Galesha 4:6 - DAWAN BÎLA AISKA

⁶ Bamna, yawan nani na ai luhpia nani sapa tânka wan marikaia, Gâd ai Luhpia Spiritka ba wan kupia kat blikan; bara baha Spiritka Holikira wan kupia nani ra winisa: “¡Yang Aisiki!”

Galesha 4:6 ပူးပေါင်းရင်းမြစ်များ

Jirimaya 3:19

“Israel, luki kaikri man ba luhpi waitna baku mai briaia bara tasba pain pali kum maikaia, tasba ra kuntri kum kau pranakira ba. Yang lukri ba man ai wima yang lika man aisikam bara yang laima wima kli taki wama apia.

Jirimaya 3:4

Bisi pali kat sin man kau aisi kapram: ‘Yang aisiki, wahma wina yang pâinika katma,

Mark 14:36

Bara ai pura sunra ra aisin: “Aisiki, diara sut mapara man sip sma; naha pâtka wahwaia sna ba wina swaki ai sâks; sakuna yang kupi lâka lika apia, man kupiam lâka kat.”

Luk 11:13

Man nani upla saura, ban sakuna luhpiam nani ra diara pain nani yaia nu sma, ¡kau pali Aisikam kasbrika purara ba Spirit Holikira yabia, baha nani witin ra makabia ba ra!

Luk 11:2

Jisas bila witin nani ra: —Man nani puram sunma ba ra, naku wis: ‘Aisa, ninam holikira ba kulkan kabia. Man king aimakaia ba yarka balbia.

Jan 14:16

Yang Aisa ra makabamna, witin bui man nani hilpkam bara maisam nihkaia dukiara wala kumi maikbia, baha sika kasak tânka Spiritka ba, witin ba man nani wal kabia ban kaia ra.

Jan 15:26

“Sakuna witinka hilp mai munaia bara maisam nihkaia wisi balbia ba, kasak tânka Spiritka yang mita Aisa wina blikamna ba, witin lika yang dukira witnis aisabia.

Jan 16:7

Sakuna kasak pali mai wisni: yang waia sna ba lika, man nani mampa ra kau pain sa. Kan yang waras kamna kaka, Spirit Holikira ba man nani wal kaia balbia apia, hilp mai munaia bara maisam nihkaia; sakuna wamna kaka lika, yang mita witin ba blikamna.

Jan 3:34

bamna Gâd mita blikan uplika ba, Gâd bîla nani ba aisisa, kan Gâd mita ai Spiritka ba piua bani yabisa.

Jan 7:39

Naha tânka na wal, Jisas wiaia want kan, ya witin ra kasak lukbia ba Spirit ba bribia. Baha piua ra Spirit ba kau balras kan, Jisas kau ai prana daukras kan bamna.

Apastil Nani Sturka 16:7

ban Misia tasbaya lainka kat balan. Baha wina Bitinia tasbaya ra luaia lukan, sakuna Jisas Spiritka mita bahara waia adar yaras kan.

Roman 5:5

Bara naha wihka bîla kaikaia lâka na mita, swira wan paskras sa, kan Gâd mita Spirit Holikira wankan ba bâk ai latwanka lâka ba wan kupia ra banhkan.

Roman 8:9

Sakuna man nani lika wîna tara brinka ba daukaia lâka ra raya apia sma, kuna Spirit brinka ba daukaia mika, kan Gâd Spiritka ba man nani ra iwisa. Ani uplika Kraist Spiritka ba briras sa kaka, witin lika Kraist uplika apia sa.

1 Korint 15:45

Baku bamna, Ulbanka ra wisa: “Pas upla Adam ba, rayaka bri uplika kum kata”; sakuna Adam wala ba lika rayaka yabi spiritka sa.

2 Korint 1:22

Bara witin ai sîlka ba ni mark wan mangkan sa, bara Spirit Holikira ba wan kupia ra mangkan, naika yawan diara briaia ba tukinka baku.

2 Korint 3:17

Bara Dawan lika Spirit sika; bamna anira Dawan Spiritka bâra sa kaka, bahara lika pri lâka bâra sa.

Epesus 1:13

Bara man nani sin, diara kasak sturka ba walram, bara swaki mai sakan lâka smalkanka ba, bara Kraist ra kasak lukram ba ra sin, witinka ra asla mai prakan bara sîl sin mai mangkan Gâd dukia nani kaia ba mata, witin pramis aisin Spiritka Holikira ba mita.

Epesus 2:18

Bamna Kraist ba mita, yawan Ju nani, Ju apia nani sut, Aisa lamara aula, Spirit kumi bri ba mita.

Epesus 4:30

Gâd Spiritka Holikira ba sarka paskpara, kan man nani aihka saki mai muni baha sim Spiritka Holikira ni, Gâd dukia kaia wisi sîl mai mangkan sa, aiska mai swaki sakan kaia yua witin maikbia ba kat.

Epesus 6:18

Man nani puram sunisma ba swipara, piu bani Gâd ra bik taki makabi bas, Spirit man nani tâm briaia. Ridi bas, lukankam swapras kira bara Gâd uplika nani sut dukiara sin man nani puram suni kama.

Pilipai 1:19

kan yang pain kaikisna naha sut tila wina pain takamna, man nani puram sunra ba mita, bara Jisas Kraist Spiritka hilp aiki ba mita sin.

1 Tesalonaika 4:8

Baku bamna, ya naha smalkanka nani bahki kulkisa kaka, upla kum ra lika bahki kulkras sa, sakuna Gâd ra sika, witinka pali ai Spiritka Holikira wankan ba.

1 Pita 1:11

Kraist Spiritka mita, patitara piua wina pât wahwaia kan ba prapit nani ra param mariki kan, bara baha ningkara prana balaia kan ba sin; bara witin nani baha uplika ba ya sapa pliki sakaia trai muni kan, bara baha Spiritka witin nani ra iwi kan ba mita piua mariki kan ba, ani sapa sin kaikaia pliki kan.

Judas 1:20

Sakuna muihki laitwankira nani, man nani lika kasak lukankam lâka holi ba kat ban bûi bas. Spirit Holikira karnika ra puram suni bas.

Param Marikanka 19:10

Yang insal ba mina kat kauhri, puri suni mayunaia wîri, sakuna witin mita ai win: “Man baku daukpara; kan yang na Gâd dukia dadaukra kum sna, sim man bara muihkam nani baku, Jisas sturka yamni kat kasak lukisma ba baku. Gâd ra puram suni mayuns.” Kan Gâd prapitka nani ba lika, Jisas sturka yamni witniska nani sika.