Galesha 5:1 - DAWAN BÎLA AISKA

¹ Bamna yawan pri kabia wisi, Kraist mita pri wan sakan. Baku bamna baha pri lâka ba kat ban bapi bûi bas, bara kli sin alba lâka twilkaika ra kapara.

Galesha 5:1 ပူးပေါင်းရင်းမြစ်များ

Lawana Nani 51:12

Aikrika kli âiyapah takamni swaki ai sakram liliaka ra; spiritkam kunin âpu ba ni ai alki bas,

Sins Lâka 23:23

Kasak tânka ba bara sins lâka ba atki bris, smalkanka bara diara tânka alkaia ba, ¡atkrika wabiara!

Aiseya 61:1

Dawan Spiritka ba yang purira sa, kan Dawan mita bâk ai sakan bamna; upla umpira nani ra sturi yamni ba smalkaia ai blikan, kupia sari uplika nani lilia daukaia, silak ra mangkan nani ba ra pri takaia ba smalkaia, silak ra mangkan kan nani ra pri lâka;

Matiu 23:4

Witin nani karban wirha nani wilki, upla nani pahpaya ra sunisa, bara baha twilkaia ba karna pali sa, sakuna witin nani lika ai mihta sirpi kumi ni sin kangban daukras.

Luk 5:38

Baha mita, wain raya ba daiwan taya batilka raya ra mangkaia sa.

Apastil Nani Sturka 15:10

Bara nanara, ¿dîa kan man nani lika Gâd diara daukan ba mapara aihka lukisma, ban naha lalukra nani ra yarka karban wirha twilkaia munisma, baha karbanka yawan bara wan damika nani sin sip twilkras kan ba?

Roman 6:14

Kan saurka ba kli man nani puramra karnika bri kabia apia, kan man nani ba lâ mununhtara apia sma, sakuna Gâd kupia yamnika ba mununhtara banhwisma.

Roman 6:18

Aima kumi man nani saurka lâka wina pri takram ba ra, kasakka lâka albika ni taki banhram.

Roman 7:3

Bara baha mairka ai maya raya ba piua ra waitna wala wal bribia kaka, witin lika marit lâka sauhkisa; kuna maya waitna ba prubia kaka lika, witin baha lâka ba wina pri sa bara sip sa waitna wala wal marit takaia, bara witin lika marit lâka sauhkras kabia.

Roman 7:6

Sakuna nanara lika lâ mita ai karnika mununhtara wan bri kan ba mapara yawan pruan taki banhwan, bara baku mika rayaka raya tânka ba ni Gâd dukia daukaia yawan pri sika Spirit mita yabal raya wankan bâk, lâ almuk ulban ba karnika mununhta wina lika apia.

Roman 8:15

Bamna Spirit man nani briram ba lika alba kaia spiritka apia sa kli sibri kaia; sakuna Spirit kumi Gâd luhpia wan dauki ba sika briram ba. Bara naha sim Spiritka na mita sika yawan wini ba: “¡Yang Aisiki!”

Roman 8:2

Jisas Kraist ra raya kaia spiritka lâka ba mita, pri wan sakan sa saurka lâka ba prura lâka ba wina.

1 Korint 15:58

Baku bamna, muihki laitwankira nani, ban bapi bara pirwras kira banhwi bas, piua bani Dawan warkka ba kau ban dauki bas; kan man nani kaikisma Dawan wal asla wark daukisma ba lika, bahki apia sa.

1 Korint 16:13

Man nani aihwaki bas, bara kasak lukan lâka ra bapi bûi banhwi bas. Waitna bas. Karnakira nani bas.

1 Korint 7:22

Kan upla kum Dawan bui paiwan bara alba kan kaka, nanara lika pri uplika sa, bara Dawan dukia daukisa; bara baha sim natka ra, ani uplika Kraist mita paiwan bara pri uplika kan kaka, nanara lika witin albika sa.

2 Korint 11:20

Bamna man nani lika kupiam alki takaskisma ai dukia daukaia adar maiki nani ba mapara, aiska mai langki pi nani ba mapara, man nani dawankam taki nani ba, swiram paski nani ba mapara, mamwanra mai pruki nani ba mapara sin.

2 Korint 3:17

Bara Dawan lika Spirit sika; bamna anira Dawan Spiritka bâra sa kaka, bahara lika pri lâka bâra sa.

