Impakan Sturka 12:49 - DAWAN BÎLA AISKA

⁴⁹ Lâ sâtka kumi baman kaia sa. Tasbaya luhpia nani bara tringsar nani man nani tilamra iwi ba, sut lâka ba aikuki kumi kulkan kabia.”

Impakan Sturka 12:49 ပူးပေါင်းရင်းမြစ်များ

Impakan Sturka 12:50

Moses bara Eran wal ra dîa daukaia Dawan mita win ba, Israel luhpia nani baha kat bîla wali daukan.

Libait Lâka 19:34

Man nani uplikam kum baku yamni munma, latwan kaiks. Luki bas man nani sin tringsar katma Idsip ra. Yang sika man nani Dawan Gâdkam.

Libait Lâka 24:22

“Naha lâka na, upla sut mapara sa baku daukaia, tringsar nani, tawan luhpia nani sin. Yang sika man nani Dawan Gâdkam.”

Kulki Kaikanka 15:29

Baha lâka ba Israel luhpia nani sut ba aitani kulki kabia, bara kiamka sât wala nani man nani tilamra iwi ba sin lâka ba kulki kabia, saurka daukan ba ai kupia wina daukras kan bamna.

Kulki Kaikanka 35:15

Baha tawanka matlalkahbi ba sika yukuwaia tawanka nani kabia, baha ba Israel luhpia nani dukiara, bara upla sât wala nani man nani tilamra iwi ba, apia kaka impapakra nani tilamra ba dukiara sin kabia. Baha tawanka ra yukuwi kabia, ya uplika upla ra ikaia lukanka âpu si ban upla ikan nani ba.

Kulki Kaikanka 9:14

“Bamna upla tringsar man nani tilamra takaski ba sin, Insal luan Yua Liliaka ba, Dawan ra pain kulkanka ba daukbia, baha yua liliaka nahki daukaia Dawan mita win ba tânka ba kat. Tringsar nani ba sin baha lâka ba kat daukbia, baha kuntrika ra aisubi takan ba baku.”

Galesha 3:28

Bamna nanara lika, Ju kaia, apia kaka Grik kaia, alba kaia, apia kaka pri kaia, apia kaka waitna kaia, mairin kaia tânka ba âpu sa; kan Kraist Jisas wal asla kaia lâka ba mita, man nani sut asla kumi sma.

Kolosi 3:11

Bara nanara kli Grik kaia, apia kaka Ju kaia ba tânka apia sa, Aisa sainka brin, Aisa sainka briras kaia, tringsar kaia, wail baku kaia, pri, apia kaka alba kaia, sakuna Kraist sika diara sut ba, bara witin lika diara sut ra bâra sa.