Impakan Sturka 1:11 - DAWAN BÎLA AISKA

¹¹ Nanara Idsip uplika nani ba, wark nani pura kakaira mangkan, Israel luhpia nani ra yaka wark karna taki kaia dukiara. Witin nani ra munan tawan wâl paskan: Pitón bara Ramsés. Naha tawanka wâl na sika plun mâ nani apahki suni briaika pliska bri kan ba king fero mita mâkan ba, witin lika Idsip kingka ba.

Impakan Sturka 1:11 ပူးပေါင်းရင်းမြစ်များ

Blasi Sturka 15:13

Bara Dawan Ebram ra win: —Naha tânka man damra walaia sma, man kiamkam nani ba tringsar baku upla wala nani tasbaya kum ra witin nani iwbia, bahara witin nani ba alba nani kabia. Mani handat walhwal witin nani ra sin rausauhkan kabia.

Blasi Sturka 47:11

Bara Josep Idsip tasbaya ra tasba kau pain ba witin nani ra yan. Witin nani bahara iwan, king fero adarka win ba kat. Bara baku Josep aisika, muihnika nani sin Ramsés tasba pain kum brin bâra iwaia.

1 King Nani 9:19

Baku sin tawan nani Salaman plun auhbi bri kan ba kli paskan, wagin nani swiaika pliska kan ba sin paskan, aras nani watla ba sin bara dîa sut Salaman Jerusalem ra paskaia lukan ba sut paskan Líbano ra, bara witin king aimaki tawanka nani sut sin paskan kata.

2 Kronikas 16:4

Ben-hadad aisi kaikan ba ningkara wilin takan king Asá win ba daukaia, bara war tâ brabrira nani lalka blikan Israel tawanka nani ra war daukaia, baku Iión pura lui win takan, Dan, Abel-maim bara tawan wala nani Neftalí tawanka nani kan ba sut sin.

2 Kronikas 8:4

Bara Tadmor sin mâkan upla iwras tasbaya ra, baku sin kli paskan Hamat ra tawan bani wina plun auhbaia watla mâkan ba.

Lawana Nani 105:13

witin nani ban impaki kan, nisan kumi wina nisan wala ra, king tasbaya kumi wina king tasbaya wala ra.

Lawana Nani 129:1

Aima ailal trabil nani bâk luri, wahma kapri ba wina; —Israel nanara wibia—,

Lawana Nani 129:2

aima ailal trabil nani bâk luri, yang wahma kapri wina, ban sakuna witin nani sip puri luras kan.

Lawana Nani 68:13

Sakuna man nani lika takaski yukuwi kapram. ¡Butku tnawa nani silbar lalauban ba ra! Ai taya nani ba lika gul ni lalauban ba.

Lawana Nani 81:6

“Pamhpaya nani wina karban wirha ba sakatna, wark karna taki katma ba wina, swapni dauki maikatna.

Impakan Sturka 2:11

Moses ba pat tara pâwan kan ba ra, impaki taki wan ai uplika Hibru nani ba kaikaia. Baha piua ra kaikan, ai uplika nani ba nahki taiban lâka mununhtara wark karna taki ba. Bara sin kaikan, nahki Idsip uplika kum mita ai uplika Hibru kum ra saura pali pruki kan ba.

Impakan Sturka 3:7

Sakuna Dawan kau ban witin ra aisi, win: —Yang upliki nani Idsip ra pât saura wahwi ba param pali kaikisni. Wark pura kakaira nani ba mita witin nani ra saura muni bara ai mâmna lulki ini makabi ba yang walri, yang kasak pali kaikisni witin nani pât saura pali wahwisa.

Impakan Sturka 5:10

Bara wark pura kakaira wihtka nani ba, dakni pura kakaira wihtka nani sin taki wan bara upla nani ra naku win: —King fero yang nani ra adar aikan sa, man nani ra kli twi lâwan nani bri si maikamna apia.

Impakan Sturka 5:15

Bara Israel wark pura kakaira uplika nani ba king fero ra wan, bara Idsip wark wihtka nani dahra saki, win: —¿Dîa muni man albikam nani ra naku munisa?

Impakan Sturka 5:8

Sakuna kau karna aisas witin nani kau wark takaia, blok nani an paski kata ba kulkanka ba kat ban paski kaia, ¡baha wina kumi sin mâyara ikaia apia! Witin nani wark aitani âpu sa, baha mita ini makabisa: ‘¡Aikrika yang nani taki wih Gâdki ra sakripais dauki yabamna!’

Sins Lâka 27:4

Wan kupia laptika ba krakraka sa, lawan tara ba sin diara sauhki tikisa; sakuna diara tumaia lâka ba sip alki takaskras.

Kulki Kaikanka 20:15

Wan almukka nani Idsip ra wih mani ailal bâra iwan; sakuna Idsip uplika nani yang nani ra saura ai munan, wan almukka nani ra sin.

Kli Smalkanka 26:6

Sakuna Idsip uplika nani mita saura wan muni, taibi sin wan munan, bara alba lâka ra sin pât ailal wankan wahwan.