Galesha 2:4

Kasak pali, wan muihni kuninkira tila nani yukuwi, yang nani tilira dimi banhwan ba bui lika want kan, Taitus ba Aisa sainka bribia. Naha nani lika biki kakaira nani baku diman, yang nani Jisas Kraist wal asla takri mita pri lâka brisna ba kaikaia, bara kli alba wan daukaia wisi.

Galesha 3:25

Bara nanara Kraist ra kasak lukaia piua balan na ra, kli tuktan main kakaira mihta ra apia sa.

Galesha 4:26

Sakuna kasbrika purara Jerusalemka ba lika pri sa, bara yawan lika baha luhpia nani sa.

Galesha 4:31

Baku bamna, muihki nani, yawan lika alba mairin luhpia nani apia, sakuna mairin alba apia ba luhpia nani sa.

Galesha 4:9

Sakuna nanara Gâd kakaira takram na ra, apia kaka kau param wiaia, Gâd sin man nani mai kakaira takan na ra, ¿nahki baha karnika swapni bara umpira nani kata ba ra kli tawi alkma, baha nani albika kli takaia wisi?

Galesha 5:13

Man nani, muihki nani, mai paiwan sa pri lâka bri kaia. Kuna naha pri lâka brisma wisi, wînam brinka nani nina blîkpara. Sakuna, pana pana dukia dadaukra nani bas, latwan lâka aikuki brisma ba tânka kat.

Epesus 6:14

Bahamna ban bapi bûi banhwi bas, kasakka lâka kwalka ba ni dims, bara wapni lâka ni kainam suni bas.

Pilipai 1:27

Man nani rayakam ba Kraist sturka yamni ba kat bri bas. Baha mita, man nani ra mai kaikaia wamna, apia kaka laihura kamna kra, man nani sturkam walaia want sna, man nani ba sip pali sma, bara asla pali, bakahnu sin sturi yamni wina kasak lukan lâka ba kat alki bri kama.

1 Tesalonaika 3:8

Baha ba yang nani maipa ra rayaka raya kum baku sa, Dawan kat ban bapi bûi banhwisma bamna.

2 Tesalonaika 2:15

Baku bamna, muihki nani, kasak bapi bûi bas, bara smalkanka nani, yang nani pali mita mai smalkri ba bara wauhtaya ra sin ulbi mai wîri ba, âmya tikpara.

Hibru Nani 10:23

Yawan lika Gâd pliki lâka mita, wan kainara diara briaia bîla kaiki ba aihka lakras pali ban alki bri kap, kan Gâd ba yawan ra pramis daukan ba kat witin daukbia.

Hibru Nani 3:14

Kan yawan na baha kasak lukanka tâ wina brin ba, ban tnata kat alki bri kabia kaka, baku lika yawan Kraist wal wan uplika takisa.

Hibru Nani 3:6

Sakuna Kraist lika baha Gâd watla ba main kaikisa, Luhpia kasak kum baku. Yawan sika witin watla ba, yawan na dîa wan kainara briaia bîla kaiki ba kat liliakira, kasak ban ba kat dutki alki bri kabia kaka.

Hibru Nani 4:14

Jisas Gâd Luhpia ba sika wan prîs tara, kasbrika pura ba kat dimi wan ba. Baha mita yawan kasak lukan lâka tânka bri ba, ban dutki alki bri kap.

1 Pita 2:16

Upla pri nani baku iwi bas; kuna pri lâmka ba wal saura lâka pura prakaia lika yus munpara. Sakuna Gâd napakanka nani baku iwi bas.

2 Pita 2:19

Pramis munisa pri lâka ra iwi kaia sakuna sim piua ra, witin nani lika tâski lâka ba albika sa; bamna upla bani ani dukia mita witin ra yan taibi ba, baha dukia albika sa.

Judas 1:3

Muihki laitwankira nani, uya pali brin ai dauki kan, baha swaki sakan lâka yawan nani bri ba dukiara man nani ra ulbaia, sakuna nanara daira walisna naha ba daukaia sna, baku natka ra mamkabaia, man nani kasak lukankam ba dukiara aiklabi kama, baha lika aima kum yaban kata Gâd uplika nani ra.

Param Marikanka 2:25

Sakuna diara pat brisma ba ban alki bri bas, yang balamna ba kat.

Param Marikanka 3:3

Kupiam krauki bas smalkanka briram ba, bara baha nina blîks bara kli tawi Gâd ra bal. Man raya apia kama kaka, âimplikra baku man ra wamna, bîli kaikras kama ba ra.