Hibru Nani 1:2 - DAWAN BÎLA AISKA

² bara nanara naha tnata yua nani na ra lika, witin mita ai Luhpia bâk wan aisin sa. Naha Luhpia na bâk Gâd mita tasba nani na paskan, bara diara nani sut ba witin mihta ra swin sa.

Hibru Nani 1:2 ပူးပေါင်းရင်းမြစ်များ

Blasi Sturka 49:1

Witin ai luhpia waitna nani ba sut paiwan bara witin nani ra win: “Man nani kau laimara bal bara naika man nani ra diara takaia ba mai wimna:

Aiseya 2:2

Mani nani kau lui wabia ba ningkara, Dawan ra pura sunaia watla ilka ba lika, tara pali kabia. Il wala nani sut wal kau purara kabia, bara upla sâtka nani sut bahara aidrubi banhwi kabia;

Aiseya 44:24

Naku Dawan aisisa, man sasakra, witin pat mai paskan kan, kau mai baikras kan ba ra: “Yang sika Dawan, diara sut ba paskisna, yang yakan kasbrika pura nani ba yakabisna, tasba ba sin drabisna, wala hilpka briras kira.

Aiseya 45:12

Tasba ba yang paskri bara baha purara upla nani ba sin, yang mihti nani ni kasbrika pura nani ba param sakri, slilma ailalka nani ba sut yâri takan.

Aiseya 45:18

Kasbrika pura Papaskra ba, witin sika Gâd bara Dawan ba, tasba ba dauki bara paskan ba, witin watlika ra bapi mangkan ba, witin baha paskan ba, bilara diara âpu kaia dukiara paskras kan, sakuna upla nani bâra iwi kaia, witin aisisa: “Yang sika Dawan, bara wala âpu.

Jirimaya 30:24

Dawan kupia baiwanka ba takaskbia apia witin dîa daukaia lukan ba daukbia ba kat. Piua balbia ba ra man nani baha tânka brima.

Jirimaya 48:47

Sakuna baha ningkara yang kli lakamna Moab ba kli yamnika briaia; yang, Dawan, kasak aisisna.” Naha sika Dawan mita Juda mapara lâ daukan ba.

Isikiel 38:16

kira upliki Israel purara kauhma. Man, Gog, kasbrika siksa baku tasba na bikma. Baha piua nani ra yabrika tasba mapara balma, baku mika man bâk nisan wala nani ba ai dara walbia, yang sunuki lâka witin nani ra marikamna ba.

Daniel 10:14

Baku bamna balri, naika piua ra man uplikam nani ra dîa takaia tânka ba mai wiaia, kan man diara aihka kaikram ba baha piua dukiara sa.’

Daniel 2:28

Sakuna kasbrika purara Gâd kumi bâra sa, upla nani diara tânka briaia sip apia ba param sakisa, bara naika dîa takaia ba king mita man ra pat mamrikan sa, bara man yapi kapram bara yaprisauhkan ra diara aihka nani kaikram tânka. Bara nanara mai wiaisna,

Oseas 3:5

Baha yua nani ningkara, Israel luhpia nani ba kli tawi bal, ai Dawan Gâdka ra plikbia, bara ai kingka Debit ra sin. Baha piua nani aimaki lui kabia ba ra, witin nani bui Dawan ra ai kupia krauki tara kulkbia, diara nani yabi ba dukiara sin.

Miqueas 4:1

Mani nani kau lui wabia ba ningkara, Dawan ra pura sunaia watla ilka ba lika tara pali kabia. Il wala nani sut wal kau purara kabia. Nisan nani sut bahara aidrubi banhwi kabia;

Kulki Kaikanka 24:14

Baku ba ra tasbayi ra kli mahka auna, sakuna kau waras sna ba ra, mai wiaia sna naha uplika nani naika dîa daukbia ba man uplikam nani ba wal.

Matiu 13:39

bara waihla inma saura mangkan ba lika dibil pali. Dâkaia piua ba lika tasba tnata, bara dâki uplika nani ba lika insal nani.

Matiu 17:5

Kau Pita aisi kan ba ra, kasbrika ingni kum witin nani ra madiskan; bara kasbrika ba wina bîla baikra kum aisin, naku walata: “Naha sika Luhpi laitwankira. Witin sika yang bâk saki briri ba. Man nani bui witin ra wals.”

Matiu 21:38

Sakuna wark tatakra nani ba luhpia ba kaikan ba ra, ai mânka naku aisan: ‘Naha sika diara nani na dawanka kabia; kaisa witin ba ikaia, bara diara nani na yawan briaia.’

Matiu 26:63

Sakuna Jisas sâp kan. Bara prîs nani wihtka ba mita win: —Gâd rayakira ba nina ra, swer taki mamkabi walisna man ba kasak ba kat aisama. Wan wis man ba Misaya, Gâd Luhpia sma sapa.

