Galesha 4:5 - DAWAN BÎLA AISKA

⁵ Baku Kraist balan, yawan baha lâka mununhtara kan ba wina pri wan sakaia, bara Gâd mita ai luhpia nani baku wan bribia dukiara.

Galesha 4:5 ပူးပေါင်းရင်းမြစ်များ

Matiu 20:28

Bahamna, baku natka ra, Upla Luhpia Waitna ba balras kan upla mita witin ai dukia daukaia dukiara, sakuna witin mita upla dukia daukaia, bara ai rayaka ba upla ailal pri sakaia mana baku yabaia.

Luk 1:68

“¡Dawan ba yamni pali kabia, witinka Israel Gâdka ba, ai uplika nani ra swaki sakaia dukiara balan bamna!

Jan 1:12

Sakuna ya nani witin ra brin bara kasak sin lukan nani ra, witin mita naha uplika nani ra Gâd luhpia takaia karnika ba yan.

Apastil Nani Sturka 20:28

Baku bamna, man nani pali dukiamra aihwaki bas, kristian daknika ba dukiara sin, witinka nani dukiara sika Spirit Holikira mita mai mangkan, Gâd sertska uplika nani ba main kaikaia, baha witin ai tâlia ni atkan sa.

Roman 10:4

Bamna Kraist ra sika Moses lâka aiska daukisa, bara ya witin ra kasak luki ba Gâd mita yamni kulkan sa.

Roman 8:14

Baha nani sut Spirit mita tapahki brih auya ba lika Gâd luhpia nani sa.

Roman 8:15

Bamna Spirit man nani briram ba lika alba kaia spiritka apia sa kli sibri kaia; sakuna Spirit kumi Gâd luhpia wan dauki ba sika briram ba. Bara naha sim Spiritka na mita sika yawan wini ba: “¡Yang Aisiki!”

Roman 8:19

Paskanka aiska Gâd daukan ba brin pali dauki ai kainara lukisa, Gâd luhpia nani ra param takaia nani ba kaikaia.

Roman 8:23

Paskanka aiska ba baman pât wauhras, sakuna yawan pali na sin pât wahwisa, naika wan dukia briaia ba tawahkia baku pat yawan Spirit ba brisa kuna. Wan kupia mununhtara latwan kum brisa, bara yawan lika Gâd luhpia nani baku wan briaia piua ba bîla kaiki banhwisa, bara baha piua sika wan wîna tara aiska ba pri sakan kabia.

Roman 9:4

Ju nani sut ba lika Israel kiamka sa, bara Gâd mita baha nani ba ai luhpia nani baku saki brin. Bamna Gâd ai mawan pranakira ba wal witin nani tilara kan, bara wal lâ daukan lâka nani ba yan, Moses lâka ba, tempel priaska bara pramiska nani sin.

Galesha 3:13

Lâ mita saura pali wan kulkan ba wina Kraist mita pri wan sakan sa, kan yawan wan tâwan witin lika upla saura kum baku takan; Ulbanka ba wisa: “Saura pali sa baha nani dus ra paman prui ba.”

Galesha 3:26

Kan kasak lukan lâka ba mita man nani sut lika Gâd luhpia nani sma, Kraist Jisas wal asla takram ba mita.

Galesha 4:21

Man nani, diara kum ai wis, Moses lâka ra ban iwi kaia lukisma nani ba: ¿baha lâka ba dîa aisi ba man nani walras katma ki?

Galesha 4:7

Baha mita, man lika, kli alba apia, sakuna Gâd luhpia sma; bara Gâd luhpia sma bamna, Gâd kupia lâka sa man sin ai dukia nani ba dawanka kama.

Epesus 1:5

Kaina wina pat luki kaikan, Jisas Kraist bâk ai luhpia nani baku kli wan briaia, witin daukaia ai kupia ra lukan ba kat.

Epesus 1:7

Gâd latwan pali wan kaiki ai Luhpia ai tâlia laiki, pruan ba tâlia ra pri wan sakan sa, bara yawan saura daukan pâtka ba swin tiwan sa.

Epesus 5:2

Latwan lâka ra iwi bas, sim Kraist latwan wan kaiki, yawan tâwan ai rayaka pât mihta ra mangkan ba baku. Witin ba sin sîp baku sakripais daukan kata, bara Gâd ra kîa painkira kum baku angki yan.

Taitus 2:14

Witin ai wîna tara ba yawan tâwan prura mihta ra mangkan, saurka sut swaki sakan, yawan na aiska pali klin wan dauki, witin ai dukia kabia wisi. Bara wark yamni nani sin kasak pali dauki kabia dukiara klin wan daukan.

Hibru Nani 1:3

Witin sika Gâd prana ingnika ni ingwi ba; witin sika Gâd lilka talia aihwa pali ba, bara witin sika ai bîla karnakira ni, diara nani sut dihbi alki bri ba. Witin ba wan saurka nani wina sikbi wan sakan ningkara, Gâd king iwaika lama pali kat wih kasbrika purara iwan.

Hibru Nani 9:12

Kraist ba Dawan wal aisaia watla ba kat dimi wan, bara guts lupia nani bara bîp wainhka nani tâlia sin sakripais yabaia wisi dimras kan, sakuna ai tâlia pali; bamna bahara aima kumi baman dimi wih ban kaia swaki sakan lâka ba alki yawan ra wankan.

Hibru Nani 9:15

Baha mita, Jisas Kraist ba lika lâ daukan raya kum lengstarka sa. Kraist pruanka ba takan sa, upla nani pas lâka daukan munhtara nani kan saurka daukan nani ba swih tikaia, bara Gâd mita paiwan uplika nani ba ban kaia dukia nani Gâd mita yaia pramis munan ba, witin nani briaia sip kabia dukiara.

1 Pita 3:18

Kan Kraist pali, aima kumi baman wan saurka nani dukiara prura pâtka wahwan. Witin lika yamni kan, sakuna yawan saurakira nani na tâwan pruan, Gâd ra wan brih waia dukiara. Witin ba ai wîna tara mapa ra baman pruan, sakuna ai spiritka mapa ra lika kli raya takan.

Param Marikanka 14:3

Bara witin nani lawana raya kum aiwani banhwi kan, king iwaika ba mawanra, diara rayakira walhwal ba mawanra, almuk nani ba mawanra sin. Upla kumi sin baha lawana ba sip lan takras kan, baha nani 144,000 tasba uplika nani tila swaki sakan ba baman lika.

Param Marikanka 5:9

Witin nani naha lawana raya na aiwani kan: “Man lika wauhkataya ba briaia bara sîl nani ba krikaia sin aitani sip sma. Kan man lika mai ikan kata, bara tâliam ni yang nani na Gâd luhpia nani wisi wan atkram, taya sâtka bani wina, bîla sât aisi ba wina, nisan sâtka bani wina sin.