Impakan Sturka 12:29 - DAWAN BÎLA AISKA

²⁹ Tihmia lilapas ra, Dawan mita Idsip uplika nani luhpia tawahkia kumi bani ba ikan, baku sin king fero luhpia tawahkia, king iwaika ra kan ba, silak ra mangkan nani kan ba luhpia tawahkia kat sut pruan, baku sin daiwan lupia nani tawahkia kat sin sut pruan.

Impakan Sturka 12:29 ပူးပေါင်းရင်းမြစ်များ

Blasi Sturka 15:14

Ban sakuna, baha nisanka witin nani ra alba bribia ba, witin nani ra sin yang mita klala yabamna. Baha ningkara kiamkam nani ba diara ailal dawanka aimaki, yuyakira taki bara baha wina pri taki mahka wabia.

Job 34:20

Upla nani ba wan dahra walras kan pat pruisa tihmia tilara; upla nani bin tara dauki si lap tiwisa, upla ba karnika âpu baku daukisa, rayaka ba sakisa.

Lawana Nani 105:36

¡Idsip ra sin prura blikan, Idsip taika tilara luhpia tawahkia nani sut pruan!

Lawana Nani 135:8

Witin sika Idsip luhpia tawahkia nani ikan upla bara daiwan tawahkia nani sin sut.

Lawana Nani 136:10

Witin sika, Idsip watla uplika tawahkia nani ra ikan ba kan witin ai latwanka lâka ban kaia ra ban sa bamna.

Lawana Nani 78:50

¡Gâd ai kupia sauhkanka aiska ba blikan! Rayaka kumi ra sin pâtka swih tikras, sakuna sut ra prura ba yaban;

Lawana Nani 78:51

¡Idsip ra yaban prui tiwan taika bara luhpia tawahkia nani ba!

Impakan Sturka 11:1

Dawan bui Moses ra win: —Kau klala kum king fero ra bara Idsip uplika nani sut purara bri balaia sna. Baha ningkara, king fero bui man nani ba ban mai swika taki wama apia, sakuna witin mita mai kangbi mai sâkbia.

Impakan Sturka 12:12

Baha tihmika yang lika Idsip tasbaya aiska ra lui wamna, bara Idsip uplika nani watla bîla bani ra, luhpia tawahkia bani ba ikamni; daiwra luhpia tawahkia nani ba sin, bara Idsip gâdka nani ba lâka sin daukamni. Yang Dawan, baku aisisna.

Impakan Sturka 12:28

Ningkara witin nani taki wan, bara Dawan mita dîa daukaia Moses bara Eran wal ra win ba, witin nani baha kat daukan.

Impakan Sturka 13:15

King fero ai kupia karna dauki, yang nani ba ai swika taki waia apia dauki kan, bara Dawan mita witin nani bani, luhpia tawahkia nani ba ikan. Baku sin ai daiwra luhpia wainhka tawahkia nani ba sin ikan; bahamna sika yang nani wan daiwra nani luhpia tawahkia wainhka nani bani ba ni Dawan ra yabisna; bara wan luhpia waitna tawahkia nani ba pura mana ba lika Dawan ra prisant kum yabi atki saki banhwisna.

Impakan Sturka 4:23

Bara yang pat mai wîri luhpi ba swis taki wabia, bara witin nani bui yang ra maiyuni warkki daukbia; ban sakuna, man bui witin ba swirka taki waia apia lukisma bamna, yang bui man luhpiam waitna tamwahkia ba ikaisna.’

Impakan Sturka 9:6

Bara yu wala baiwan ra, Dawan mita daukan Idsip uplika nani daiwra sut pali prui tiwan. Sakuna Israel luhpia nani daiwra lika kumi sin pruras kan.

Aiseya 24:22

Witin nani ba tasba mununhta sialaka watla ra silak ra mangkan kabia, silak ra mangki nani ba durka praki swin kabia, bara yu ailal lubia ba ningkara klala yan kabia.

Aiseya 41:11

Baha nani sut misbara mai kaiki ba, witin nani ai swira daukan kabia, mâyara batakan kabia; man mampara banhwi ba witin nani diara apia baku kabia.

Aiseya 51:14

Priskan, sari, umpira takan nani ba pat pali pri sakan kabia; tasba unta sialaka watla ra ban prubia apia, ai pata sin danh takbia apia.

Jirimaya 38:13

Bara waitna nani kialira ba lulkan bara Jirimaya baha wina sakan. Baha ningkara, Jirimaya aihwawakra latka ba ra takaskan.

Jirimaya 38:6

Bara witin nani Jirimaya ba alki wihta tara Malquías laya watla ra mangki swin, aihwawakra latka ra bâra ba. Lî watla ba lî âpu drapapa baman kan, bara witin kialira ni witin ba wilki bâra lahban, bamna Jirimaya drapapa ra rungwan.

Abakuk 3:5

Siknis saura nani ba witin ai kainara blikisa, bara baha nani prura ba brih aula.

Sakaraya 9:11

Dawan naku aisisa: “Jerusalem, man tala laiki lâ daukram ba mita, liwanhta lâwan ra uplikam nani silak ra mangkan bâra ba, yang baha wina sakamna.

Kulki Kaikanka 3:13

tawahkia nani sut ba lika yang briri, Idsip tasbaya ra tawahkia nani sut ikri ba yua wina, bara Israel ra tawahkia bani ba, upla nani bara daiwan nani tawahkia sin sut. Bamna tawahkia nani ba yang briri. Yang sika Dawan.”

Kulki Kaikanka 33:4

Idsip uplika nani ai luhpia tawahkia pruan nani ba biki banhwi kan ba ra, baku Dawan ai karnika ba witin nani ra mariki kan, Idsip gâdka nani lâka sin daukan.

Kulki Kaikanka 8:17

Kan tawahkia nani sut Israel luhpia nani tilara ba yang bâk saki briri sa, upla nani bara daiwan nani tawahkia ba sut sin. Idsip ra tawahkia nani sut ikri ba yua ba wina, yang bui witin nani ba laki bâk saki briri.

Hibru Nani 11:28

Kasak lukan lâka mita Moses ba Insal luan Yua Liliaka ba dauki, adar yan tala ba dur nani ra srikbi, prura insalka ba Israel luhpia nani luhpia tawahkia kumi ra sin ikbia apia dukiara.

Hibru Nani 12:23

Man nani ba Gâd luhpia tawahkia nani asla aidrubanka liliakira lamara balram sa, witinka nani nina nani kasbrika purara ulban ba. Man nani ba Gâd lamara balram sa, witinka upla sut Lâka Dadaukra ba, bara upla yamni nani Gâd mita kasakkira nani daukan ba lamara sin.