Galesha 4:18 - DAWAN BÎLA AISKA

¹⁸ Bamna nanara, pain sa diara wala dukiara wan brinka aiska ni pliki taukaia, sakuna baha ba kupiam lukanka wina kaia sa, bara yang na man nani wal sna na piua ra baman apia, kuna piua bani.

Galesha 4:18 ပူးပေါင်းရင်းမြစ်များ

Lawana Nani 119:139

Man bîlam nani tâwan lawan baman âpu ai daukuya, kan yang waihli nani ba man bîlam nani ba ai âuya tikan bamna.

Lawana Nani 69:9

Man wamtla tâwan lawanka ba mita, ai angki âpu ai daukisa; saura munaia ba purira kauhan sa, baha nani man ra saura mai wi nani ba.

Aiseya 59:17

Dawan ai kasakka lâka ba ni ai lama prakaika kum baku diman. Ai lal ra sin swaki sakan sumurka ba bapan; pana munaia kwalka ba brih bara ai prâka baku diman. Bara ai kupia baiwaia lâka ni ai pura prâka tara baku diman.

Jan 2:17

Baha kat disaipil nani ba Ulbanka ra aisi ba tânka bri banhwan: “Man wamtla na tâwan, yang kupi aiska ni lawri.”

1 Korint 15:58

Baku bamna, muihki laitwankira nani, ban bapi bara pirwras kira banhwi bas, piua bani Dawan warkka ba kau ban dauki bas; kan man nani kaikisma Dawan wal asla wark daukisma ba lika, bahki apia sa.

Galesha 4:13

Pat kaiki banhwisma, tâ pali piua ra swaki sakan lâka man nani ra mai smalkri ba, yang baku daukri wîni tara ra siknis kum mita rau ai sauhki kan ba mita.

Galesha 4:17

Baha uplika nani ba uya man nani ra lukisa, kuna ai kupia pain lâka ni lika apia. Witin nani brin daukisa man nani ba, yang nani wina dakbi mai sakaia, bara ningkara man nani mita, witin nani ra brin mai dauki kira plikma dukiara.

Galesha 4:20

¡Ban kra, naha pali piua ra man nani tilamra kan ai daukisa, bara baku lika sip kaia natka wala ra mai aisaia; baku bamna, man nani dukiamra dîa pali lukaia sna sapa yang kaikras!

Pilipai 1:27

Man nani rayakam ba Kraist sturka yamni ba kat bri bas. Baha mita, man nani ra mai kaikaia wamna, apia kaka laihura kamna kra, man nani sturkam walaia want sna, man nani ba sip pali sma, bara asla pali, bakahnu sin sturi yamni wina kasak lukan lâka ba kat alki bri kama.

Pilipai 2:12

Baku bamna, muihki laitwankira nani, piu bani man nani wal kapri bara bîli kat wali dauki kapram ba baku, nanara laihura sna ba ra, kau bîli wali dauki banhwi bas. Ban Dawan warkka taki bas, bawikira lâka brih bara sibrinkira sin, swaki mai sakan lâka briaia dukiara;

Taitus 2:14

Witin ai wîna tara ba yawan tâwan prura mihta ra mangkan, saurka sut swaki sakan, yawan na aiska pali klin wan dauki, witin ai dukia kabia wisi. Bara wark yamni nani sin kasak pali dauki kabia dukiara klin wan daukan.

Param Marikanka 3:19

Yang lika latwan kaikisna bara uplika sut ra lawi daukisni, wapni sin daukisna. Baku bamna, man kasak bas bara kupiam sin laks.