Galesha 5:14 - DAWAN BÎLA AISKA

¹⁴ Kan lâ nani sut ba naha lâka ra man asla prakan sa: “Walkam ra latwan kaiks, sim man wînam pali ra baku.”

Galesha 5:14 ပူးပေါင်းရင်းမြစ်များ

Libait Lâka 19:18

“Uplikam mapara pana munaia kupiam saura lâka daukpara. Uplikam ba latwan kaiks man wînam baku. Yang sika Dawan.

Libait Lâka 19:34

Man nani uplikam kum baku yamni munma, latwan kaiks. Luki bas man nani sin tringsar katma Idsip ra. Yang sika man nani Dawan Gâdkam.

Matiu 7:12

“Baku bamna, upla wala nani man nani ra dîa mai daukaia brin mai dauki ba baku, man nani sin dauks; kan baha daukaia sika lâ ra wan aisi ba prapit nani ulbanka ra sin.

Mark 12:31

Wala naha wal baku ba lika naha sa: ‘Uplikam ra wînam ra latwan kaikisma ba baku latwan kaikma.’ Naha nani purkara lâ wala âpu sa.

Mark 12:33

Bara Gâd ra kupia aiska, lukanka aiska, sulka aiska, karnika aiska ni latwan kaikaia ba, wan uplika ra wan wîna baku latwan kaikaia ba sin, sakripais nani, daiwan nani altar ra angki ba sut wal kau purkara sa.

Jan 13:34

Naha lâ raya na, man nani ra maikisni: Pana pana walkam ra latwan kaiki kama. Yang bui man nani ra latwan mai kaikisna ba baku, pana pana walkam ra latwan kaiks.

Galesha 1:6

Yang lika man nani dukiamra uya aihka pali lukisna, kan man nani lika swaki sakan lâka smalkanka sât wala kum wali, pat pali Gâd ba swisma bamna; bara Gâd sika Kraist latwanka ra luki man nani mai paiwan ba.

Galesha 6:2

Pana pana wan walka wirhika ba twilki hilp munaia sa, kan baku lika man nani sip kama Kraist lâka ba aiska pali daukaia.

1 Timoti 1:5

Baha smalkanka ba sika, pana pana latwan kaikaia wan walka ra, kupia tâski âpu ba wina aula, kupia dara lukra yamni ba wina, bara kasak lukan lâka kunin âpu ba wina sin taki aula.