Galesha 4:22 - DAWAN BÎLA AISKA

²² Baha ba naku wisa: Ebraham lika luhpa waitna wâl bri kan, kumi ba alba mairin kata ba wina, wala ba lika ai maritka pali ba wina, baha lika mairin pri kata ba.

Galesha 4:22 ပူးပေါင်းရင်းမြစ်များ

Blasi Sturka 16:15

Bara Agar, Ebram ra luhpa waitna kum baiki yaban, bara witin ai nina ba Ismael mâkan.

Blasi Sturka 21:10

Baha lawaska kiki kan kaikan ba tâka wina, Sara Ebraham ra win: “¡Naha albika mairin na ai luhpia wal utla wina taki wabia! Alba mairin luhpia ba sip apia sa, yang luhpi Aisak wal baku man prapatikam dawanka takaia.”

Galesha 4:23

Alba mairin wina ba lika wan wîna lâka kat tuktan wala nani baiki ba tânka kat aisubi takan; sakuna mairin pri wina baikan ba lika, Gâd bui Ebraham ra pramis munan ba aimakan.

Galesha 4:30

Kuna, ¿Ulbanka ba dîa wisa ki? Baha lika naku wisa: “Alba mairin ai luhpia waitna ba wâlsut kangbi sâks, kan alba mairin luhpia waitna ba wih mairin pri luhpia ba wal sip sut ai aisika dukia nani dawanka takbia apia sa.”

Galesha 4:31

Baku bamna, muihki nani, yawan lika alba mairin luhpia nani apia, sakuna mairin alba apia ba luhpia nani sa.