Galesha 6:2 - DAWAN BÎLA AISKA

² Pana pana wan walka wirhika ba twilki hilp munaia sa, kan baku lika man nani sip kama Kraist lâka ba aiska pali daukaia.

Galesha 6:2 ပူးပေါင်းရင်းမြစ်များ

1 Kronikas 19:12

bara naku win: “Siria uplika nani ba puri lubia sa kaka, man bui yang ra bal hilp ai muns; bara Amón uplika nani man puramra kau karna sa kaka, yang bui man ra hilp mai munamni.

Impakan Sturka 23:5

Baha uplika misbara mai kaiki ba, hilp munras kapara; kainamra ai birikuka kauhan kaka, bara diara wirha ai purara bri kaka, hilp muni baha wirhika ba pura wina sâks.

Aiseya 58:6

Baha apia sika. Kaiki plun wahwi tânka yang yamni kaikisna ba sika naha: kasak apia lâka ra silak ra priskan ba wina kriki sakisma ba, lal wilkaika dusa ra taibi wilkan ba wina lanhkisma ba; taiban uplika nani pri sakisma ba. Baku sin man tataibra nani ba âpu daukisma ba sika.

Matiu 8:17

Naha ba baku takan, prapit Aiseya aisin ba baku aimakaia: “Witin wan swapnika nani brin, bara wan sikniska nani sin twilkan.”

Luk 11:46

Sakuna Jisas pana win: —Man nani Lâ Smasmalkra nani mampara sin alai pali kabia, kan upla sip twilkaia apia karbanka nani ba upla pahpaya ra sunisma twilkbia wisi; sakuna man nani lika mihtam kulkaika kumi ni sin kangbras.

Jan 13:34

Naha lâ raya na, man nani ra maikisni: Pana pana walkam ra latwan kaiki kama. Yang bui man nani ra latwan mai kaikisna ba baku, pana pana walkam ra latwan kaiks.

Jan 15:12

Bamna naha sika yang lâika bîla ba: Man nani pana pana walkam ra latwan kaikma, yang mita man nani ra latwan mai kaikisna ba baku.

Roman 15:1

Bamna yawan kasak lukan lâka ra karna banhwi ba mita swapnikira nani swapnika ba wan karbanka pali baku brih twilki kaia sa, bara yawan wan kupia lâka baman lika luki kaia apia sa.

Roman 8:2

Jisas Kraist ra raya kaia spiritka lâka ba mita, pri wan sakan sa saurka lâka ba prura lâka ba wina.

1 Korint 9:21

Baha sim natka ra, Moses lâka mununhtara iwras nani ba alkaia dukiara, witin nani baku takisna kasak yang na Gâd lâka mununhtara sna sakuna, yang Kraist lâka mununhtara sna bamna.

Galesha 6:5

Bamna upla bani yakan ai karbanka ba twilkaia sa.

Kli Smalkanka 1:12

Ban sakuna, yang yakan sip apia sna, man nani wirhikam tara ba, trabilkam nani, unsabankam nani ba sut wapni daukaia.

1 Tesalonaika 5:14

Baku sin, muihki nani, yang nani mamkabisni, wark takan daukras nani ba ra lawi daukma, si brabrira nani ba tâ baikma, swapnikira nani ba hilp muni banhma, bara upla sut wal kupiam alki takaski bri bas.

Jems 1:25

Upla kum diara dauki ba mita, Gâd ai yamnika yabia lukisa kaka, aman walaia sa bara ai âuya tikaia apia sa; bara kasakka lâka pri wan dauki ba kat, aman pali tawi kaiki si, baha lâka nina blikaia sa, bara dîa wi ba kat sin daukaia sa.

Jems 2:12

Man nani aisaia sma, bara sin upla kum lâ ba mita lâ ra brih wan ba baku kaia sma, pri lâka maikbia.

Jems 2:8

Ulbanka lâ kau tara ba naha sika: “Uplikam ra latwan kaiks, man wînam baku”, bara man nani baha ba kulkisma kaka, uya pain daukisma.

1 Pita 2:24

Kraist mita ai wîna tara ra wan saurka nani twilkan dus prihni purara, bara baku yawan sip kabia wan saurka nani mapara pruaia bara kasakka lâka ra iwi kaia. Witin ai wîna ra insauhkan ba mita, man nani sut mai rakan sa.

2 Pita 2:21

Witin nani mapara kau pain kaia kan yabal kasak ba kakaira takras kata, kan kakaira taki si kli swiaia ba lika pain apia sa, lâ holikira yan kan ba wina.

2 Pita 3:2

Kupiam krauki bas, kaina piua ra prapit holikira nani dîa aisin ba, bara Dawan wan Sasakra lâka, apastil nani mita man nani ra mai smalkan ba sin.

1 Jan 4:21

Kraist mita naha lâka na wankan: Gâd ra latwan kaiki uplika ba, ai muihni ra sin latwan kaikaia sa.