Galesha 5:13 - DAWAN BÎLA AISKA

¹³ Man nani, muihki nani, mai paiwan sa pri lâka bri kaia. Kuna naha pri lâka brisma wisi, wînam brinka nani nina blîkpara. Sakuna, pana pana dukia dadaukra nani bas, latwan lâka aikuki brisma ba tânka kat.

Galesha 5:13 ပူးပေါင်းရင်းမြစ်များ

Aiseya 61:1

Dawan Spiritka ba yang purira sa, kan Dawan mita bâk ai sakan bamna; upla umpira nani ra sturi yamni ba smalkaia ai blikan, kupia sari uplika nani lilia daukaia, silak ra mangkan nani ba ra pri takaia ba smalkaia, silak ra mangkan kan nani ra pri lâka;

Luk 4:18

“Dawan Spiritka ba yang purira sa, kan aihka ai sakan sa, sturi yamni upla umpira nani ra brih waia dukiara; silak ra mangkan uplika nani ra pri lâka smalkaia ai blikan, bara blain nani ra yarka kaikaia, taiban ra uplika nani ba pri sakaia;

Apastil Nani Sturka 20:35

Piua bani pain mai smalkri, baku wark taki uplika, diara âpu nani ra hilp munaia. Bara Dawan Jisas dîa aisin ba dukiara sin wan kupia krauki kaia, witin naku wisata ba: “Pain pali sa, upla ra diara yaia ba kau yamni sa, briaia ba wal.”

1 Korint 8:9

Sakuna, aman kaiki bas, baha pri lâka bri banhwisma ba mita, yarka witinka nani ai kasak lukan lâka mapa ra swapni ba saura lâka ra batakbiara.

1 Korint 9:19

Upla kumi sin albika apia sna sakuna, upla sut albika takri sa, upla kau ailal Kraist ra bri balaia dukiara.

2 Korint 12:15

Bamna yang maipa ra wilin pali tikamna dîa brisna ba man nani sulkam dukiara, bara yang pali wîni tara na sin ban tikamna; kaiks, man nani ra kau latwan mai kaikisna ba ra, man nani ba lika kau latwan ai kaikras taki banhwisma.

2 Korint 2:8

Baha mita man nani ra mamkabisna, yarka baha uplika kaikbia witin ra latwan kaikisma ba tânka.

2 Korint 3:17

Bara Dawan lika Spirit sika; bamna anira Dawan Spiritka bâra sa kaka, bahara lika pri lâka bâra sa.

2 Korint 4:5

Yang nani aisi smalkisna ba, wîni tânka lika smalkras, sakuna aisi smalkisna Jisas Kraist ba Dawan sa; yang nani lika man nani dukiam dadaukra nani sna, Jisas latwanka lâka ra.

Galesha 2:4

Kasak pali, wan muihni kuninkira tila nani yukuwi, yang nani tilira dimi banhwan ba bui lika want kan, Taitus ba Aisa sainka bribia. Naha nani lika biki kakaira nani baku diman, yang nani Jisas Kraist wal asla takri mita pri lâka brisna ba kaikaia, bara kli alba wan daukaia wisi.

Galesha 4:22

Baha ba naku wisa: Ebraham lika luhpa waitna wâl bri kan, kumi ba alba mairin kata ba wina, wala ba lika ai maritka pali ba wina, baha lika mairin pri kata ba.

Galesha 5:1

Bamna yawan pri kabia wisi, Kraist mita pri wan sakan. Baku bamna baha pri lâka ba kat ban bapi bûi bas, bara kli sin alba lâka twilkaika ra kapara.

Galesha 5:14

Kan lâ nani sut ba naha lâka ra man asla prakan sa: “Walkam ra latwan kaiks, sim man wînam pali ra baku.”

Galesha 5:22

Sakuna Spirit ai warkka dauki ba lika: latwan kaikaia, lilia kaia, kupia kaia lâka, kupia alki takaski kaia, latwan lâka bri kaia, kupia yamni kaia, kasakka lâka briaia,

Galesha 6:2

Pana pana wan walka wirhika ba twilki hilp munaia sa, kan baku lika man nani sip kama Kraist lâka ba aiska pali daukaia.

Epesus 5:21

Kraist ra kulki lâka ra, man nani pana pana walkam ra bawi bas.

1 Tesalonaika 1:3

Gâd wan Aisa mawanra kupi kraukisna, man nani nahki kasak lukan lâka wal wark takram ba, nahki latwan lâka wal wark daukram ba, bara nahki pali sin kainamra diara bîla kaikanka lâka ba Dawan Jisas Kraist kat ban bapi brisma.

1 Pita 2:16

Upla pri nani baku iwi bas; kuna pri lâmka ba wal saura lâka pura prakaia lika yus munpara. Sakuna Gâd napakanka nani baku iwi bas.

2 Pita 2:19

Pramis munisa pri lâka ra iwi kaia sakuna sim piua ra, witin nani lika tâski lâka ba albika sa; bamna upla bani ani dukia mita witin ra yan taibi ba, baha dukia albika sa.

Judas 1:4

Bamna upla tila nani, kunin lâka ni tilara diman sa. Baha nani ulbanka ra pat maisa pakan sa, pât ban kaia ba ai dukia bribia. Baha nani lika upla saura nani sa, witin nani lika Gâd umpira kaikanka lâka ba brih, kunin lâka ra laki wan Dawanka kumi ba, Jisas Kraist ra kulkaia apia wisa.