani purara Salaman mani walhwal king aimaki kan piua ra, Ziv kati ra baha ba mani kum bilara katka wâl ba, witin nani Gâd watla ba paskaia tâ krikan.

2 Kronikas 14:12

Bara Dawan bui Asá bara Juda wal ra pura luanka lâka yaban Etiopía uplika nani mapara, baha mita naha nani mahka plapan.

Lawana Nani 114:1

Israel, Jekob watla ba, Idsip wina mahka takan, upla wala tasbaya wina.

Lawana Nani 136:11

Witin sika, Israel luhpia nani, Idsip wina sakan ba ai latwanka lâka ba ban kaia ra ban sa bamna;

Impakan Sturka 12:41

Bara 430 mani alkan ba manka ra, Dawan uplika nani aiklaklabra daknika tara ba sut mahka Idsip tasbaya wina taki wan.

Impakan Sturka 12:50

Moses bara Eran wal ra dîa daukaia Dawan mita win ba, Israel luhpia nani baha kat bîla wali daukan.

Impakan Sturka 13:1

Dawan ba Moses ra aisi, naku win:

Impakan Sturka 16:1

Israel luhpia nani sut ba Elim wina takan bara Sin upla iwras tasbaya ra wan. Baha tawanka ba Elim wihki Sainai wal lilkapas ra sa. Witin nani Idsip wina takan ba ra, Zif katka lapta 15 yua aimakan ba kat, witin nani bahara balan.

Impakan Sturka 19:1

Israel luhpia nani ba Idsip wina takan bara kati yumhpa aimakan, yua pas ba Sainai, upla iwras tasbaya ra wan.

Impakan Sturka 3:8

Bamna yang bal iwri, witin nani ba Idsip uplika nani mihta wina dakbi sakaia; yang bui witin nani ba baha tasbaya wina bri sal sakamni bara tasba tara tasba pain kum ra bri si yabamni, bahara tiala laya bara nasma wal laiwi baku ba. Kenan uplika nani, hitita nani, amorreo nani, ferezeo nani, heveo nani bara Jebús uplika nani iwi ba tasbaya ra.

Impakan Sturka 6:26

Naha Eran bara Moses wal ra sika Dawan mita wisata ba Israel luhpia nani ba Idsip wina brih sakaia, war aiklaklabra daknika tara kum baku asla dauki.

Impakan Sturka 6:6

Bamna Israel luhpia nani ra wih wis yang, Dawan mita witin nani alba lâka ra ba wina pri sakaisna, Idsip uplika nani mita wark karna yan taki ba wina sin. Yang karniki ba mariki witin nani ba swaki sakamni, warkki karnakira lâ wapni daukisna lâka ba wal;

Impakan Sturka 7:4

king fero man nani bîlam walbia apia, sakuna yang karniki ba wal Idsip purara mihti sakbamni, lâ nani wapni kasak lâka dauki, yang upliki Israel luhpia nani aiklaklabra daknika ba bri sal sakamni.

Libait Lâka 23:43

Bara baku man nani kiamkam wala nani ba sut tânka bribia, Idsip wina man nani mai sakri ba ra, yang daukri man nani utla papakni nani dimi kaia, Yang sika man nani Dawan Gâdkam.”

Emus 2:10

Yang bui Idsip tasbaya wina man nani mai sakri, mani 40 upla iwras tasbaya bâk mai brih tampahki kapri, witin nani tasbaya ba man nani ra maikaia dukiara.

Miqueas 6:4

Yang lika Idsip tasbaya wina mai saki bri balri, alba lâka wina sin mai swaki mai sakri. Yang mita Moses, Eran, Meri sin man nani tâm briaia blikri.

Kulki Kaikanka 23:22

Witin nani Idsip wina sakan Gâdka ba witin nani wal sa, tâwan aiklabisa bara bîp bul tara aringka ba baku sa.

Kulki Kaikanka 26:4

mani yawanaiska kumi bri ba wina purara ba nina wauhtaya ra ulbia, Dawan bui Moses ra win ba baku daukan. Naha nani sika Israel luhpia nani Idsip wina sakan ba:

Kulki Kaikanka 33:1

Naha sika Israel luhpia nani impakanka ba, witin nani Idsip wina takan, takaski impaki kan war aiklaklabra nani baku, Moses bara Eran wal witin nani tâ brin.

Apastil Nani Sturka 13:17

Israel nisanka Gâdka ba wan damika nani ba bâk saki brin, nisan tara daukaia, witin nani sin kau Idsip tasbaya ra tringsar baku iwi kan ba ra. Baha ningkara, ai karnika ba ni baha tasbaya wina sakan.

Kli Smalkanka 16:1

“Abib katka ra, Dawan Gâdkam ra mayunra yabi banhs Insal luan Yua Liliaka ba dauki, kan baha katka ra sika Dawan Gâdkam Idsip wina mai sakan ba.

Kli Smalkanka 4:37

Witin bui man nani damikam nani ra latwan kaiki witin nani kiamka ra bâk sakan bara Idsip wina ai karnika tara ni pri sakan.

Jasua 24:5

Bara yang bui Moses bara Eran wal blikri, Idsip ra prura klalka sin yâri, yang bui man nani baha wina mai sakri kat.

Judas 1:5

Man nani pain nu sma, kuna brin ai daukisa, Dawan ba mita sika Israel luhpia nani ba Idsip wina sakan, ningkara witin nani tilara, ani uplika nani kasak lukras kan ba âpu sauhki tikan.