Impakan Sturka 10:26 - DAWAN BÎLA AISKA

²⁶ Baha purkara sin, yang nani daiwri nani ba yang nani wal wabia, kumi sin nahara takaskaia apia, kan yang nani baha daiwra nani tila ba wina pliki saki, baha ni Dawanki ra tingki wi mayunra dauki yaia sna. Yang nani bahara kau taki waras sna kaka, nahki nanara pat nu kamna ani daiwra ba iki, sakripais dauki yaia sna ba.

Impakan Sturka 10:26 ပူးပေါင်းရင်းမြစ်များ

Impakan Sturka 10:25

Kuna Moses pana aisi, win: —Apia, man baku wisma kaka, daiwan nani briaia sna ba, man mita saki aikma, bara yang nani baha bri sakripais dauki angki, Dawanki Gâdki ra mayunra yamni kulkan lâka ba dauki yabamna.

Impakan Sturka 10:9

Moses pana aisi, win: —Yang nani luhpi nani ba, upla almuk nani, luhpi waitna, luhpi mairin nani, sîpki nani bara bîpki nani sut aikuki taki waia sna, kan yang nani ra baha yua ba lilia tara yua pali sa bamna.

Impakan Sturka 12:32

Bîpkam bara sîpkam nani sut sin brih was, man brin mai dauki kan ba baku, man nani taki was. Bara yang dukira Dawan ra puri suns.

Impakan Sturka 8:27

Bamna yang nani yu yumhpa upla iwras tasbaya ra wapaia sna, bahara Dawanki Gâd ra sakripais dauki yabaia, witin mita yang nani ra ai win ba baku.

Sins Lâka 3:9

Dawan ra kulkanka yas man yuyakam nani ba wal, dusam mâ tawahkia nani sut ba wal sin.

Aiseya 23:18

Sakuna ai bisniska nani wina diara pura praki saki ba Dawan ra yabia; witin nani swibia apia, kuki sin bribia apia, sakuna Dawan mawanra dukia dauki nani bâra yan kabia, baha wina pi aibanhbia ba kat, bara kwala pranakira nani sin atki dimbia.

Oseas 5:6

Witin nani ai sîpka bara ai bîpka mairin aikuki Dawan pliki wabia, sakuna wal prawbia apia, Dawan ba witin nani wina tnaya ra tawan bamna.

Sakaraya 14:20

Baha yua ra, aras nani nana ra bil lupia nani wilki ba taya ra sin naha bîla na ulban kaia sa: “Dawan mihta ra mangkan sa”. Bara tempel bilara dikwa tara nani ba, kâp tara nani altar ra ba sin aihka sakan kabia Dawan dukia.

2 Korint 8:5

Yang nani briaia luki kapri ba wal kau pura dauki banhwan, kan witin nani ai wîna ba yan, Dawan ra pas, bara baha ningkara yang nani ra, Gâd kupia lâka ba kat.

Hibru Nani 11:8

Kasak lukan lâka mita Ebraham ba Gâd mita paiwan ba ra, ai bîla kat wali, Gâd mita tasba kum yaia pramis munan kan ba mata taki impaki wan. Ai tasbaya pali ba swih wan, bara anira auya sapa sin kaikras kan.