Hibru Nani 11:3 - DAWAN BÎLA AISKA

³ Kasak lukan lâka mita yawan kaikisa, Gâd mita tasba nani na ai bîla aisin ni paskan, bara baku mika nanara yawan diara kaiki na, diara nani yawan sip kaikras ba ni paskan kata.

Hibru Nani 11:3 ပူးပေါင်းရင်းမြစ်များ

Blasi Sturka 1:1

Kau diara wala nani sut paskras kan ba tâura, Gâd bui kasbrika pura ba bara tasba ba wal pas paskan.

Lawana Nani 33:6

Dawan ai bîla aisin ba mita, kasbrika purara diara bâra ba paskan bara sin ai bîla wingka puhbra ba mita paskan.

Lawana Nani 33:9

Kan witin aisin bara diara sut daukan kan; witin adar yan bara diara bal takan.

Aiseya 40:26

Man nani namkra nani purara buki kaiks; bara kaiks ya naha diara nani na paskan ba. Baha nani sut ba witin kumi saki kulkisa; baha nani sut ba witin nina nani kat mâki winisa, sut ba bâra sa. Baku sika witin tara sa, ai karnika ba sin, ai kingka lâka karnika ba sin.

Jirimaya 10:11

(Man nani, Israel luhpia nani, idan nani ra wis: “Kasbrika pura ba bara naha tasba na sin paskras gâdka nani ba lap tiwbia; baha nani kumi sin kasbrika munhtara nâra kabia apia.”)

Jirimaya 10:16

¡Jekob Gâdka diara sut bâra ba Papaskra sa, witin sât aihka ba! Witin mita Israel ba ai uplika nani kaia bâk sakan. Ai nina ba mâkan sa: Karnika sut bri Dawanka ba.

Jan 1:3

Witin bâk Gâd mita diara sut paskan, witin âpu kira diara nani bâra ba, kumi sin paskras kata.

Apastil Nani Sturka 14:15

—Upliki nani, ¿dîa kan man nani naku dauki banhwisma ki? Yang nani na sin man nani wal baku upla sna. Sakuna nâra yang nani balri na, man nani ra sturi yamni ba mai smalkaia, naha diara bahki nani na swi si Gâd rayakira ba nina blîkma, witinka mita kasbrika pura, tasba, kabu nani ra dîa dîa baha nani bilara ba sut paskan bamna.

Apastil Nani Sturka 17:24

‘‘Gâd bui tasba paskan ba bara dîa dîa baha bilara ba, witin sika kasbrika pura bara tasba Dawanka. Witin lika upla bui paskan tempelka sâtka nani ra iwras sa,

Roman 4:17

Ulbanka ra aisi ba baku: “Man ba nisan ailal aisika mai daukri.” Bamna baha Gâd ra sika Ebraham kasak lukan ba, pruan nani ra rayaka yabi Gâdka ba bara diara kau âpu ba sin yan bal taki ba.

1 Korint 2:7

Sins lâka tânka aisisna na lika, Gâd sinska lâka dahra prakan ba dukiara sika, upla nani wina yukukan ba, kau tasba na paskras kaina wina Gâd bri ba, yawan wan prana dukiara.

1 Timoti 4:5

kan Gâd bîla ba mita bara wan pura sunra mita sin baha ba holikira daukisa.

Hibru Nani 1:2

bara nanara naha tnata yua nani na ra lika, witin mita ai Luhpia bâk wan aisin sa. Naha Luhpia na bâk Gâd mita tasba nani na paskan, bara diara nani sut ba witin mihta ra swin sa.

Hibru Nani 6:5

Witin nani lika Gâd bîla painkira ba, bara naika balaia tasbaya karnika ba sin pat brih trai kaikan sa.

2 Pita 3:5

Witin nani kaikaia want apia sa, kasbrika pura ba lika patitara piua wina ban bâra sa. Gâd aisin bara tasba na lî wina bal takan, bamna tasba na lî ba tâka mita nâra sa.

Param Marikanka 4:11

“Dawan wan Gâdka, man lika mayunra ba, prana ba bara karnika ba briaia aitani sma; kan man sika diara sut paskram ba, bara man kupiam lâka mita sika baha nani ba ban sa bara paskan kata.”