Galesha 4:19 - DAWAN BÎLA AISKA

¹⁹ Luhpi lupia nani, kli aima wala man nani dukiamra latwan saura pali wahwisna, sim yapti kumi tukta mahka baikaia kan latwanka bri ba baku; latwan ba wahwi kamna, Kraist tânka ba aiska man nani brima ba kat.

Galesha 4:19 ပူးပေါင်းရင်းမြစ်များ

Aiseya 53:11

Ai sulka sari, pât ailal brin ba ningkara, ingni ba kaikbia, bara ai âuyapah takbia; Dawan napakan kasakkira ba, upla ailal ra kasakkira kulkbia bara sin pri sâkbia, bara ai watawanka nani ba twilki brih wabia.

Luk 22:44

Bara baku mika witin uya pali pât wahwi kan ba tilara, kau ai tâ baiki ai pura suni kata, bara ai laptika ba tala tahwan tara baku tasba ra tahwi kata.]

Roman 13:14

Sakuna, Dawan Jisas Kraist ba ni war aiklabaia prâka baku dims, bara wînam brinka saura nani baman pliki dauki âmyapah kaia upla natka kaia lukpara.

Roman 8:29

Patitara piua Gâd mita upla nani paiwan ba, baha uplika nani ba paiwan ai Luhpia baku kaia, baku mika Gâd Luhpia ba ai muihni ailal ba tilara tawahkia kaia.

2 Korint 12:14

Nanara yang pat ridi sna man nani wih mai kaikaia bara naha kat aima yumhpa kabia, bara man nani mampara karban wirha kumi baku kamna apia. Kan dîa dîa brisma ba lika plikamna apia, kuna man nani pali ba mai pliki kamna; bamna aisa nani sika lalah nani apahki briaia sa ai luhpia nani dukiara, luhpia nani lika apia.

Epesus 4:13

yawan sut kasak lukan lâka ra asla takbia bara Gâd Luhpia tânka ba kaikbia kat. Baku lika yawan aitani pâwan kabia, Kraist pâwanka aiska pali ba kat.

Epesus 4:24

bamna Gâd kupia lâka kat prâka ba ni dimi banhwaia sma, bara sin marikma nahki rayaka kumi kasak pali wapni bara holikira ba.

Pilipai 1:8

Gâd pain kaikisa, yang bui Jisas Kraist latwanka lâka swapnikira bri ba ni, man nani ra latwan mai kaikisna ba.

Pilipai 2:17

Man nani kasakkam lâka mita Gâd ra prisant yabisma ba tnata alkaia dukiara, rayaki pali na sin sakripais dauki yabia kaka, yang lilia sni bara baha liliaka ba man nani sut aikuki brisni.

Pilipai 2:5

Man nani kumi bani luki bas, Kraist Jisas luki kan ba baku,

Kolosi 1:27

Witin nani ra Gâd mita baha yuyaka pranakira ba marikaia want kan, naha yukukanka lâka na sika Ju apia nani ra praki brisa. Bara baha yukukanka ba sika Kraist, man nani ra takaski ba, bara naika briaia bîla kaiki ba tânka kum sa.

Kolosi 2:1

Bamna brinki sa, aiklabanka tara brisna ba tânka brima, kan baha ba man nani dukiamra bara Leodisia ra iwi nani ba sin, bara yang wîni tara latan kaikras nani ba sut dukiara sin.

Kolosi 3:10

bara tânka raya ba prâmka baku dimram, baha ba kli raya takisa Gâd bui daukan ba tânka kat, witin ai tânka pain bribia ba kat.

Kolosi 4:12

Epafras, Jisas Kraist napakanka kum man nani tilam wina ba, ai lakula blikisa. Witin ai pura sunra bâk upla sut dukiara uya makabisa, man nani ba pain bapi bûi kama, bara Gâd kupia lâka daukaia wilin pali nani kama.

1 Tesalonaika 2:7

sakuna pain mai muni banhri, sim yapti kum ai luhpia nani paki bara main kaiki ba baku.

1 Timoti 1:2

Timoti, man kasak lukan lâka mapa ra luhpi kasak pali sma ba, naha wauhkataya mai ulbisna. Gâd wan Aisa bara Jisas Kraist wan Dawan ba mita man ra ai yamnika maikbia, umpira kaikan lâka bara kupia kumi lâka sin.

Taitus 1:4

Taitus, kasak lukan lâka ban bri ba tânka ra luhpi aihwa sma ba, naha wauhkataya mai ulbisni. Gâd wan Aisa bara Dawan Jisas Kraist wan Sasakra wal mita man ra yamnika maikbia, bara kupia kumi lâka sin.

Pilimon 1:10

Yang bui man ra Onésimo dukiara hilp makabisna; witin lika naha silak watla na kat, spirit lâka ra yang luhpi baku takan sa.

Pilimon 1:19

Yang Pal, mihti pali ni naha na mai ulbisni: Swis yang mai aibapamna. Yang mita kupiam kraukan lika ai daukras, kuna damra walisma si man pali rayakam ba yang ra tras aikaia brisma.

Hibru Nani 5:7

Kraist naha tasba ra tauki kan piua ra, witin ai pura sunra nani bara ai makabanka nani ba sin, ai bîla baikra tara ni bara ai nakra laya uya saki sin Gâd ra yaban, witinka mita prura wina swaki sakaia karnika bri kan ba. Witin lika Gâd bîla wali daukan ba mita, Gâd bui witin ra walan.

Jems 1:18

Sturi kasakkira bâk rayaka wankan sa, diara nani sut paskan ba tilara, yawan pas tâura kaia dukiara; kan witin baku pali want sa bamna.

1 Jan 2:1

Yang luhpi lupia nani, naha bîla mai ulbisna man nani saura yama apia ba dukiara. Sakuna upla kumi saura daukbia kaka, wan tâwan aisasara kum brisa Aisa mawanra, baha lika Jisas Kraist, bara witin ba kasakkira sa.

1 Jan 2:12

Luhpi lupia nani, man nani ra ulbisna, kan Gâd mita Jisas Kraist ra saurkam nani sut swih tikan sa.

1 Jan 5:21

Luhpi lupia nani, gâd kuninkira nani ba aman kaiki bas.

3 Jan 1:4

Diara wala kumi mita sin lilia ai sakras, luhpi nani kasak ba kat taukisa win waluna ba baman lika lilia tara ai sakisa.