Galesha 6:17 - DAWAN BÎLA AISKA

¹⁷ Bara nanara wina brin ai daukras upla trabil ai munaia; mark nani wîni ra brisna ba mita marikisa, yang na Dawan Jisas napakanka sna.

Galesha 6:17 ပူးပေါင်းရင်းမြစ်များ

Aiseya 44:5

Bara tila wina kum wibia: ‘Yang sika Dawan uplika sna’; wala wibia: ‘Yang nani Jekob kiamka sna’, bara wala nani ba ai mihta ra ulbia: ‘Yang Dawan prapatika sna’, bara wala nani ba ai nina Israel mâkbia.”

Isikiel 9:4

Bara win: “Jerusalem lila bâk lui was, bara sain kum mangks upla nani lal purara, baha nani sari bri nani ra, baha saurka nani witin nani ai tilara dauki ba dukiara.”

Apastil Nani Sturka 15:24

Yang nani tânka briri tila upla nani adar yaras katna ba, naha wina taki man nani ra wan; bara witin nani bui man nani ra aisi ba mita ambuk mai muni mamwahkan.

2 Korint 1:5

Kraist pât tara wahwan ba baku yawan sin pât nani wahwisa, bahamna Kraist ba mita sin yawan maisa nihkra tara kum brisa.

2 Korint 4:10

Ani anira yang nani auna ba, Jisas ikan ba tânka piua bani wîni ra brih auna, yang nani pali ra sin Jisas rayaka tânka ba mairikan kaia dukiara;

Galesha 1:7

Man nani kasak lukpara, swaki sakan lâka smalkanka wala kum bâra sa. Baha lika, upla tila nani mita trabil mai munisa, bara Kraist swaki wan saki smalkanka ba bahki ra lakaia lukisa.

Pilipai 3:10

Yang want sna ba lika Kraist ra kakaira kaia, bara yang wîni ra sin witin pruan wina buan karnika ba bri kaia, ai pâtka wahwan nani ba sin witin wal yang asla wahwaia, bara ban sin witin pruan baku pruaia,

Kolosi 1:24

Bamna nanara lilia sna, man nani tâmwan pât wahwisna ba, kan naha natka bâk, yang wîni tara ra kaikisna Kraist pât wahwanka nani kau âpu ba ai sertska dukiara, witin ai wîna tara ba.

Hibru Nani 12:15

Man nani damra wali bas, upla kumi sin Gâd yamnika lâka ba wina ai ninara tawbiara sîa. Damra wali bas, man nani wina kumi sin dus tahpla kum pâwi ai puisinka ni upla ailal ra trabil muni ba baku kabiara.

Jasua 7:25

Bara Jasua bui Acán ra win: —¿Naha saura lâka tara na, dîa muni man wan purara bri balram? Bamna nanara, naha saurka lâka tara bri balram na mana, Dawan mita saurka ba man puramra batakuya. Witin baha aisin ba ra, Israel luhpia nani sut ba mita Acán ra, luhpia nani, dukia nani sut ba purara walpa ni sabi baha kat iki pauta ni angkan.

Param Marikanka 13:16

Kau baha purkara, witin mita upla sut ra munan, tuktan nani bara almuk nani, lalahkira nani bara umpira nani, pri uplika nani bara alba nani ra sin, ai mihta aihkika nani ra, apia kaka ai mawan nani purara mark kum mangkbia.

Param Marikanka 13:17

Bara upla kumi sin markka ba, daiwan saura nina ba, ai nina numbika ba âpu kan kaka, sip apia kan diara atki briaia, diara atki yaia sin.