Galesha 4:3 - DAWAN BÎLA AISKA

³ Yawan wan mapa ra sin baku sa: kau tuktan kata ba piua ra, baku wibia, yawan bâra kata naha tasba ra pura aimaki karnika nani bâra kan ba mina ra kan.

Galesha 4:3 ပူးပေါင်းရင်းမြစ်များ

Matiu 11:28

Warkkam bara karbankam mita mai swapkan nani ba, sut yang ra bal bara yang mita maikamna ris briaia.

Jan 8:31

Ju nani kasak luki banhwan ba sut ra Jisas mita win: —Dîa mai wisna ba kat kasak kama kaka, man nani ba kasak yang disaipilki nani kama.

Apastil Nani Sturka 15:10

Bara nanara, ¿dîa kan man nani lika Gâd diara daukan ba mapara aihka lukisma, ban naha lalukra nani ra yarka karban wirha twilkaia munisma, baha karbanka yawan bara wan damika nani sin sip twilkras kan ba?

Roman 7:14

Bamna yawan kaikisa lâ ba lika spirit tani dukia, sakuna yang na upla wîna tara pali brisna ba mita, saurka lâka albika kaia wisi ai atkan sa.

Roman 8:15

Bamna Spirit man nani briram ba lika alba kaia spiritka apia sa kli sibri kaia; sakuna Spirit kumi Gâd luhpia wan dauki ba sika briram ba. Bara naha sim Spiritka na mita sika yawan wini ba: “¡Yang Aisiki!”

2 Korint 11:20

Bamna man nani lika kupiam alki takaskisma ai dukia daukaia adar maiki nani ba mapara, aiska mai langki pi nani ba mapara, man nani dawankam taki nani ba, swiram paski nani ba mapara, mamwanra mai pruki nani ba mapara sin.

Galesha 2:4

Kasak pali, wan muihni kuninkira tila nani yukuwi, yang nani tilira dimi banhwan ba bui lika want kan, Taitus ba Aisa sainka bribia. Naha nani lika biki kakaira nani baku diman, yang nani Jisas Kraist wal asla takri mita pri lâka brisna ba kaikaia, bara kli alba wan daukaia wisi.

Galesha 3:19

Baku sa kaka, ¿Moses lâka ba dîa mapara hilp sa ki? Baha lâka lika ningkara yaban, lâ bîla wali daukras kan ba marikaia. Lâ ba lika yan kan baha “kiamka” aisubi takbia ba kat baman, witinka ra pramis daukan kan ba. Bamna lâ ba insal nani mita aisin, bara Moses lika baha lâka ba upla ra aisi kaia kan.

Galesha 4:2

Bamna upla tila nani bâra sa witin ra main kaikaia bara ai bisniska nani daukaia, aisika mita piua marikbia ba kat.

Galesha 4:24

Naha na lika tânka tihu kum wan marikisa. Mairin wâl ba lika wan marikisa lâ wâl tânka. Naha lâka wâl wina kumi ba lika Sainai ilka ra yaban ba, bara baha ba lika Agar tânka wina wan marikisa; ya baha pramiska uplika sa kaka, aisubi takisa alba aimakaia dukiara.

Galesha 4:25

Bamna Agar tânka ba wan marikisa, Sainai ilka Arabia ra bâra ba dukiara, bara naha wan marikisa naiwa yua Jerusalemka ba dukiara; bara naha tawanka lika ai luhpia nani aikuki alba nani takan sa.

Galesha 4:31

Baku bamna, muihki nani, yawan lika alba mairin luhpia nani apia, sakuna mairin alba apia ba luhpia nani sa.

Galesha 4:8

Kaina piua ra, Gâd kakaira apia katma ba ra, man nani lika gâd apia nani albika nani katma.

Galesha 4:9

Sakuna nanara Gâd kakaira takram na ra, apia kaka kau param wiaia, Gâd sin man nani mai kakaira takan na ra, ¿nahki baha karnika swapni bara umpira nani kata ba ra kli tawi alkma, baha nani albika kli takaia wisi?

Kolosi 2:20

Man nani lika Kraist wal pruram, bara wan wîna brinka karnika nani ba mahka swiram sa. Ban kaka, ¿dîa muni kau lukras uplika nani lâka ra iwisma, bara adarka nani daukisma ba,

Kolosi 2:8

Man nani aman kaiki bas: Upla nani kunin baman diara bahki aisi ba mita yarka kunin mai muni mai brih wabiara; kan baha nani ba Kraist ra ai tâ baikras sa, sakuna upla iwanka lâka kat bara naha tasba lâka karnika baman ra wataukisa.

Hibru Nani 5:12

Piu wihka luan ba wina, man nani lika pat smasmalkra nani kaia kapram; sakuna kau ban man nani want sma upla kum ba, Gâd bîla tânka sirpi lupia nani ba kli mai smalkaia. Man nani uya swapni takram bamna, plun karna piaia watlika ra tiala laya ni disma.

Hibru Nani 7:16

Witin ba lika upla nani lâka bara kulkanka nani wina sin prîs takras; witin ba sip sauhki tikras rayaka karnika mita prîs aimakan.