Matiu 28:18

Bara Jisas witin nani lamara bal, naku win: —Karnika sut yang ra aikan sa, kasbrika purara bara tasba ra.

Matiu 3:17

Bara kasbrika purara ba wina bîla baikra kum walan, naku aisata: “Naha sika Luhpi laitwankira; witin sika bâk saki briri ba.”

Mark 1:1

Naku sika, Gâd Luhpia Jisas Kraist sturka yamni tâ krikan ba.

Mark 12:6

“Kau kumi baman takaskan kan: ai luhpia waitna aihwa ba, baha ra latwan pali kata. Baha blikan ban luki: ‘Witin nani bui luhpi ra kulkbia.’

Mark 12:7

Sakuna wark tatakra nani ai mânka naku aisin: ‘Naha sika diara nani na dawanka kabia; bamna kaisa witin na ikaia, bara diara nani ba yawan dawanka takaia.’

Jan 1:10

Baha Bîla ba naha tasba ra kan; Gâd mita witinka bâk naha tasba na paskan, sakuna naha tasba ra iwi nani ba mita witin ra kaikras kan.

Jan 1:14

Baha Bîla ba upla takan, bara yang nani tilira iwan. Bamna yang nani ai prana ba kaikri, baha prana Aisa Luhpia kumi baku Gâd wina brin ba.

Jan 1:3

Witin bâk Gâd mita diara sut paskan, witin âpu kira diara nani bâra ba, kumi sin paskras kata.

Jan 13:32

Upla Luhpia Waitna na mita, Gâd prana ba marikisna kaka, Gâd mita sin ai Luhpia prana ba marikbia, bara baha ba aihni pali daukan kabia.

Jan 15:15

Nanara man nani ba albiki nani mai wiras sni, kan alba ba ai dawanka dîa dauki ba kaikras. Bamna man nani ba upliki nani mai wisna, kan Aisiki dîa dîa ai win ba sut man nani ra param mamrikri bamna.

Jan 16:15

Diara sut Aisa bri ba yang duki sa; baha mita sika mai wîri, Spirit ba yang duki wina bribia, bamna man nani ra latan mamrikbia.

Jan 17:2

Man mita sika Luhpiam ra karnika yaram ba, upla wala nani sut purkara, raya ban kaia lâka yaia baha nani sut man mita witin ra yabram ba.

Jan 3:16

“Bamna Gâd tasba ra uya latwan kaikan, bara witin mita ai Luhpia kumi baman bri kan ba yan; bara baku mika ani uplika witin ra kasak lukbia ba, sut pali tanis tiwbia apia, sakuna raya ban kaia lâka ba bribia.

Jan 3:25

Bamna Jan nina blablikra kum kum, Ju kum wal blahwi kan wîna klin takaia ba tânka dukiara.

Jan 5:26

Kan Aisa ba yakan raya ban kaia lâka ba brisa; baku sin witin ai Luhpia ra yan, witin yakan raya ban kaia lâka sin briaia;

Jan 5:27

bara lâ aisi daukaia karnika sin yan, kan witin sika upla takan ba.

Jan 9:29

Yang nani lika pain kaikisna Gâd mita Moses ra aisin; sakuna baha waitnika ba lika ani wina sapa sin yang nani kaikras.

Apastil Nani Sturka 10:36

Bamna Gâd bui Israel kiamka nani ra win, Jisas Kraist bâk kupia kumi lâka ba maisa pakan, witinka yawan sut wan Dawanka ba.

Apastil Nani Sturka 2:17

‘Gâd bila: Tnata yua nani ra naku daukamna: Yang Spiritki ba upla bani purara laikamni, bamna luhpiam waitna nani bara luhpiam mairin nani ba sin, yang witniski aisabia; wahma nani sin diara aihka kaikbia, almuk nani lika yaprisauhkan kaikbia.

Roman 8:17

Bamna yawan na Gâd luhpia nani sa kaka, witin mita wankaia win dukia nani ba yawan bribia. Baha dukia nani ba yawan bribia Kraist wal asla; bamna nanara yawan na Kraist wal asla pât nani wahwisa kaka, witin wal asla sin ai prana ba naika bribia.

1 Korint 2:7

Sins lâka tânka aisisna na lika, Gâd sinska lâka dahra prakan ba dukiara sika, upla nani wina yukukan ba, kau tasba na paskras kaina wina Gâd bri ba, yawan wan prana dukiara.

1 Korint 8:6

ban sakuna, yawan mapa ra lika Gâd kumi baman sa, baha sika wan Aisa. Bara Aisa ba diara sut paskan, yawan na lika witin dukiara raya iwisa. Dawan sin kumi baman sa, baha sika Jisas Kraist. Witin mita diara sut ba bâra sa, bara witin bâk yawan raya iwisa.

