Galesha 6:10 - DAWAN BÎLA AISKA

¹⁰ Bamna ani piua yawan sip ba ra, upla sut ra diara pain nani dauki kap, bara kau aiska pali lika, kasak lukan lâka ra wan muihni nani ba sut ra.

Galesha 6:10 ပူးပေါင်းရင်းမြစ်များ

Lawana Nani 37:27

Saura ba lama wina laihura takasks, bara yamni ba dauki bas, bara man ban kaia ra, anira iwi kaia pliska kum bri kama.

Lawana Nani 37:3

Dawan kat luki tniwi, yamni ba sin dauki bas; tasba ra iwi ai lâka ba wal sin kasak bas.

Sins Lâka 3:27

Man ra makabi ba yaia apia wipara, baha daukaia man mihtam ra diara brisma ba ra ani piua ra man mihtam ra brisma yamni daukaia ba.

Smasmalkra 3:12

Yang daira walisni, upla ba kau kanra yamni daukaia ba; lilia taki bara yamni kabia ba ai rayaka ra.

Smasmalkra 9:10

Bara diara sut man mihtam ra ba mahka alki dauks, karnikam aiska ba wal; kan raiti ra wama lika bahara diara kumi sip daukras, bahara diara kumi sin man lukras, diara tânka briaia âpu bara sins lâka sin âpu.

Matiu 10:25

Sip sa sika disaipil ba ai smasmalkra wal baku takaia, aitani lukaia sa, bara alba ba sin ai dawanka wal baku kaia. Utla dawanka ba Bilsibub mâkisa kaka, ¿witin ai watla uplika nani ra lika kau nina sauhkbia apia ki?

Matiu 12:50

Kan ya ya Aisiki kasbrika purara ba kupia lâka daukisa kaka, baha lika muihki, laikra bara yaptiki sa.

Matiu 25:40

Bara King ba wibia: ‘Kasak pali man nani ra mai wisni, dîa dîa naha muihki bawikira nani ra diara kumi dukiara daukram ba, yang pali ra sika man nani ai daukram ba.’

Matiu 5:43

“Man nani sin pat walram kainamra aisin ba: ‘Uplikam ra latwan kaiks bara waihlam ra lika misbara kaiks.’

Mark 3:4

Ningkara, Jisas bui upla wala nani ra makabi walan: —¿Lâ ba dîa wan wisa ris yua ra daukaia: hilp yaia, apia kaka saura munaia? ¿Rayaka swaki sakaia, apia kaka sauhki tikaia? Sakuna witin nani diara kumi sin aisaras.

Luk 6:35

Sakuna man nani lika waihlam nani ra latwan kaikaia sma, yamni sin munaia, bara diara lin munisma kaka, kli briaia bîla kaikpara. Baku lika mamna tara brima, bara Gâd Laih Purara iwi ba luhpia nani kama, kan witin lika latwankira sa, tingki lukras nani bara saurakira nani mapa ra sin.

Jan 12:35

Bara Jisas bila baha nani ra: —Kaiks, piua wiria baman ingni ba kau man nani tilamra kabia. Bamna watauki bas kau baha ingnika brisma ba ra, tihmia kra mai alkbiara sîa; kan tihmia ra watauki uplika ba, witin kaikras sa anira auya sapa.

Jan 9:4

Kau kakna na ra, ai blikan ba warkka yawan daukaia sa; kan tihmia ba aula, bara bahara upla sip wark daukras sa.

Apastil Nani Sturka 6:7

Dawan bîla ba kau pâwi kan, bara kristian nani sin kau ailal taki kan Jerusalem ra. Ban Ju prîska nani wina sin manis kasak lukan lâka ba alkan.

2 Korint 2:8

Baha mita man nani ra mamkabisna, yarka baha uplika kaikbia witin ra latwan kaikisma ba tânka.

Galesha 1:23

Witin nani wali kan upla nani aisin: “Wan nina bliki rau wan sauhki kata ba, nanara kasak lukan lâka smalkanka dukiara smalkisa, bara baha pali sika piua luan ra âpu daukaia luki kan ba.”

Epesus 2:19

Baha mita, man nani lika upla tringsar nani ai tasbaya pali ra iwras ba sâtka lika apia, sakuna man nani sut lika Gâd uplika nani wal aikuki sim kuntrika uplika nani sma. Man nani ba Gâd watla suliarka nani sma.

