Impakan Sturka 10:2 - DAWAN BÎLA AISKA

² Bara man mita sin luhpiam bara mulam nani ra wiaia sma, yang nahki Idsip uplika nani ra lawaska kiki pulri ba, bara wark aihka tara nani sin witin nani tilara daukri ba. Baku man nani sin kaikaia sip sma yang sika Dawan sna ba.

Impakan Sturka 10:2 ပူးပေါင်းရင်းမြစ်များ

2 Samuil 7:22

Baha ba mita, Dawanki, tara kaia lâka ba man dukiam. Kan man baku wala âpu sa, gâd wala nani sin âpu sa man tnamya ra, yang nani sut pat walri ba baku.

Lawana Nani 44:1

Dawanki, yang nani pali walri, damiki nani baha dahra ai win, baha warkka man bui witin nani yua nani ra daukram ba patitara yua nani ra.

Lawana Nani 44:2

Man mihtam pali ni, idan nani tasbaya wina kangbi sakatma; nisan nani, upla sât wala nani ra klala yaram, bara damiki nani ra yaram, witin nani iwi kan ba tasbaya ra iwaia. Witin nani ra yaram manis sahwan.

Lawana Nani 58:11

Bâra mika wibia: “¡Aitani pali sa, upla ba kasak kaia ba! ¡Dawan kum bâra sa, tasba aiska ba lâka daukisa!”

Lawana Nani 71:18

Dawanki, ai lulki ai swipara, ban almuk kra, tâiwa pihni kabia kra, kuna ban aisi kamna, man karnikam tara ba dukiara naha kiamka nani ra, bara aula nani ba ra sin.

Lawana Nani 78:3

Yang nani walri ba, bara kaikri ba wan aisika nani wan smalkan sa,

Impakan Sturka 13:14

Baha piua nani ba balbia ba ra, luhpiam nani man nani ra mamkabi walbia kaka: ‘¿Naha daukisma na dîa tânka sa?’ Man nani bui witin nani ra wima: ‘Idsip tasbaya ra yang nani alba lâka ra iwi banhwi kapri ba ra, Dawan bui witin ai karnika tara ba wal baha wina bri sal wan sakan ba tânka.

Impakan Sturka 14:18

Yang karniki ba king fero war waginka nani bara aras âiulra nani ba purara sin mariki kamna. Bara Idsip uplika nani ba kaikbia, yang sika Dawan sna tânka ba.

Impakan Sturka 14:4

Ban sakuna, yang mita king fero ba kupia karna daukamna, bara man nani ninam blîkbia; baha piua ra yang karniki ba witin ra marikamna. War aiklaklabra daknika nani ba sin karniki kaikbia, bara Idsip uplika nani ba sin baha piua ra kaikbia, yang sika Dawan sna ba tânka.” Bara Moses win ba baku, Israel luhpia nani ba daukan.

Impakan Sturka 7:17

Bahamna, Dawan bila naku wisa: Nanara man kaikma yang sika Dawan sna ba. Naha dusa mihti ra brisna na liura prukamna ba ra, awala laya ba tala baman takbia.

Impakan Sturka 7:5

Yang bui Idsip tasbaya purara karniki ba marikamna ba ra, Israel luhpia nani ba baha wina sakamna bara witin nani ai dara walbia, yang sika Dawan sna ba.

Impakan Sturka 8:6

Eran ai dusa ba awala nani purara sakban bara baha wina pikpik nani bal taki, Idsip tasbaya aiska ba banhkan.

Aiseya 38:19

Witinka nani raya ba, baha nani baman, Dawan, mayunra maikbia, naiwa yang daukisna ba baku. Aisika nani ba ai luhpia nani ra naha kasakka tânka na param marikan kabia.

Isikiel 20:26

Sans yabri tâski takaia, prisantka aidul nani ra yabi, bara pauta ra ai luhpia tawahkia sakripais dauki. Naha daukri sibrin daukbia wisi, bara baku ai tânka bribia yang sika Dawan sna ba.’

Isikiel 20:28

Yang pramis takri tasbaya ra yabri diman ba ra, kiahwak kaiki kan kiuhsi kum ba, apia kaka dus tara kum ba, bahara ai sakripaiska nani dauki kan bara prisantka nani yabi kan. Kupi tara pali sauhki ba sika, kîa yamni nani laiki kan bara prisantka nani ba wain ni laiki kan.

Joel 1:3

Naha pâtka tara takan sturka na, luhpiam nani ra aisi smalks; bara witin nani sin ai luhpia nani ra sturka na wibia, bara baha luhpia nani mita sin ai kiamka nani ra aisi kabia.

Epesus 6:4

Aisa nani bara yapti nani, man nani luhpiam nani ra ai kupia baikaia tatuski kapara, sakuna Dawan latwan lâka ra witin nani ra smalki paks, lâ kat wapni tauki kaia.

Kli Smalkanka 4:9

Baku bamna aman kaiks, diara nani kaikram ba âmya tiki banhpara. Ban kaia ra, sinskam wina sin sâkpara. Man ra yamni kabia luhpiam nani ra bara mulam nani ra sin smalkma.