Galesha 5:19 - DAWAN BÎLA AISKA

¹⁹ Karna apia sa ya nani wan wîna tara brinka warkka saura nani nina bliki ba: marit takras kira upla ai maya briaia lâka ba, tâski lâka daukaia, brinka saura nani lihkaia,

Galesha 5:19 ပူးပေါင်းရင်းမြစ်များ

Lawana Nani 17:4

Upla wala nani dauki ba baku; saura daukaia yabalka nani ba wina tnaya ra tawri, man lâmka bîla adarka nani ba kat.

Jan 3:6

Upla wina aisubi takan ba, wan wîna sika; sakuna Spirit wina aisubi takan ba, spirit sika.

Roman 7:18

Bamna kaikisni yang pali ra, tânka ba kasak pali wibia kaka, yang pali wîni ra diara pain ba âpu sa; yang lika diara pain daukan ai daukisa, sakuna sip daukras sna.

Roman 7:25

Baha ba lika Gâd baman sip sa, wan Dawan Jisas Kraist bâk. ¡Gâd ra tingki kabia! Baha mita, kupi aiska ni Gâd lâka ba ra dimi auna, kuna wîni tara ba tani lika saurka lâka albika sna.

Roman 7:5

Bamna yawan upla saurakira nani baku kan ba piua ra, lâ ba wan wîna brinka saura nani buki kan, bara baha mita prura ra wan brih wan.

Roman 8:13

Kan man nani wînam brinka lâka kat raya kaia lukisma kaka, man nani lika pruma; sakuna wînam lâka ba Spirit mita ikbia kaka, man nani lika raya kama.

Roman 8:3

Kan Moses lâka mita sip daukras pali kan ba Gâd mita daukan sa, Moses lâka ba karnika âpu kan wan wîna tara swapni ba hilp munaia; baha mita Gâd ai Luhpia pali ba blikan yawan saurakira nani na wan talia ba kat, saurka sakripaiska baku, bara baha sin wîna tara natka ba kat saurka ba pât ra dingkan.

Roman 8:5

Bamna wîna tara brinka kat baman iwi uplika nani ba, wîna tara brinka ba baman dukiara trabil taki lukisa; sakuna Spirit brinka kat iwi uplika nani ba, Spirit brinka dukiara trabil taki lukisa.

Roman 8:9

Sakuna man nani lika wîna tara brinka ba daukaia lâka ra raya apia sma, kuna Spirit brinka ba daukaia mika, kan Gâd Spiritka ba man nani ra iwisa. Ani uplika Kraist Spiritka ba briras sa kaka, witin lika Kraist uplika apia sa.

1 Korint 3:3

man nani ba naha tasba uplika nani baku, kau ban raya iwisma ba mita! Man nani tilamra tuman lâka bâra sa, bara pana pana walkam nani aikuki sin unsabi dakwi takisma kaka, tasba uplika nani sma, bara upla sut dauki dukia nani ba kau daukisma.

1 Korint 6:18

Baku bamna, tâski lâka wina man nani plaps. Saurka wala nani upla tila dauki ba, ai wîna tara lata tani ra daukisa; sakuna ai maya briras tâski lâka dauki uplika ba, ai wîna tara mapara saura daukisa.

Galesha 5:13

Man nani, muihki nani, mai paiwan sa pri lâka bri kaia. Kuna naha pri lâka brisma wisi, wînam brinka nani nina blîkpara. Sakuna, pana pana dukia dadaukra nani bas, latwan lâka aikuki brisma ba tânka kat.

Galesha 5:17

Kan wan wîna tara brinka saura nani ba Gâd Spiritka mapara aiklabisa, bara Spirit ba mita wan wîna tara brinka saura nani ba mapara aiklabisa. Bamna baha nani ba pana pana ai mapara sa, bara baha mita man nani dîa brin mai dauki ba kat sip daukras.

Galesha 6:8

Bamna upla ai wîna brinka dukiara dîa mangkbia kaka, witin ai wîna brinka ba wina prura krikbia. Sakuna Spirit brinka ba mangkisa kaka, Spirit Holikira mita yabia raya ban kaia ba krikbia.

Taitus 3:3

Kan yawan pali na sin, pas piua sinskas nani kan bara Gâd bîla sin wali daukras. Yawan na aihka aimawahki tauki kan, bamna wan wîna brinka karna nani bara wan brinka dukia sât sât albika nani kata. Yawan na saurka lâka ra bara tuman lâka ra sin iwi kan upla wala nani mita misbara wan kaiki kan, bara pana yawan mita sin.

Hibru Nani 13:4

Upla sut mita marit lâka ba pain pali kulki kabia, bara marit waitna nani ba ai maya mairin wal sunu kasak kaia sa. Marit takras si tâski lâka dauki nani ba bara marit lâka sasauhkra nani ba sin, Gâd mita lâka daukbia.

Param Marikanka 21:8

Sakuna sasibrira nani ba, kasak lukras nani ba, uya saura takan nani ba, upla âikra nani ba, tâski lâka baman dauki nani ba, sukia warkka dauki nani ba, aidul nani ra ai pura suni mayuni nani ba, bara kuninkira nani ba sut sin, witin nani lika pauta lakni sulpa ni klauhi ba ra waia kabia; baha sika prura wala ba.”

Param Marikanka 22:15

Sakuna tawanka latara takaskbia nani ba naha nani sika: kasak lukras nani ba, sukia warkka dauki nani ba, tâski lâka dauki nani ba, upla âikra nani ba, aidul nani ra ai pura suni mayuni bara baha ra latwan kaiki nani ba sut, kunin lâka dauki nani ba sin.