Hibru Nani 4:3 - DAWAN BÎLA AISKA

³ Sakuna yawan kasak luki na sika, bahara dimi Gâd wal riska ba bribia. Baha sika witin aisin ba baku: “Baha mita yang bui witin nani aikuki lawi, swer taki sin pramis daukri, witin nani dimi yang wal ris bribia apia.” Ban sakuna, Gâd lika tasba paskan piua ba wina pat ai warkka tnata alkan kan.

Hibru Nani 4:3 ပူးပေါင်းရင်းမြစ်များ

Blasi Sturka 1:31

bara Gâd kaikan diara nani witin paskan ba sut yamni pali kan. Bara baku natka ra yu matlalkahbika ba tnata alkan.

Lawana Nani 95:11

Baha mita kupi baiwanka wal swer takri witin nani kumi sin ris yabaisna pliska ra dimbia apia.”

Impakan Sturka 20:11

Kan yu matlalkahbi yua ra, Dawan kasbrika pura ba, tasba, kabu bara diara nani sut ba baha bilka ra paskan bamna, bara yua 7 ba, witin ris brin. Bahamna Dawan bui sabat ba yamni munan, bara aihka saki holikira kulkan sa.

Aiseya 28:12

Gâd upla nani ra kainara pat win kan: “Nahara sa wan riska ba, swapan nani ba ris bribia.” Sakuna witin nani baha walaia apia win.

Jirimaya 6:16

Dawan bui ai uplika nani ra wisa: “Man nani yabal kat bûi ba ra kaiks, blasi pali yabalka nani ba dukiara makabi wals, yabal kau yamni ba bâra sa; baha yabalka ra waps bara man nani ris brima.” Sakuna witin nani aisin: “Apia, apia, yang nani baha yabalka ra wapan ai daukras”

Isikiel 20:38

Mapara babura bara turbanka dadaukra nani ba wina dakbi mai sakamni, bara nanara upla tasbaya ra iwisma ba wina mai sakamna; kuna witin nani Israel tasbaya ra dimbia apia. Bara baku man nani damra walma, yang sika Dawan sna ba.

Matiu 13:35

Naha na baku prapit aisan ba bîla kat aimakbia dukiara sa: “Maprika lilka bâk aisamna; Gâd tasba na paskan piua wina diara nani yukuwan ra ba wimna.”

Matiu 25:34

Bara King ba ai aihkika ra nani ba ra wibia: ‘Bal, man nani, Aisiki mita yamni mai munan nani sma ba; king tasbaya na man nani dukiam wisi Gâd tasba paskan wina ridi dauki ban bri ba, bri banhs.

Epesus 1:4

Tasba na kau paskras kan ba piua wina, Gâd pat Kraist ra wan praki bâk saki wan brin, witin ai mawanra kaia ai uplika takaia pâtkas kaia, ai latwanka lâka ba mita.

Hibru Nani 3:11

Baha mita witin nani ra lawi, swer taki sin wîri, witin nani dimi yang wal ris bri banhbia apia.’’

Hibru Nani 3:14

Kan yawan na baha kasak lukanka tâ wina brin ba, ban tnata kat alki bri kabia kaka, baku lika yawan Kraist wal wan uplika takisa.

Hibru Nani 9:26

kan baku kan kaka, tasba paskan piua ba wina witin aima ailal pruaia kan. Baku watlika ra, piua nani na pat aimaki na ra, Kraist ba aima kumi baman latan takan ba, baha ba ban kaia ra aitani sa.

1 Pita 1:20

Kraist lika Gâd mita kau tasba paskras kan wina naha dukia mata bâk saki brin kata; kuna naha piua nani tnata ra, witin latan takan man nani painkam ba dukiara.