Epesus 3:15

witinka ba wina upla sut kiamka ba ai nina brisa, kasbrika purara bara naha tasba ra sin.

Epesus 4:28

Ya impliki kan ba, kli implikaia apia, sakuna wark takaia sa, bara ai mihta ni wark kum pain dauki ba mita witin sip kabia diara bri ba ni ai uplika nani ra hilp munaia.

Epesus 5:16

Piua brisma na pain yus muni bas, kan yua nani na saura sa.

Pilipai 4:10

Dawan ra yang uya lilia takisna man nani bui yang ra kli lukram bamna. Yang ra âmya tiwan kan lika mai wiras, kan man nani hilp ai munaia piua âpu kapram.

Kolosi 4:5

Pain tauki bas, kristian apia nani ba wal, bara piua brisma bani ba pain man nani yus muni bas.

1 Tesalonaika 5:15

Aman kaiks, upla kum mita wala ra saura munbia kaka, pana saura munbiara. Sakuna, man nani piua sut pana pana walkam wal diara yamni ba daukaia trai muni bas, bara upla sut wal aikuki sin.

1 Tesalonaika 5:21

Diara nani sut ba tânka trai kaiki bas, bara dîa pain ba alki bris.

Taitus 2:14

Witin ai wîna tara ba yawan tâwan prura mihta ra mangkan, saurka sut swaki sakan, yawan na aiska pali klin wan dauki, witin ai dukia kabia wisi. Bara wark yamni nani sin kasak pali dauki kabia dukiara klin wan daukan.

Taitus 3:8

Naha na lika kasak pali sa, bamna yang want sna man ba naha dukia nani na ban ba kat aisi kama, bara baku mika Gâd ra kasak luki nani ba wark yamni nani baman dauki kabia. Naha diara nani na lika pain atia, bara upla nani ra hilp sa.

Hibru Nani 13:16

Diara yamni daukaia bara dîa dîa bri nani bani upla wala nani ra hilp munaia ba, man nani âmya tiwbiara; kan nahmuna sakripaiska nani sika Gâd yamnika kaiki ba.

Hibru Nani 3:6

Sakuna Kraist lika baha Gâd watla ba main kaikisa, Luhpia kasak kum baku. Yawan sika witin watla ba, yawan na dîa wan kainara briaia bîla kaiki ba kat liliakira, kasak ban ba kat dutki alki bri kabia kaka.

Hibru Nani 6:10

Gâd lika kasakkira sa. Man nani wark daukram ba witin ai âuya tiwbia apia; kasak lukan lâka mapara muihkam nani ba ra hilp muni, witin ra latwan lâka marikram ba sin ai âuya tikras sa, bara baha dukia ba ban daukisma.

1 Pita 2:5

Naha natka ra, Gâd bui man nani ra, walpa rayakira nani baku, spirit tempelka kum mai daukbia, prîs holikira nani, Jisas Kraist bâk spirit sakripaiska nani dauki yaia, Gâd ra yamni kabia.

1 Pita 4:17

Lâ daukaia mahka tâ krikaia piua ba balan sa, bara Gâd uplika nani pali sika pas lâka daukan kabia. Bara baha ba yawan ra baku tâ krikuya kaka, ¿tnata ra Gâd sturka yamni bîla wali daukras nani ba mapara nahki kabia ki?

1 Jan 5:1

Upla bani Jisas ba Kraist sa kasak luki ba, witin lika Gâd luhpia sa; ya aisa kum ra latwan kaikisa kaka, ai luhpia nani ra sin latwan kaia sa.

3 Jan 1:10

Baha mita yang wamna ba ra, witin ba maiwanra paiwi lawi daukamna, yang nani ninira aisi si, bara kunin baman sin aisi wataukisa. Bara baha baman apia, kuna wan muihni nani witin ra auya ba pain briras, bara ani uplika baha briaia wibia kaka, mapara aisi bara Kraist daknika tila ba wina kangbi sakisa.

3 Jan 1:11

Muihki laitwankira, tânka saura nani nina blîkpara, kuna tânka pain ba lika. Ya diara pain dauki ba Gâd wina sa, kuna ya saura dauki ba lika, Gâd kakaira apia sa.

3 Jan 1:3

Wan muihni tila nani balan, bara man kasakkam tânka ba ai win bara uya pali lilia takri, man lika ban diara kasak ba kat wataukisma bamna.