Hibru Nani 1:3 - DAWAN BÎLA AISKA

³ Witin sika Gâd prana ingnika ni ingwi ba; witin sika Gâd lilka talia aihwa pali ba, bara witin sika ai bîla karnakira ni, diara nani sut dihbi alki bri ba. Witin ba wan saurka nani wina sikbi wan sakan ningkara, Gâd king iwaika lama pali kat wih kasbrika purara iwan.

Hibru Nani 1:3 ပူးပေါင်းရင်းမြစ်များ

1 Kronikas 29:11

¡Dawan, man dukiam sa tara kulkan lâka ba, karnika ba, prana ba, pura luan lâka bara king lâka ba sin! Kan kasbrika purara diara nani bâra ba, bara tasba ra bâra ba sut ba sin man dukiam atia sa, king lâka ba man dukiam sa, bamna man Dawan sika sut purkara sma.

Job 37:22

Gul lipanka ba lika yahbra tani wina takisa, Gâd mita king tara sibrinka ni kutban piua ra.

Lawana Nani 110:1

Dawan bui yang dawanki ra win: “Man ba yang mihti aihkika ra iws, yang bui man waihlam nani ba man minam nani kahbaika daukamna ba kat.”

Lawana Nani 75:3

Ani yua ra tasba ba nikbisa, upla nani tasba ra iwi ba sut aikuki, yang bui sika baha playka nani ba alki brisna ba.”

Smasmalkra 8:4

King bîla ba tnata prakaia karnika brisa, bara upla kumi sin baha daukanka dukiara makabi walbia apia.

Libait Lâka 15:15

Bara prîs ba baha bribia, bara butku kum ba saurka mana sakripaiska daukbia; butku wala ba aiska angkbia, waitnika tâski ba klin takaia sakripaiska, baha sut Dawan kaiki ba pliska ra daukbia.

Miqueas 5:4

King ba tawan tâ briaia buan kabia, Dawan ai Gâdka king tara karnika bri ba wal, bara witin nani pri lâka ra iwan kabia, kan Dawan ba tara pâwan kabia tasba aiska ra.

Matiu 22:24

Smasmalkra, Moses wan win marit waitna kum luhpa sakras ban prubia kaka, muihnika ba ai piarkika ba wal brih, luhpa nani sakaia sa ai muihni pruan ba watlika ra.

Mark 16:19

Witin nani ra aisin ba ningkara, Dawan Jisas lika kasbrika purara bukan kan, bara mahka Gâd mihta aihkika ra iwan.

Jan 1:14

Baha Bîla ba upla takan, bara yang nani tilira iwan. Bamna yang nani ai prana ba kaikri, baha prana Aisa Luhpia kumi baku Gâd wina brin ba.

Jan 1:29

Yaprika wala, Jan kaikan Jisas witin ra aula kan, bamna upla nani ra naku win: “Kaiks man nani, naha waitnika aula na sika Gâd Sîpka Luhpia, naha tasba saurka bri saki ba.

Jan 1:4

Witin ra raya kaia lâka ba bâra kan, bara naha rayaka na sika upla nani ingnika kan.

Apastil Nani Sturka 2:33

Baku bamna, Gâd mita ai mihta aihkika ba ni witin ba purara pali bukan, bara Spirit Holikira witin ra yan, Aisa mita pramis munan kan ba. Bahamna, diara nani sut man nani walisma na bara kaikisma na sin, witin wina atia sa.

Apastil Nani Sturka 7:56

Bara win: —¡Man nani kaiks! Yang kasbrika pura ba kwawan kan kaikisni, bara Upla Luhpia Waitna ba sin Gâd mihta aihkika ra buisa.

Roman 1:16

Sturi yamni smalkanka ba dukiara yang swiri lukras sna, kan baha ba Gâd karnika sa swaki sakaia ya ya kasak lukbia ba, tâura Ju nani ra, bara Ju apia nani ra sin.

Roman 8:34

¿Ya sip kabia ki baha nani pât ra mangkaia? Kraist Jisas sika pruan ba, bara baha sut purkara, Kraist sika pruan nani tila wina buan bara Gâd mihta aihkika tani ra sa, bara wan tâwan makabisa.

2 Korint 4:4

Witin nani sip kasak lukras sa, kan naha tasba gâdka ba mita sinska nakra ba blain daukan; Kraist pranakira smalkanka ingnika ba kaikbia sîa, witinka lika Gâd talia pali ba.

Kolosi 3:1

Bamna, man nani pat Kraist wal pruan wina mai bukan ba mita, diara nani kasbrika purara ba pliks, kan bahara sika Kraist ba Gâd lama pali kat iwisa.

