Hageo 1:6 - DAWAN BÎLA AISKA

⁶ Saumuk ailal tasba ra mangkisma, sakuna mâ wiria man dâkisma; plun pisma, sakuna aitani pisma baku damra walras sma; diara laya disma, sakuna diran mai dauki ban sma; kwala dimisma, sakuna kauhla mai dauki ba ban sma; lal mana wark taki uplika ba, ai warkka mana ba lalah watla kalwan ra auhbi baku sa.

Hageo 1:6 ပူးပေါင်းရင်းမြစ်များ

2 Samuil 21:1

Debit king aimaki kan ba piua ra, mani yumhpa plun âpu kan, mani bani plun tiwi kan. Bara Debit baha dukiara Dawan wal aisin, bara Dawan pana witin ra win: “Plun wahwan ba lika Saúl bara ai taya nani tâka mita balan, witin nani bui Gabaón uplika nani ra ikan ba mita.”

1 King Nani 17:12

Bara piarka mairin ba pana win: —Yang swer takisna Dawan Gâdkam ai kaikisa, yang brit angkan âpu, sumi bilara plawar wiria lupia baman brisna, bara batana laya sin wiria lupia sumi ra brisna, bara nanara pauta pîs wirâ wahbi kapri baha wih piakaia dukiara, yang duki bara luhpi dukiara sin. Baha ba pih ningkara, plun bla prui banhwamna.

Nihimaya 5:2

Tila upla nani ba aisi kan, witin nani luhpa waitna nani bara luhpa mairin nani sin ailal brisa, baha mita witin nani plawar kau want sanglang pruaia apia dukiara;

Job 20:22

Diara ban pali ailal bri kabia sin, ban kau lilia lâka âpu kabia, upla saurakira nani mihta ba witin purara kauhan kabia.

Job 20:28

Gâd lawanka witin purara balbia ba ra, ai yuyaka nani ba sut tiwan kabia.

Lawana Nani 107:34

tasba pain kata ba, sâl tasbaya daukisa, bahara iwi ba uplika nani saurka tâwan;

Sins Lâka 11:24

Upla bâra sa diara yui ba kau aiska pura praki brisa; wala bâra sa, diara yuaia kan ba takaskisa, ban sakuna umpira bara diara luha takisa.

Aiseya 5:10

Wain saumuk iktaria yumhpa mangkbia bara laya ba batil tara kumi baman kabia. Saumuk bîk matawalsip mangkbia bara bîk kumi baman dâkbia.”

Jirimaya 12:13

Witin nani plawar mâ mangkan sakuna kiaya dâkan; wark nani daukan ba sut bahki takan. Pata mâ nani ba sut aisawi luan yang lawanki ba tâka mita.”

Jirimaya 14:4

Insla dadaukra nani ba witin nani ra sin kunin munan ai dara walisa bara ai lal pura bikisa, kan lî auhras ba mita tasba lâwan pali sa.

Jirimaya 44:18

sakuna yang nani Kasbrika Purara Kwinka ba ra, kîa pain angki witin ra wan prisantka yaras swiri yua ba wina, diara sut âpu takisna, upliki nani na sanglang pruisa, apia kaka war ra ikisa.

Oseas 4:10

Baku witin nani Dawan warkka daukaia ba swin ba mita, plun pibia, sakuna witin nani ai âuyapah kabia apia; witin nani rug taki kabia, sakuna sip luhpa baikbia apia.

Oseas 8:7

Witin nani pâsa baman mangkan bara pâsa saura karna krawi ba baman dâkbia; plawar mangkan ba dusa wina plawar sin sâkbia apia, ban kra witin nani baha sâkbia kaka sin, witin wal kakaira apia nani baha pibia.

Libait Lâka 26:20

Karnikam bahki pali tikma, kan tasba ba mâ nani maikras bara dus nani sin mâ alkras kabia bamna.

Libait Lâka 26:26

“Yang bui man nani patam ba sauhkamna, bara mairin matawalsip bal brit angkaika kumi ra brit angkbia, plun ba wiria baman kabia bara man nani pi banhma, kuna âmyapah pima apia.

Hageo 1:10

Baha mita, man nani tasbayam ra lî auhras, tasba sin mâ nani maikras.

Hageo 1:5

Karnika sut alki brisna Dawanka ba, yang mai wisna: ¡Man nani daukankam ba laki pain kaiks!

Hageo 1:7

Karnika sut alki brisna Dawanka, yang mai wisna: Man nani dîa daukisma ba pain pali luki bas.

Hageo 1:9

Man nani diara ailal briaia plikisma, sakuna wiria lupia man sakisma; dîa wamtla ra suni brisma ba, baha sin yang bal puhbanki kumi ni sakisni. ¿Dîa muni? Kan yang waitla slingban ba, paskras ban aisawan ra ba mita; man nani wamtla mâki briaia dukiara baman trabil takisma. Yang, Dawan, kasak aisisna.

Hageo 2:16

¿man nani ra dîa taki kata? Upla kum rais nasla tara ra 20 bîk dâkaia wan, sakuna bîk matawalsip baman brih balan; bara wala kum wain taibi bara 50 bukit brih balaia wan, sakuna 20 buki baman brih balan.

Hageo 2:17

Namsla ra pata mâ nani purara ba sikniska, lî kauhla klaswi auhi ba ni sauhkri, sakuna man nani bui yang ai plikras. Yang, Dawan, kasak aisisna.

Sakaraya 5:4

Dawan, witin karnika sut alki bri ba, kasak aisisa: ‘Naha lahtubanka yang blikisni, impliki kunin aisi yang nini bri swer taki nani ba watla ra dimaia, bara lahtubanka ba bahara ban takaskbia, watla playka nani ba sukwi âpu takbia ba kat.’ ”

Sakaraya 8:10

Naha piua kat upla nani mana bara daiwan nani mana aibapaia diara âpu sa. Waihla bâra ba mita, upla nani tilara kupia kumi lâka sin âpu sa, kan yang mita daukri upla nani ba pana pana mapara saura kaia.

Malaquía 2:2

Man nani sika yang bîli wali dauki, pulan lâka luha tara ai kulki kaia kapram. Sakuna baku daukras sma kaka, lahtubamna. Baku daukras sma bamna prîs warkka wina yamnika nani briaia katma ba, lamhtubanka ra lakamna.” Karnika sut alki bri Dawanka ba, naha aisisa.

Kli Smalkanka 28:17

Saura pali kabia patam auhbaika kwâya ra bara plawarkam akbaika pliska ra sin.