Galesha 4:8 - DAWAN BÎLA AISKA

⁸ Kaina piua ra, Gâd kakaira apia katma ba ra, man nani lika gâd apia nani albika nani katma.

Galesha 4:8 ပူးပေါင်းရင်းမြစ်များ

2 Kronikas 13:9

¿Bara Eran kiamka Libait Dawan prîs nani ba sin man nani mita kangbram wan apia, bara man nani mita idan prîs nani ba mangkram apia aidul nisan wala nani dauki baku? ¡Ani uplika kabia bal bîp wainhka kum sîp 7 bri ai gâdka nani ba prîs mangki pura sunaia!

Impakan Sturka 5:2

Sakuna king fero aisi pana win: —¿Bara ‘Dawan ba’ yamna? ¿Bara dîa muni yang bui witin ai bîla wali Israel luhpia nani ba swirka taki wabia? Baha purkara, yang sin Dawan ba kakaira apia. Bamna Israel luhpia nani ba swirka taki wabia apia.

Aiseya 37:19

Baku sin ai gâdka nani pauta ra angkan baha nani ba, gâd nani apia kan bamna, sakuna upla mita daukan, dus nani bara walpa nani ni daukan kan ba. Baha mita sika sauhki tikan ba.

Jirimaya 10:25

Man lawankam ba nisan wala nani purara laiks, witin nani mai kakaira apia ba, man ra mamyunras uplika nani ba purara, witin nani sika Jekob kiamka nani kata ba sut langki pin, sut pali sauhki tikan, bara kuntri ba sut sauhki swin.

Jirimaya 16:20

¿Upla ba sip sa ki witin mita ai gâdka nani paski briaia? ¡Ban kaka, baha nani ba gâd kasakkira apia sa!”

Jirimaya 2:11

idan nisanka kum ai gâdka swi si gâd wala brisa kaka. ¡Baha nani ban gâd bahki nani sa! Sakuna yang upliki nani ai swin, yang lika witin prana ban sna, sakuna aidul nani diara bahki ba briaia tâwan.

Jirimaya 5:7

Dawan naku aisisa: “¿Naha pâtka nani sut na nahki ban swih tikamna? Man luhpiam nani ba lulki ai swin, bara gâd apia nani ba mayunisa. Yang bui witin nani ra plun ailal pali yabri, sakuna witin nani lika yang wal wapni apia kan, witin nani sut aiska ba ur tatakra takan.

Jan 1:10

Baha Bîla ba naha tasba ra kan; Gâd mita witinka bâk naha tasba na paskan, sakuna naha tasba ra iwi nani ba mita witin ra kaikras kan.

Apastil Nani Sturka 14:12

Witin nani mita Bernabé nina ba Zeus win, Pal ba Hermes win, kan witin sika kau aisi kan bamna.

Apastil Nani Sturka 17:23

Kan yang naha tawanka ra wapi tauki kapri, man nani puram sunisma ba pliska nani ra sin, bara altar kum kaikri; bahara bîla nani ulban kan ba lika naku kata: ‘Gâd kum ra kaikras ba.’ Bamna pain sa, baha Gâdka man nani kaikras kuna puram suni mayunisma ba, baha pali Gâdka dukiara sika yang aisisna ba.

Roman 1:23

kan ban kaia ra pruras, Gâd ra prana ba swi si, pruaia uplika lilka ra ni tawan, ban sin daiwan tnawira nani bara kwasi nani lilka ra, bara daiwan mina walhwal bri nani ra sin.

Roman 1:28

Witin nani Gâd kakaira takaia want apia sa bamna, Gâd mita witin nani ba ai lukanka saura nani ba kat lulki swin, swika baha nani dîa daukaia apia kan ba kat daukbia dukiara.

1 Korint 1:21

Gâd ba ai sinska lâka mita, tasba uplika nani ai sinska lâka ni witin ra kakaira taki banhbia ba want apia kan. Sakuna, Gâd yamni lukan, ai bîla ba ni kasak luki nani ba swaki sakaia, bîla na upla wala nani mapa ra sins âpu tânka baku kabia sakuna.

1 Korint 12:2

Man nani pain kaikisma kau idan katma ba ra, aidul bîlas nani mita raski mai brih wi kata.

1 Korint 8:4

Baku bamna, aidul nani ra sakripais dauki yan pata ba piaia, yawan kaikisa aidul ba naha tasba ra diara bahki pali sa, bara Gâd kumi baman sa, wala âpu.

Galesha 4:3

Yawan wan mapa ra sin baku sa: kau tuktan kata ba piua ra, baku wibia, yawan bâra kata naha tasba ra pura aimaki karnika nani bâra kan ba mina ra kan.

Epesus 4:18

bara witin nani kupia lukra ba tihmia takan sa. Gâd wina raya kaia lâka aula ba, witin nani briras sa, kan sins aitani briras ba mita kupia sin karna pali sa.

1 Tesalonaika 1:9

Witin nani pali aisisa yang nani mita wih mai kaikri bara nahki pain pali ai briram ba, bara nahki sin aidul nani ba swi si Gâd nina blikram ba, Gâd rayakira bara kasakkira ba dukia daukaia dukiara.

1 Tesalonaika 4:5

Gâd ra kakaira apia nani, ai maya mairin nani ra brinka karna ni bara lukanka saura ni bri nani ba, baku lika apia.

2 Tesalonaika 1:8

Witin balbia, Gâd ra kakaira apia nani ra, bara wan Dawan Jisas Kraist swaki wan sakan sturka yamni bîla wali daukras nani ra klala yabaia.

Jasua 24:15

Sakuna man nani lika Dawan dukia daukan mai daukras kaka, pliki sâks naiwa man nani ya dukia daukaisma ba: man nani damikam nani bui Éufrates awalka un ra iwi kan bara gâd bahki nani ra kulkan ba, apia kaka amorreo nani gâdka bahki nani ra mayuni kan ba naha tasbaya ra. Sakuna yang tani ra lika, waitla uplika sut sin, Dawan dukia dauki banhwamni.

Jasua 24:2

bara upla sut ra win: —Dawan bara Israel Gâdka ba, naku wisa: ‘Blasi piua ra Térah bara ai luhpia nani Ebraham bara Nahor ba aikuki, man nani almukkam nani ba, Éufrates awalka un ra iwi kata bara gâd bahki nani ra mayunan.

1 Pita 4:3

Kan piua nani ailal luan ra idan nani dîa daukan ba, sim dukia man nani dauki kapram, baku bamna saura daukaia laik taki ba ra iwi kapram, brinka saura nani ra, bla lâka ra bara pata pira binka nani ra, diranka kum ailal pali, bara aidul tâski nani ra sakahkram.

1 Jan 3:1

Kaiks man nani, nahki Aisa Gâd latwan tara wan kaiki ba, bamna yawan na Gâd luhpia nani wan kulkan sa, bara kasak pali yawan lika witin ai uplika nani sa. Baha mita tasba uplika nani bui wan kakaira apia sa, kan witin nani lika Gâd ra kakaira apia ba mita.