Taitus 2:14

Witin ai wîna tara ba yawan tâwan prura mihta ra mangkan, saurka sut swaki sakan, yawan na aiska pali klin wan dauki, witin ai dukia kabia wisi. Bara wark yamni nani sin kasak pali dauki kabia dukiara klin wan daukan.

Hibru Nani 1:13

Gâd ai insalka nani tila ba wina, kumi ra sin aima kumi pan naku wiras kata: “Laima pali na ra iws, yang mita waihlam nani ba minam munhtara mangkamna ba kat.”

Hibru Nani 10:12

Ban sakuna, Jisas Kraist ba wan saurka nani sakaia dukiara sakripais kumi dauki yan, baha ba ban kaia ra aitani sa, bara baha ningkara Gâd lama pali kat wih iwan.

Hibru Nani 12:2

Wan nakra nani na Jisas kat kaiki kap, witinka wina wan kasak lukan lâka ba, tâ wina tnata kat yawan ban bri ba. Jisas ba dus prihni ra pât wahwan, bara bahmuna pruanka saura ba wal pruya ba dukiara ai swira lukras, kan witin kaiki kan pât wahwaia ba ningkara, ai âuyapah kaia kan bara lilia sin; bara nanara, Gâd king iwaika lama pali kat wih iwisa.

Hibru Nani 4:14

Jisas Gâd Luhpia ba sika wan prîs tara, kasbrika pura ba kat dimi wan ba. Baha mita yawan kasak lukan lâka tânka bri ba, ban dutki alki bri kap.

Hibru Nani 7:27

Witin ba prîs tara wala nani baku apia sa; witin ba yu bani daiwan nani iki sakripais dauki yabaia want apia sa, ai saurka nani dukiara pas, bara baha ningkara upla wala nani saurka nani dukiara. Witin aima kumi baman sakripais daukan, baha sika witin ai wîna tara yaban ba.

Hibru Nani 8:1

Yawan diara nani aisi yana tânka kau tara ba sika naha: wan prîs tara ba naku sa, bara kasbrika purara Gâd king iwaika lama pali kat iwisa.

Hibru Nani 9:16

Bamna anira lâ kum dauki swin sa kaka, baha ba latan marikan kaia sa, lâka daukan uplika ba pat pruan sa.

Hibru Nani 9:26

kan baku kan kaka, tasba paskan piua ba wina witin aima ailal pruaia kan. Baku watlika ra, piua nani na pat aimaki na ra, Kraist ba aima kumi baman latan takan ba, baha ba ban kaia ra aitani sa.

1 Pita 1:21

Kraist bâk Gâd ra kasak lukisma man nani, bara witinka sika pruan nani tila wina kli bukan bara prana sin yan; baku bamna, man nani kasak lukisma lâka ba kainamra diara bîla kaikisma ba sin Gâd ra kasak brisma.

1 Pita 3:22

Bara witinka sika kasbrika purara uli Gâd lama pali ra iwi ba, bara insal nani, kasbrika purara karnika bri nani ba, bara karnika wala bri nani ba sut purara sin, witin wihta aimakisa.

2 Pita 1:16

Bamna wan Dawan Jisas Kraist karnika bara witin kli balaia dukiara man nani ra mai smalkri ba lika, yang nani âiya wina sturi saki paski mai smalkras, kan Dawan ba tara sa tânka yang nani naikra pali ni kaikri.

2 Pita 1:17

Yang nani kaikri, Gâd Aisa mita pain kulkan lâka bara prana sin yan ba, bara Gâd bîla baikra baha pranakira ra aisan ba naku natka ra sa: “Naha sika yang luhpi laitwankira, witin ra bâk sakri ba.”

1 Jan 1:7

Sakuna yawan ingni ra takaskisa kaka, sim Gâd ingni ra ba baku, yawan lika pana pana wan walka wal asla pali sa, bara Gâd Luhpia Jisas Kraist tâlia mita, wan saurka nani sut wina klin wan sakan sa.

1 Jan 3:5

Man nani pain kaikisma, Jisas Kraist naha tasba ra balan wan saurka nani ba pri sakaia, bara witin ra lika saurka âpu pali sa.

Param Marikanka 3:21

Ya ya sip muni pura lubia ba, yang king iwaiki ra plis kum yabamna, yang wal iwaia, sim yang mita pura lui Aisiki wal ai king iwaika ra iwisna ba baku.

Param Marikanka 4:11

“Dawan wan Gâdka, man lika mayunra ba, prana ba bara karnika ba briaia aitani sma; kan man sika diara sut paskram ba, bara man kupiam lâka mita sika baha nani ba ban sa bara paskan kata.”