Hibru Nani 7:2 - DAWAN BÎLA AISKA

² Ebraham mita war aiklabi diara nani dakbi brin ba matawalsip bani wina kumi ba, witin ra yan. Melkisedek nina tânka pas ba lika “king kasakkira”; bara witin Salem kingka kan ba mita, ai nina tânka ba sin “kupia kumi lâka kingka”. Salem tânka ba “kupia kumi lâka” sa.

Hibru Nani 7:2 ပူးပေါင်းရင်းမြစ်များ

Blasi Sturka 28:22

Naha walpaya playa bapanka kum bapi swisna na, naha na Gâd watla kabia; bara diara nani sut aikisma ba wina, mânka matawalsip bani ba wina, mânka kumi ba man ra maiki kamna piua sut ra.”

2 Samuil 23:3

Israel Gâdka ba witin aisin; Israel kan kakahbra ba witin bui yang ra ai win; upla purara kasak lâka ra wihta aimaki ba, “Dawan ra sin sibrin luki wihta aimaki ba,

2 Samuil 8:15

Debit lika Israel luhpia nani sut kingka aimakan bara kasakka lâka, wapni lâka kat daukan upla sut wal.

1 Kronikas 22:9

Sakuna man luhpa waitna kumi brima, witin lika kupia kumi waitnika kabia, baha purkara yang munrika ani ani pliska ra ai waihla nani bâra ba, witin wal kupia kumi bri kabia. Baha mita ai nina ba Salaman mâkan kabia. Sakuna witin ai yua ra Israel ra kupia kumi bara lamni lâka bâra kabia.

Lawana Nani 72:7

Kupia kumi lâka bara wapni kaia lâka, king aimaki piua nani ba sut ra, kati ba kasbrika purara âpu takbia ba kat ban kabia.

Libait Lâka 27:32

“Daiwan matawalsip bani ba wina kumi ba Dawan dukia kulkan sa, bîp sapa, sîp sapa,

Miqueas 5:5

Naha kingka sika, kupia kumi lâka ba dauki wankbia. Asiria uplika nani ba bal, wan tasbaya kutbi bribia, bara lâ watla tara nani ba ra dimbia taim, yawan bui witin nani mapara wihta nani 7 bara waitna karnakira nani 8 yawan bui blîkbia.

Kulki Kaikanka 18:21

Libait nani ra lika, upla nani diara matawalsip bani wina kumi yang ra aiki kaia ba, baha yama, tint watla ra witin nani wark dauki ba mana baha bri kabia.

Matiu 1:23

“Tiara aihwa ba kwihra tiwbia, bamna ai luhpia waitna kum sâkbia, ai nina ba Imaniuel mâkbia” (baha tânka lika: “Gâd yawan wal sa”).

Luk 2:14

“¡Gâd ra mayunan kabia laih purara! ¡Kupia kumi lâka tasba ra, witin mita yamni kaiki uplika nani tilara!”

Roman 3:26

Baha ba tânka nanara upla nani ra marikaia, Gâd lika kasakkira pali sa, bara kau ban kasakkira kabia, ya ya Jisas ra kasak luki ba kasakkira kulki ba mita.

Hibru Nani 7:1

Naha Melkisedek na, Salem kingka kan bara Gâd Laih Purara iwi ba prîska kan. Ebraham ba war aiklabi king nani iki tiki si kli tawi aula kan ba ra, Melkisedek taki wih witin wal prawi, yamni munan.

Hibru Nani 7:3

Witin ba aisikas, yaptikas bara ya kiamka sapa sin upla kaikras ban takisa; ahkia aisubi takan bara ahkia pruan sapa sin upla tânka kaikras. Witin ba lika Gâd Luhpia wal baku sa: witin ba prîs aimaki ban sa, ban kaia ra.

1 Samuil 8:15

Patam mâ nani sut wina matawalsip mânka dakbi bribia, wainkam mâ nani wina sin, wihta tara nani ra bara wihta sirpi nani king watla ra wark taki nani ba ra yabi kabia.

1 Samuil 8:17

Baha purkara, daiwan sîp nani brisma ba wina matawalsip mânka ba bribia, bara man nani pali sin ai dukia dauki kama.