Impakan Sturka 12:48 - DAWAN BÎLA AISKA

⁴⁸ Upla tringsar man nani tilamra iwisa kaka, bara witin sin brin daukisa Insal luan Yua Liliaka ba daukaia, Dawan ra mayunra yabaia dukiara, tâura man bui witin ai watla bilara waitna nani sut ba Aisa sainka mangkaia sma. Baha ningkara lika witin nani sip kabia man nani lamamra bal Insal bal lui wan Yua liliaka tara ba daukaia. Baku lika witin ba naha tasbaya luhpia pali aihwa baku kulkan kabia. Sakuna Aisa sainka mangkras uplika nani ba, kumi sin naha daiwra wîna ba wina pibia apia.

Impakan Sturka 12:48 ပူးပေါင်းရင်းမြစ်များ

Blasi Sturka 17:11

Man nani wînam taya ba klaki param sakaia sma, bara baha ba man nani wal yang lâ daukisna ba tukinka kabia.

Blasi Sturka 17:12

Naiwa wina man nani naku dauki kama: luhpiam waitna kumi bani man nani wamtla bilara aisubi taki ba, man nani wal yang lâ daukisna ba ni ai wîna ra klaki kabia yu 8 alkbia ra, bara albikam man nani kiamkam apia, upla sât wala wina atki briram ba, baha nani sin lâ daukan na ba ai wîna ra klaki kaia sa.

Impakan Sturka 12:19

Wik kum ba man wamtla bilara îs âpu kaia sa; kan ani uplika baha yua nani tilara îs bri britka pibia kaka, witin ba Israel luhpia nani tila wina ai mawan ba tikan kabia, tringsar kabia, apia tasbaya luhpia kabia sin wal baku kulkan kabia.

Impakan Sturka 12:43

Bara Dawan mita Moses bara Eran wal ra naku win: “Insal bal luan Yua lâka nani ba naku sa: Upla tringsar kumi sin, daiwan wîna sakripais daukan ba wina piaia apia.

Isikiel 14:7

Israel uplika kum, apia kaka upla tringsar kum Israel ra iwi ba, yang laima wina taki wan bara ailal nani bri bara aiska pali tâwan ai pura suni ba, witin ra munan saura dauki bâra kaiki ba, bara baha wina kli prapit kum ra wih ai pura suni ba yang ra ai pura sunaia wisi, yang mita witin ra aisamna.

Isikiel 44:9

“Baha mita, yang Dawan sna ba, aisisni: Tringsar kum sin tempelka ra dimbia apia ai lukanka ra bara ai wîna tara ra wal lâ daukanka tukinka âpu kaka; baha tringsarka Israel tilara iwi nani sin apia.

Isikiel 47:22

Naha sika man nani briaia sma ba, bara tringsar nani man nani tilamra iwi nani ba bara luhpa bri nani ba Israel ra aisuban baku kulkaia sa. Israel kiamka tilara baiki saki bribia ba ra, witin nani ra sin ai dukia yaban kabia.

Libait Lâka 19:34

Man nani uplikam kum baku yamni munma, latwan kaiks. Luki bas man nani sin tringsar katma Idsip ra. Yang sika man nani Dawan Gâdkam.

Kulki Kaikanka 9:14

“Bamna upla tringsar man nani tilamra takaski ba sin, Insal luan Yua Liliaka ba, Dawan ra pain kulkanka ba daukbia, baha yua liliaka nahki daukaia Dawan mita win ba tânka ba kat. Tringsar nani ba sin baha lâka ba kat daukbia, baha kuntrika ra aisubi takan ba baku.”

Galesha 3:28

Bamna nanara lika, Ju kaia, apia kaka Grik kaia, alba kaia, apia kaka pri kaia, apia kaka waitna kaia, mairin kaia tânka ba âpu sa; kan Kraist Jisas wal asla kaia lâka ba mita, man nani sut asla kumi sma.

Kolosi 3:11

Bara nanara kli Grik kaia, apia kaka Ju kaia ba tânka apia sa, Aisa sainka brin, Aisa sainka briras kaia, tringsar kaia, wail baku kaia, pri, apia kaka alba kaia, sakuna Kraist sika diara sut ba, bara witin lika diara sut ra bâra sa.