Galesha 4:4

Sakuna piua ba aimakan ba ra, Gâd ai Luhpia ba blikan, witin ba mairin kum wina aisubi takan, Moses lâka mununhtara.

Epesus 1:10

Gâd diara daukaia lukan ba lika, diara bani ba piua kat sut pali tnata alkan kabia, bara yaka paskanka aiska ba asla takbia ba ra, Kraist lika baha sut lal kabia, diara nani kasbrika purara ba bara tasba ra ba sut sin.

Epesus 3:9

Bara adar sin aikan upla sut yarka kaikbia, Gâd patitara piua wina diara yukuki bri kan ba dîa kata sapa, witinka sika diara nani sut paskan ba.

Kli Smalkanka 18:15

“Dawan Gâdkam mita prapit kum yang baku man nani tilam wina maikbia, bara man nani lika witin ra bîla walma.

Kli Smalkanka 31:29

Kan kaikisni yang pruamna ningkara man nani saura yabaisma ba, yang yabal mamrikri ba wina tnaya ra tawaisma, bara baku sin nu sna naha ningkara man nani puramra pât saura nani balbia, Dawan nakra ra saura dauki kama ba mita; baha wal sin ai kupia baiwanka ba brima.”

Kli Smalkanka 4:30

Man nani naha pâtka inanka wina luma, bara Dawan ra tawi bal ai bîla wals.

Hibru Nani 1:5

Bamna Gâd ba piu kumi sin ai insalka nani tila ba wina kumi ra naku wiras kata: “Man ba yang Luhpi sma, naiwa na, man Aisikam takri sa.” Baku sin, insal kumi dukiara sin naku aisaras kata: “Yang ba witin Aisika kamna, bara witin ba lika yang luhpia kabia.”

Hibru Nani 1:8

Sakuna Luhpia ba dukiara lika naku wisa: “Gâd, man king iwaikam ba lika ban kaia ra ban kabia. Man lika kingkam lâka purara, wapni lâka kat king aimakisma.

Hibru Nani 11:3

Kasak lukan lâka mita yawan kaikisa, Gâd mita tasba nani na ai bîla aisin ni paskan, bara baku mika nanara yawan diara kaiki na, diara nani yawan sip kaikras ba ni paskan kata.

Hibru Nani 2:3

Baku bamna, ¿nahmuna swaki sakan lâka tara pali na alki briras ban pali swibia kaka, yawan na nahki swak takbia ki? Dawan pali mita naha swaki sakan lâka na pas dahra aisan, bara baha ningkara, witin ra walan nani ba yawan ra latan wan marikan baha ba kasak pali sa.

Hibru Nani 3:6

Sakuna Kraist lika baha Gâd watla ba main kaikisa, Luhpia kasak kum baku. Yawan sika witin watla ba, yawan na dîa wan kainara briaia bîla kaiki ba kat liliakira, kasak ban ba kat dutki alki bri kabia kaka.

Hibru Nani 4:14

Jisas Gâd Luhpia ba sika wan prîs tara, kasbrika pura ba kat dimi wan ba. Baha mita yawan kasak lukan lâka tânka bri ba, ban dutki alki bri kap.

Hibru Nani 5:8

Baku Kraist ba Gâd Luhpia kan sakuna, witin pât wahwan, bîla wali dauki lan takan.

Hibru Nani 7:28

Moses lâka ba upla kasak aihwa apia nani ba prîs tara mangkisa; sakuna Gâd swer taki aisin bîla, lâ ningkara takan ba ai Luhpia ba prîs tara mangkisa, witinka ban kaia ra aiska aihwa daukan ba.

Hibru Nani 7:3

Witin ba aisikas, yaptikas bara ya kiamka sapa sin upla kaikras ban takisa; ahkia aisubi takan bara ahkia pruan sapa sin upla tânka kaikras. Witin ba lika Gâd Luhpia wal baku sa: witin ba prîs aimaki ban sa, ban kaia ra.

Hibru Nani 9:26

kan baku kan kaka, tasba paskan piua ba wina witin aima ailal pruaia kan. Baku watlika ra, piua nani na pat aimaki na ra, Kraist ba aima kumi baman latan takan ba, baha ba ban kaia ra aitani sa.

1 Pita 1:20

Kraist lika Gâd mita kau tasba paskras kan wina naha dukia mata bâk saki brin kata; kuna naha piua nani tnata ra, witin latan takan man nani painkam ba dukiara.

2 Pita 3:3

Tâura naha tânka luki bas: Tnata yua lamara upla manis balbia bara diara holikira nani ba lawaska kikbia, ai brinka saura nani ba kat baman iwi kabia swira paskaia luki,

Judas 1:18

man nani ra mai aisin ba: “Tnata yua nani ra upla nani bâra kabia, diara holi ba dukiara lawaska kiki kabia, bara witin nani ai brinka ba kat baman sin tauki kabia.”