Impakan Sturka 11:7 - DAWAN BÎLA AISKA

⁷ Baku man nani kaikma, Dawan mita Israel luhpia nani ba aihka sakisa Idsip uplika nani ba wina. Israel luhpia nani tilara, yul nani kumi sin, upla ra bara daiwan ra sin akbi kabia apia.

Impakan Sturka 11:7 ပူးပေါင်းရင်းမြစ်များ

Job 5:16

Witin sika swapnikira nani bîla kaikanka ba, ¡witin mita sika saurakira nani bîla ba prakisa!

Lawana Nani 7:12

Upla ba kli Gâd ra tawi balras sa kaka, witin ai sordka buhbi mala daukbia; witin ai pantamangkika pat bulki ridi brisa,

Impakan Sturka 10:23

Tihmia tara pali aihwa kan ba mita, upla nani ba ai lamara pana pana sip kikras kan, yu yumhpa ai watla nani wina latara takras kan. Ban sakuna, Israel luhpia nani watla lika ingni bri kan.

Impakan Sturka 7:22

Ban sakuna, Idsip sukika nani sin baku daukan, witin nani diara aihka daukaia sinska bri ba wal. Bahamna, king fero ai kupia ban kau karna dauki kan: Moses bara Eran wal aisi ba bahki pali kulki kan, Dawan mita witin nani ra win ba baku.

Impakan Sturka 8:19

Bara sukia nani wih king ra win: —¡Naha diara na, Gâd mita daukisa! Sakuna king ba ban ai kupia karna bri kan, Dawan mita win ba baku, Moses bara Eran wal ra bîla walbia apia.

Impakan Sturka 8:22

Ban sakuna, Gosen tasbaya ra, yang upliki nani iwi banhwi ba ra lika walmu nani blikamna apia; bahara walmu âpu kabia. Baku daukamna ba wina, man kaikma yang sika Dawan, naha tasbaya ra warkki daukisna ba.

Impakan Sturka 9:26

Idsip tasbaya aiska ra baku diara saura pali taki kan, sakuna Gosen tasbaya ra Israel luhpia nani iwi kan ba tilara lika, ais mâ sirpi kumi sin auhras kan.

Impakan Sturka 9:4

Sakuna Israel luhpia nani daiwra ba, Idsip uplika nani daiwra ba wina Dawan mita aihka dakbi sâkbia. Bara Israel luhpia nani daiwra lika kumi sin prubia apia.’

Malaquía 3:18

Bara man nani aima wala ra tânka brima yamni ba saura ba wal tânka aihka ba, Gâd ra mayuni ba, Gâd ra mayunras ba tânka.”

1 Korint 4:7

Bamna, ¿man ba ya mita upla wala nani purkara kau tara mai daukan sa ki? ¿Diara nani brisma ba sut, Gâd bui maikras kata ki? Bara witin bui maikan kaka, ¿dîa kan tara pulisma, diara nani brisma ba man mita saki briram kan baku?

Jasua 10:21

Sakuna Israel luhpia nani ba pain, wîna ra diara takras ai kiampka Maquedá ra tawi balan Jasua bâra kata pliska ra. Bara upla kumi sin Israel luhpia nani mapara diara aihka aisaras kan.