Impakan Sturka 11:3 - DAWAN BÎLA AISKA

³ Dawan daukan Idsip uplika nani ba, Israel luhpia nani ba mapara ai kupia ra latwan kaikaia. Baha purkara, king fero uplika tara nani ba, Moses ba waitna aihka tara pali kulkan kabia, bara Idsip uplika nani sin Moses dukiara baku lukan kabia.

Impakan Sturka 11:3 ပူးပေါင်းရင်းမြစ်များ

Blasi Sturka 12:2

Bara man kiamkam wina yang nisan tara kum daukamni, yamni mai munamni, ninam tara daukamna, man ba yamnika kum kama upla wala nani dukiara.

Blasi Sturka 39:21

Dawan ba Josep lamara kan, ai kupia yamni lâka ba ban mariki kan, bara sin daukan silak watla wihtka ba ban Josep ra yamni lukaia.

2 Samuil 7:9

Man wal wari, ani anira man waram ba, waihlam nani mampara buan ba sut yang bui âpu daukri, ninam mayunra tara maikri, naha tasba uplika tara nani ai mayunra bri ba baku.

Ester 9:4

Bamna Mardoqueo ba pat king watla bilara kulkan tara bri kan, baha purkara sin ai kulkanka ba king tasbaya aiska ra pâwi kan, baku sin, yu bani ra kau kulkanka tara pali yabi kan.

Lawana Nani 106:46

¡pura lalura nani ra sin yan ai kupia yamnika lâka wal banhkan!

Impakan Sturka 12:35

Uplika nani ba Moses dîa daukaia win ba kat daukan. Baha purkara, Israel luhpia nani Moses adarka kat, Idsip uplika nani ra gul bara silbar ni daukan dukia nani bara kwala nani sin makaban.

Impakan Sturka 12:36

Bara Dawan mita ban baku daukan Idsip uplika nani Israel luhpia nani ra ai kupia pihni lâka ra, witin nani dîa makaban ba sut yaban. Baku natka ra Israel luhpia nani mita Idsip uplika nani dukia sut mihta dakbi brih wan.

Impakan Sturka 3:21

Baha purkara, yang bui Idsip uplika nani ra munamna Israel luhpia nani ra kulkanka yabia, bara kupia yamni lâka marikbia, witin nani taki auya bara mihta bîla baman taki waia apia ba mata.

Aiseya 60:14

Taibi mai muni kan luhpia nani ba, man mamwanra bawikira balbia, lamwaska kiki nani kata ba sut sin, bal minam ra ai lula kriki ai pura sunbia bara mai wibia: ‘Man ba Dawan Tawanka ba’, ‘Gâd Saionka, Israel ra Holikira ba.’

Apastil Nani Sturka 7:22

Baha mita Moses ra Idsip sinska lâka nani sut ba smalkan kata, bamna witin lika sinskira bara diara daukaia sin karnika bri kan.

Kli Smalkanka 34:10

Israel ra prapit wala âpu kan, Moses baku Dawan wal ai mawan kat aisi kan ba,

Kli Smalkanka 34:11

wark aihkakira nani Dawan mita yaban daukan Idsip ra king fero mapara, ai suliarka bara ai kuntrika aiska ra sin,

Jasua 4:14

Baha yua Dawan mita baku daukan, Israel luhpia nani ba sut Jasua ra kaiki tâ iwaia bara kulkanka sin yabaia, Moses raya kan witin nani bui witin ra bîla wali kulki kan ba baku, Jasua ra sin kulkaia.

Param Marikanka 3:9

Baku bamna, Sitan daknika wina nani ba, witinka nani kuninkira Ju wisa sakuna baku apia ba, yang munrika wih minam ra ai lula krikbia, bara kaikbia yang bui man ra latwan mai kaikisna.