Hibru Nani 2:9 - DAWAN BÎLA AISKA

⁹ Sakuna yawan Jisas ba kaikisa, witinka Gâd mita piu wiria insal nani wina kau mâyara mangkan kan ba. Gâd ai latwanka mita want kan, Jisas ba upla sut dukiara prubia; bara nanara witin prura pâtka wahwan ba mita, prana kraunka ba bara pain kulkan lâka kraunka ba sin witin ra yaban sa.

Hibru Nani 2:9 ပူးပေါင်းရင်းမြစ်များ

Blasi Sturka 3:15

Bara man mairin wal waihlam kaia daukamni. Man kiamkam ba mairin kiamka ba wal sin ai waihla kabia; witin bui man lamla ra insauhkbia, bara man pana witin ai mina plakura ra sami kama.

Aiseya 11:1

Jesé plamaika ba wina, tnawa kum bal takbia, wakia nani ba wina sin tnawa urhwi takbia.

Aiseya 7:14

Bahamna Dawan witin bui, man nani ra sain kum mamrikbia: Kaiks tiara ba kwihra sa, bara ai luhpia waitna kum sâkbia, bara ai nina ba Imaniuel mâkan kabia.

Matiu 16:28

Kasak pali man nani ra mai wisna, nahara upla kum kum na lika prubia apia, Upla Luhpia Waitna ai prana wal balbia ba witin nani kaiki banhbia kat.

Matiu 6:28

“¿Bara man nani kwala dukiara dîa muni uya lukisma ki? Tangni nani twi ra pâwi ba ra kaiks, witin nani wark takras bara sin kwala sipi dimras.

Mark 9:1

Bara Jisas mita win: —Kasak pali mai wisna, naha uplika nani na wina, tila nani ba prubia apia, Gâd prana ba kaikbia ba kat ai karnika tara wal balbia ba.

Luk 9:27

Kasak pali man nani ra mai wisni, nahara tilara upla kum kum nâra sa, witin nani prubia apia, Gâd kingka lâka ba kaikras kaka.

Jan 1:29

Yaprika wala, Jan kaikan Jisas witin ra aula kan, bamna upla nani ra naku win: “Kaiks man nani, naha waitnika aula na sika Gâd Sîpka Luhpia, naha tasba saurka bri saki ba.

Jan 10:17

“Aisa latwan ai kaikisa, kan yang rayaki ba yaia wilin sni, adar ba kat yang kli baha ba briaia dukiara.

Jan 12:32

Bara yang pruan wina kli buamna ba ra, upla sut yang ra raski bri balamna.

Jan 3:16

“Bamna Gâd tasba ra uya latwan kaikan, bara witin mita ai Luhpia kumi baman bri kan ba yan; bara baku mika ani uplika witin ra kasak lukbia ba, sut pali tanis tiwbia apia, sakuna raya ban kaia lâka ba bribia.

Jan 8:51

Kasak pali mai wisni, ya yang aisisna ba alki bribia kaka, witin prubia apia ban kabia.

Jan 8:52

Bara Ju nani pana win: —Nanara yang nani kasak kaikisna, man lika pirit saura kum brisma. Ebraham bara prapit nani sut pruan, bamna man wisma: ‘Ya yang bîli alki bribia kaka, prubia apia ban kaia ra.’

Apastil Nani Sturka 2:33

Baku bamna, Gâd mita ai mihta aihkika ba ni witin ba purara pali bukan, bara Spirit Holikira witin ra yan, Aisa mita pramis munan kan ba. Bahamna, diara nani sut man nani walisma na bara kaikisma na sin, witin wina atia sa.

Apastil Nani Sturka 3:13

Apia, sakuna Ebraham, Aisak, Jekob bara wan damika nani sut Gâdka mita ai Luhpia Jisas ba purara pali buki prana daukan, baha sim Jisaska ra sika man nani mita wihta nani mihta ra mangkatma ba, bara Pailat pri sakaia win ba ra, man nani apia wisatma ba.

Roman 5:18

Adam baman swakwanka daukan ba tâka mita upla sut ba pâtkira takan ba baku, Jisas Kraist yakan diara kasak daukan ba tâka mita, upla sut ba pât wina pri saki raya ban kaia lâka ba yabisa.

Roman 5:8

Sakuna Gâd ai latwanka tara ba wan marikisa: yawan kau upla saurakira nani kan, sakuna Kraist lika wan tâwan pruan.

Roman 8:3

Kan Moses lâka mita sip daukras pali kan ba Gâd mita daukan sa, Moses lâka ba karnika âpu kan wan wîna tara swapni ba hilp munaia; baha mita Gâd ai Luhpia pali ba blikan yawan saurakira nani na wan talia ba kat, saurka sakripaiska baku, bara baha sin wîna tara natka ba kat saurka ba pât ra dingkan.

