Impakan Sturka 12:22 - DAWAN BÎLA AISKA

²² Tâlia ba baul bilara brima, bara hisop tnawa nani mihtam banhki wilki brih, bara baha ni tala ra buski durkam purara bara playka nani ra yûks. Ningkara durkam ba praki swis, upla kumi sin tihmia ra kli latara takaia apia, ban titan kat.

Impakan Sturka 12:22 ပူးပေါင်းရင်းမြစ်များ

Lawana Nani 51:7

Inta wahia kîa pain ba ni, tâskiki sut ba wina sunu ai sâks; sikbi ai sâks, bara wahmuk pinhka baku kau pihni takamna.

Impakan Sturka 12:7

Bara wîna ba, ani watla bilara pibia ba, daiwra tâlia ba wiria bribia bara ai durka playka nani un ra bara dur pura nani ra sin tâlia ba wal yûkbia.

Aiseya 26:20

Impaks, yang upliki nani, wamtla rumka ra dims, durkam nani ba ninamra praks. Wirâ yukuwi bas, piua wiria lupia baman, Dawan kupia baiwanka ba lui wabia ba kat.

Kulki Kaikanka 19:18

Baha ningkara waitna kum sunu ba, hisop tnawa lupia kumi brih, liura buski bara baha watla ra srikban kabia. Lî watla nani ba bara upla nani sin bahara kan ba, upla pruan dusa nani ra kangban ba, ban kra upla kumi mita upla wala kum ra ikan, apia kaka upla ban pruan ba alkan ba, ban kra raiti kum ra kangban ba sut.

Matiu 26:30

Witin nani lawana nani aiwanan ningkara, Olivet ilka ra wan.

Hibru Nani 11:28

Kasak lukan lâka mita Moses ba Insal luan Yua Liliaka ba dauki, adar yan tala ba dur nani ra srikbi, prura insalka ba Israel luhpia nani luhpia tawahkia kumi ra sin ikbia apia dukiara.

Hibru Nani 12:24

Man nani lika Jisas lamara balram sa, witinka ba lâ raya daukan ba hilpka witin aimaki ba; witin ai tâlia laiki srikban ba ra sin, baha mita Abel tâlia ba purkara kau diara pain nani wan aisi ba.

Hibru Nani 9:1

Bamna pas lâka daukan ba, Gâd ra pura suni mayunaia lâka nani bri kan, sakuna baha ba Gâd wal aisaia watla kumi ra dauki kata.

Hibru Nani 9:14

Sakuna baku sa kaka, ¡Kraist tâlia ba kau karnika tara pali brisa! Ban kaia Spiritka bâk, Kraist witin ai wîna tara pali ba sakripais tâski âpu baku dauki, Gâd ra yaban. Witin ai tâlia ba mita wark bahki nani ba wina wan kupia dara walra ba klin daukisa, yawan bui Gâd rayakira dukia nani ba daukaia sip kabia dukiara.

Hibru Nani 9:19

Moses mita lâ bîla wina lâ nani ba sut upla nani ra aisan; baha ningkara, witin ba sîp tâwa pauni bara hisop tnawa kum brih, bîp lupia nani bara guts lupia nani tâlia ra yuki, lî sin mangki, lâ wauhkataya purara srikban, upla sut purara sin.

Jasua 2:19

Sakuna wamtla bîla wina latara taki prubia kaka, baha ba witin yakan ai pâtka kabia, yang nani baha tilara pât âpu sna. Sakuna man nani utla bilara kama ba ra, upla kum bal mai kangbia kaka, yang nani purira kabia baha wapnika mangkaia.

1 Pita 1:2

Man nani ba Gâd Aisa mita bâk mai sakan sa patitara wina, dîa daukaia lukan ba kat. Spirit bâk man nani ba upla holikira nani mai daukan sa; witin ra ai bîla wali daukma dukiara, bara Jisas Kraist tâlia mita klin mai daukbia dukiara sin. Bamna, man nani ba yamnika nani bara kupia kumi lâka manis pali bri kama.