Galesha 3:27 - DAWAN BÎLA AISKA

²⁷ Man nani sut Kraist wal asla kaia wisi tahbi mai daukan ba, witinka mita puram prâka baku mai brisa.

Galesha 3:27 ပူးပေါင်းရင်းမြစ်များ

Job 29:14

Kasakka lâka bara wapni lâka ba yang wîni pîska kum kata, baha nani ba yang prâika kan bara yu bani dimi kapri.

Aiseya 61:10

¡Yang Dawan ra nahki lilia sna! Gâdki ra kupi lilia ni banhwan sa, witin swaki sakan lâka bri ba yang ra aikan bamna, ¡pura luan lâka ni ai srukan! Yang na wahma kum ai maya briaia ai kraunka bapan ba baku sna, apia kaka tiara kum ai maya briaia gul ni skahkan ba baku sna.

Luk 15:22

Sakuna aisa ba ai albika nani ra wisata: ‘Aihni muns bara prâk kau pain pali ba saki bri sal dingks; mihtadingka sin kum ai mihta ra dingks, sûs sin ai mina nani ra.

Apastil Nani Sturka 16:15

Witin lika ai watla uplika nani sut ba wal tahbi daukan. Ningkara yang nani ra makaban: —Yang na kasak Dawan ra tawri lukisma kaka, man nani bal waitla ra dimi takasks. Bamna witin taibi ai munan takaskaia.

Apastil Nani Sturka 2:38

Bara Pita baha uplika nani ra win: —Man nani daukankam saura nani ba swi si mahka Dawan ra taws, bara kumi bani sin yarka lî ni tahbi mai daukan kabia Jisas Kraist nina ra; baku mika saurkam nani swih tikan kabia, bara Dawan mita Spirit Holikira ba maikbia.

Apastil Nani Sturka 8:16

Kan baha uplika nani ra Spirit Holikira ba kau iwras kan bamna, tahbi baman daukan kan Dawan Jisas nina ra.

Apastil Nani Sturka 9:18

Baha pali piua ra ai nakra nani wina inska taya nani baku kauhan, bara kli sip kan diara kaikaia. Bamna Saulo mahka buan, bara tahbi sin daukan kan.

Roman 13:14

Sakuna, Dawan Jisas Kraist ba ni war aiklabaia prâka baku dims, bara wînam brinka saura nani baman pliki dauki âmyapah kaia upla natka kaia lukpara.

Roman 3:22

Jisas Kraist ra kasak luki ba mita, kasak lalukra nani sut ra Gâd bui kasakkira nani daukisa. Kan sât aihka natka âpu sa:

1 Korint 10:2

Kasbrika bara kabu ra sin, baha nani sut tahbi daukan kata, Moses nina blablikra nani baku.

1 Korint 12:13

Baku ba mita yawan sut na, Ju nani kabia, apia kaka Grik nani kabia kra, alba nani, alba apia nani, tahbi wan daukan ba ra, asla wîna tara kumi paskan sa, Spirit kumi baman bâk; bara sut ra sin Spiritka kumi bâk wankan din sa.

Epesus 4:24

bamna Gâd kupia lâka kat prâka ba ni dimi banhwaia sma, bara sin marikma nahki rayaka kumi kasak pali wapni bara holikira ba.

Kolosi 3:10

bara tânka raya ba prâmka baku dimram, baha ba kli raya takisa Gâd bui daukan ba tânka kat, witin ai tânka pain bribia ba kat.

1 Pita 3:21

Baha laya ba lika tahbi wan dauki laya ba lilka kan, naha mita sika nanara swaki wan saki ba. Tahbi daukaia lâka ba lika wan wîna ra tâski bri ba sikbi sakaia tânka apia sa, sakuna Gâd ra wan kupia dahra walra klin wankbia makabaia ba tânka sika. Bara swaki wan sakisa Jisas Kraist pruan wina kli buanka bâk.