Galesha 3:22 - DAWAN BÎLA AISKA

²² Sakuna Ulbanka ba wisa, sut lika saurka mita priski silak ra brisa; naha na naku sa, ya Jisas Kraist ra kasak lukbia ba, sip sa Gâd bui dîa pramis munan ba briaia.

Galesha 3:22 ပူးပေါင်းရင်းမြစ်များ

Lawana Nani 143:2

Man nampakan ra diara walaia paiwpara, kan man mamwanra upla kumi sin pâtkas ba âpu sa.

Mark 16:16

Ya kasak lukbia ba, tahbi daukan kabia, witin lika swaki sakan kabia; sakuna ya kasak lukras kaka, witin pât ra lulkan kabia.

Jan 12:46

Yang, ingni sna na, naha tasba ra balri, bamna ani uplika nani yang ra kasak luki ba tihmia ra ban wataukaia apia sa.

Jan 20:31

Ban sakuna, naha nani na lika ulban sa, man nani kasak lukma Jisas ba Misaya Gâd Luhpia sa, bara naha kasak lukanka nâk raya ban kaia lâka bri kama.

Jan 3:36

Ya Gâd Luhpia ra kasak luki ba, raya ban kaia lâka ba brisa; sakuna ya Gâd Luhpia ra kasak lukaia apia wi ba, sip baha rayaka ba bribia apia, sakuna Gâd klalka saura pali ba bribia.

Jan 5:24

“Kasak pali mai wisna: Yang aisisna ba ra ya aman walisa, ai blikan ba ra sin kasak lukisa kaka, witin raya ban kaia lâka ba brisa, pât ra sin lulkan kabia apia; kuna pruan wina taki pat raya kaia ra luan sa.

Jan 6:40

Naha sika witinka ai blikan kupia lâka ba: Upla sut mita Gâd Luhpia ra kaiki kasak lukbia, bara baku mika raya ban kaia ba bribia; bara tnata piua ra, yang mita pruan wina kli bukamna.

Apastil Nani Sturka 16:31

Witin nani bila: —Dawan Jisas Kraist ra kasak luks, man bara wamtla uplika nani sut.

Roman 10:9

Bara man bîlam ni Jisas ba kasak Dawan sa aisisma kaka, bara kupiam ra sin kasak lukisma Gâd mita Jisas ba pruan nani tila wina bukan, man ba swaki mai sakan kabia.

Roman 11:32

Bamna Gâd mita upla sut ba bîla wali daukras lâka ba mununhtara swin, baku mika sut dukiara ai kupia swapnika bribia.

Roman 3:22

Jisas Kraist ra kasak luki ba mita, kasak lalukra nani sut ra Gâd bui kasakkira nani daukisa. Kan sât aihka natka âpu sa:

Roman 3:23

upla sut saura yan bara Gâd mawan wina sin laihura takan.

Roman 5:12

Baku bamna, saurka ba upla kumi tâka ba mita upla sut ra luan, bamna saurka ba mita prura balan, bara prura ba upla sut ra alkan sa, kan upla sut saura daukan bamna.

Galesha 3:14

Naha na baku takan, Gâd mita Ebraham ra yamni munaia pramis munan ba, Kraist Jisas bâk Ju apia uplika nani ra yaia; bara baku yawan sut bribia kasak lukan lâka ba mita, baha Spiritka Holikira Gâd mita pramis munan ba.

Galesha 3:17

Bamna aisisna ba lika naha sa: Gâd lika Ebraham wal lâ kum dauki pramis munan. Baha mita, Moses lâka 430 mani ningkara balan ba, sip apia sa Gâd lâ dauki pramis munan ba bahki sakaia.

Galesha 3:23

Kau naha kasak lukanka lâka na balras kan ba ra, lâ ba priski wan bri kan, kasak lukan lâka ba param sakan kabia ba kat.

Galesha 3:29

Bamna Kraist dukia sma kaka, man nani lika Ebraham kiamka, bara Gâd diara pramis munan ba brima.

2 Timoti 1:1

Yang Pal, Jisas Kraist apastilka sna, Gâd kupia lâka ai blikan uplika, Dawan Kraist Jisas wal asla lâka ra, rayaka bri kaia pramiska wankan ba, yang aisi smalkamna dukiara.

Hibru Nani 9:15

Baha mita, Jisas Kraist ba lika lâ daukan raya kum lengstarka sa. Kraist pruanka ba takan sa, upla nani pas lâka daukan munhtara nani kan saurka daukan nani ba swih tikaia, bara Gâd mita paiwan uplika nani ba ban kaia dukia nani Gâd mita yaia pramis munan ba, witin nani briaia sip kabia dukiara.

2 Pita 1:4

Naha dukia nani tila bâk pramis nani sin wan munan, bara baha nani ba uya tara bara manakira pali sa; bamna baha sim pramiska nani bâk, sip kama Gâd tânka ba man nani briaia, bara brinka saura nani naha tasba ra tâski lâka bri balan ba wina swakwaia.

2 Pita 3:13

kuna yawan lika, Gâd pramis taki win ba kat, kasbrika raya bara wan tasba raya ba bîla kaikisa, bara bahara lika diara sut ba kasakkira bara pain baman kabia.

1 Jan 2:25

Bara Jisas Kraist mita pramis wan munan sa raya ban kaia lâka ba wankaia.