Impakan Sturka 12:3 - DAWAN BÎLA AISKA

³ Israel luhpia nani sut ra wis naha kati yua matawalsip aimakbia ba ra, witin nani naku daukbia: witin nani ai watla bîla bani dukiara, sîp lupia kum, apia kaka guts lupia kum briaia.

Impakan Sturka 12:3 ပူးပေါင်းရင်းမြစ်များ

Blasi Sturka 22:8

Bara Ebraham pana witin ra win: —Yang luhpi, Gâd mita sîpka ba sâkbia, baha wîna aiska angki sakripais daukaia dukia ba. Bara witin nani wâl ban mahka wapi wan.

Blasi Sturka 4:4

bara Abel sin baku ai prisantka bri balan, sîp nani tawahkia ba wina kau batana nani ba. Bara Dawan bui Abel prisantka ba kanra yamni kaikan,

2 Kronikas 35:7

Ningkara Josías ai daiwra nani wina, tawan uplika nani sut Insal luan Yua Liliaka daukaia wisi bahara banhwi ba ra yaban: sîp bara guts nani, sut ba ra, 30,000 lal nani yan, baku sin bîp bul wainhka 3,000 lal nani yan.

Impakan Sturka 12:2

“Naha katka na man nani tara kulki kaia sma, mani tâ katka ba.

Impakan Sturka 12:21

Bamna Moses, Israel almukka nani sut ba paiwi bara baha lâka nani ba witin nani ra win: “Man nani was sîp lupia kum, apia kaka guts lupia kum saki bris, man wamtla bîla dukiara; bara iks Insal luan Yua ba daukaia.

Impakan Sturka 12:4

Utla bani ra upla maura baman mita wîna ba sut sip piras sa kaka, utla dawanka ba mita ai lamara iwi uplika nani ba paiwi aikuki nahki piaia sip ba praiska kat, yui pi wîna ba danh daukbia.

Impakan Sturka 12:6

Daiwan ba main kaiki bri kabia, yu mahka tutni tawi ba ra, upla kumi bani ai daiwra ba ikbia.

Impakan Sturka 14:15

Bara Dawan bui Moses ra win: —¿Man nani dîa dukiara yang ra tawi ai kaiki inisma? Israel luhpia nani ra wis, witin nani mahka ai kainara wabia.

Impakan Sturka 20:19

Bamna witin nani bui Moses ra win: —Man bal yang nani ra aisas, bara yang nani bîlam wali daukamna, kuna Gâd lika yang nani ra aisabiara, kan yang nani sut prui tiwamna.

Impakan Sturka 4:30

Bara Eran mita witin nani ra Dawan bui Moses ra aisin bîla nani ba sut pali win, baha purkara diara aihkakira nani dauki marikbia win ba, baha sin sut witin nani mawanra dauki marikan.

Impakan Sturka 6:6

Bamna Israel luhpia nani ra wih wis yang, Dawan mita witin nani alba lâka ra ba wina pri sakaisna, Idsip uplika nani mita wark karna yan taki ba wina sin. Yang karniki ba mariki witin nani ba swaki sakamni, warkki karnakira lâ wapni daukisna lâka ba wal;

Isikiel 40:1

Baha katka yua matawalsip ra mani raya katka, Dawan ai mihta ba yang purira mangkan bara diara aihka kaikan kum ra Israel tasbaya ra ai brih wan. Pat 25 mani baku yang nani Babilon ra alba katna, Jerusalem batakan ba wina lika 14 mani bri kan. Israel tasbaya ra, il purara pali kum ra Dawan mita ai sunan, bara baha wina yang waupasa tani ra kaikri utla pali man mâkan baku tawan tara kum baku.

Libait Lâka 1:2

“Israel luhpia nani aikuki aisi, witin nani ra wis, upla kum daiwan nani prisant aikaia bri balbia ba, witin ai daiwra nani daknika ba tila wina saki bri balbia.

Libait Lâka 5:6

Witin ai daiwra daknika ba wina, daiwan mairin kum bri sal witin saura daukan ba mana Dawan ra yabi, sakripais daukbia. Sîp mairin kum, apia kra guts mairin kum, baha daiwra prîs ba bri sakripais dauki ba natka ra uplika saura daukan saurka ba swih tikbia.

Kulki Kaikanka 15:11

Baku dauki kabia, bîp wainhka bani sakripais daukaia ba dukiara, sîp wainhka bani sakripais daukaia dukiara sin, sîp luhpia bani sakripais daukaia ba dukiara bara guts luhpia bani sakripais daukaia ba sin.

Jan 1:29

Yaprika wala, Jan kaikan Jisas witin ra aula kan, bamna upla nani ra naku win: “Kaiks man nani, naha waitnika aula na sika Gâd Sîpka Luhpia, naha tasba saurka bri saki ba.

Jan 1:36

Jisas bal luya kan kaiki, Jan mita naku win: —Kaiks man nani, witin sika Gâd Sîpka Luhpia ba.

Jan 12:1

Insal luan Yua Liliaka kau yu 6 kan, Jisas Betania ra wan; bahara Lasarus takaski kata, bara witinka sika Jisas mita pruan wina bukata ba.

Jan 12:12

Upla ailal Jerusalem ra wan kata Insal luan Yua Liliaka ba luaia; yu wala witin nani tânka brin, Jisas sin Jerusalem ra balaia ba.

1 Korint 5:7

Baku bamna, saurka îska almuk ba lulki swis, bara man nani ba aiska pali klin kama. Baku mika, plawar akban raya kum îs âpu Insal luan Yua Liliaka ra pi ba banhwi kama, bara yang kasak pali kaikisna man nani ba nanara baku sma. Kan Kraist pali wan Insal luan Yua Liliaka dukia ba yawan dukiara sakripais dauki ikan sa, bamna witin sika Insal luan sîpka yawan bri ba.

Jasua 7:14

Yauhka kiamka kumi bani ai daknika ba kat maiwanra bal bubia, ani kiamka ba kat yang sturi aisamna ba, witin nani kumi bani ai masraka uplika nani aikuki asla taki maiwanra balbia. Bara masraka uplika nani ba kat aisamna kaka, baha taika ba tila wina waitna kumi bani yakan wapi maiwanra balbia.

Param Marikanka 13:8

Tasba paskan piua wina, Sîp Luhpia ikan ba raya kaia wauhkataya ba ra nina ulbras uplika nani tasba ra ba baha nani baman, baha daiwra saura ra mayunbia.

1 Samuil 7:9

Sîp lupia kum kau tiala di ba Samuil brin, bara aiska angki sakripais dauki, Israel luhpia nani tâwan Dawan ra makabi ai pura sunan, bara Dawan pana witin ra walan.