Roman 8:32

Gâd ai Luhpia pali ba sin wankaia apia wiras, sakuna yawan sut wan mata ban prura mihta ra mangkan; bamna, ¿nahki yawan na witin ai Luhpia wal asla diara sut ba wankras kabia ki?

2 Korint 5:15

Kraist upla sut tâwan pruan, baha mita raya nani ba ai wîna dukiara raya kaia apia sa; sakuna witinka, witin nani ai dukiara pruan bara kli sin raya buan ba dukiara mika raya kabia.

2 Korint 5:21

Kraist lika saurka kumi sin daukras pali kan, kuna yawan tâwan Gâd mita, witin ba saura dadaukra kum baku kulkan; baku mika yawan Kraist wal asla taki, wan rayaka ba Gâd want ba kat wapni bri kabia dukiara.

Galesha 4:4

Sakuna piua ba aimakan ba ra, Gâd ai Luhpia ba blikan, witin ba mairin kum wina aisubi takan, Moses lâka mununhtara.

1 Timoti 2:6

Jisas Kraist ai wîna tara ba prura mihta ra mangkan, upla sut swaki sakan kaia ba mana aibapaia dukiara; bara naha na ai piua aimakan kat latan marikan kata.

Hibru Nani 1:9

Man ba kasakka lâka ba latwan kaikram, bara saura lâka ba misbara kaikram; ba mita sika, Gâd, man Gâdkam ba mita bâk mai saki, uplika wala nani wal, man ra kau lilia tara maikan.”

Hibru Nani 10:5

Baha mita, Kraist ba naha tasba ra aula kan ba ra, witin bui Gâd ra wisata: “Man ba daiwan nani iki sakripaiska bara prisantka ba sin brin mai daukras sa, sakuna yang dukira wîna tara kum ridi daukram sa.

Hibru Nani 11:5

Kasak lukan lâka mita Henoc ba pruras rayaka wala ra ban brih wan kata, bara witin ba pliki sip sakras kan, Gâd mita brih wan kan ba bamna. Bara Ulbanka ra wisa, Henoc ba kau brih waras kan kainara, Gâd mawanra pain kulkan kan.

Hibru Nani 12:2

Wan nakra nani na Jisas kat kaiki kap, witinka wina wan kasak lukan lâka ba, tâ wina tnata kat yawan ban bri ba. Jisas ba dus prihni ra pât wahwan, bara bahmuna pruanka saura ba wal pruya ba dukiara ai swira lukras, kan witin kaiki kan pât wahwaia ba ningkara, ai âuyapah kaia kan bara lilia sin; bara nanara, Gâd king iwaika lama pali kat wih iwisa.

Hibru Nani 2:7

Piu wiria baman, witin ba insal nani wina kau mâyara mangkram, sakuna prana kraunka bara pain kulkan lâka kraunka ba witin ra yabram,

Hibru Nani 7:25

Baha mita, nanara bara ban kaia ra, witin bâk Gâd lamara wi nani ba ra witin mita swaki sakaia sip sa, kan witin ba ban kaia ra raya iwisa, witin nani tâwan Gâd ra makabaia dukiara.

Hibru Nani 8:3

Prîs tara bani ba prisant nani bara sakripais nani sin yabaia wisi mangkan sa; bara baku sin, Jisas Kraist ba diara kum yabaia witin bri kaia sa.

1 Pita 1:21

Kraist bâk Gâd ra kasak lukisma man nani, bara witinka sika pruan nani tila wina kli bukan bara prana sin yan; baku bamna, man nani kasak lukisma lâka ba kainamra diara bîla kaikisma ba sin Gâd ra kasak brisma.

1 Jan 2:2

Jisas Kraist lika, witin ai wîna ba wan saurka dukiara sakripais mana yan; yawan wan saurka dukiara baman apia, kuna upla sut saurka nani ba dukiara.

Param Marikanka 19:12

Ai nakra nani ba pauta lakni baku klauhi kan, bara ai lal purara kraun ailal bri kan. Nina ulban kum bri kan, bara witin baman baha ba kakaira kan.

Param Marikanka 5:9

Witin nani naha lawana raya na aiwani kan: “Man lika wauhkataya ba briaia bara sîl nani ba krikaia sin aitani sip sma. Kan man lika mai ikan kata, bara tâliam ni yang nani na Gâd luhpia nani wisi wan atkram, taya sâtka bani wina, bîla sât aisi ba wina, nisan sâtka bani wina sin.