Galesha 3:17 - DAWAN BÎLA AISKA

¹⁷ Bamna aisisna ba lika naha sa: Gâd lika Ebraham wal lâ kum dauki pramis munan. Baha mita, Moses lâka 430 mani ningkara balan ba, sip apia sa Gâd lâ dauki pramis munan ba bahki sakaia.

Galesha 3:17 ပူးပေါင်းရင်းမြစ်များ

Blasi Sturka 15:13

Bara Dawan Ebram ra win: —Naha tânka man damra walaia sma, man kiamkam nani ba tringsar baku upla wala nani tasbaya kum ra witin nani iwbia, bahara witin nani ba alba nani kabia. Mani handat walhwal witin nani ra sin rausauhkan kabia.

Blasi Sturka 15:18

Baha pali yua ra Dawan Ebram wal lâ daukan, bara win: —Naha tasbaya na man kiamkam ra yabamni, Idsip awalka ba wina Éufrates awalka tara ba kat.

Blasi Sturka 17:19

Gâd pana witin ra win: —Yang mai wîri ba lika, man mayam Sara luhpiam waitna kum baiki maikbia, bara man bui witin ai nina ba Aisak mâkma. Bara witin wal yang lâika ban kaia ba daukamni, ai kiamka nani ai ninara aula ba aikuki sin lâ daukamni.

Job 40:8

¿Bara ai wiaia lukisma ki pâtkira bara kasak apia sna, bara man lika pâtkas pali sma?

Lawana Nani 105:9

Ebraham wal lâ daukan ba, Aisak wal swer daukan ba sin.

Lawana Nani 33:10

Dawan ra lukras uplika diara daukaia luki ai lâka nani dauki ba, witin mita baha lâka nani ba sut pali batakisa,

Aiseya 14:27

Kan karnika sut bri Dawanka baku luki kaikan ba, ¿ya mita baha ba alki takaskbia? Ai mihta sakbi klala yabaia ba ban sa, ¿ya mita yaka kli ai ninara lakbia?

Aiseya 28:18

Man nani prura wal lâ daukram ba bahki ra lakan kabia, bara man lâmka ba, prura kingka tasbaya ba wal bahki ra tawbia. Klala saura balbia bara man nani puramra taibia.

Kulki Kaikanka 23:19

Dawan ba lika upla baku apia sa: witin kunin aisaras, witin dîa lukan ba sip lakras sa. Witin dîa daukaia aisi ba daukisa. Pramis daukan kaka, witin ai pramiska daukaia win ba kat daukisa.

Kulki Kaikanka 30:8

Sakuna ai maya waitna baha ba walan ba ra, âu takras sa kaka, pramis Dawan ra win ba witin daukaia apia sa, bara Dawan mita sin baha aitani kulkbia.

Jan 1:17

Gâd mita lâ ba Moses bâk yan kata; sakuna latwan lâka bara kasak tânka ba lika, Jisas Kraist bâk baman lika sip kata.

Apastil Nani Sturka 7:6

Baha purkara, Gâd win: ‘Man kiamkam nani ba tasba tringsar kum ra iwbia. Bara alba pali kabia, rau sin munan kabia mani 400.’

Roman 3:25

Gâd mita Kraist ba saurka mana sakripais kum baku mangkan witin pruanka bâk, bara naha na ai karnika brisa kasak lukan lâka ba mita. Naha na baku takan, kan marikaia want sa, nahki Gâd kasakkira sa bara ai kupia alki takaski kan, patitara saura yan saurka ba ban swin tiwan ba mita.

Roman 3:3

Bamna, ¿baha ba dîa sa ki? Witin nani wina tila nani kasakkira apia kan kaka, ¿baha tâwan Gâd mita baha nani ba kasak apia kaia tânka ra ban swibia?

1 Korint 1:12

Tânka mai wisna ba lika, man nani kumi bani diara aihka aisisma; kum kum bila wisa: “Yang lika Pal uplika sna”; wala bila: “Yang lika Apolos uplika”; wala bila: “Yang lika Pita uplika”; bara wala bila: “Yang lika Kraist uplika sna.”

1 Korint 1:17

Kraist upla tahbi daukaia ai blikras. Witin ai blikan ba lika, sturi yamni ba aisi smalkamna dukiara, sakuna sinskira nani bîla nani aisi ba baku lika apia, kan baku daukamna kaka, Kraist dus prihni ra pruan karnika ba tânka âpu baku kabia.

1 Korint 10:19

Yang wiras aidul ba tânka pain brisa, apia kaka aidul ra sakripais dauki yan wîna ba wîna wala nani wal baha ba kau pain sa.

1 Korint 7:29

Muihki nani, yang wiaia want sna tânka ba lika naku sa: yawan kau piu wiria baman brisa. Bamna, nanara wina ai tâura, marit waitna nani ba ai maya âpu baku iwi kaia sa;

2 Korint 1:20

kan Gâd pramiska sut ba Kraist ra aimakisa. Baha mita, yawan bui Gâd ra mayuni ba ra, Jisas Kraist nina bâk “Baku kabia” wisa.

2 Korint 9:6

Naha diara nani na kupiam krauki bas: Ya wiria mangki ba, wiria krikan kabia; bara ya ailal mangki ba, ailal krikan kabia.

Galesha 3:15

Muihki nani, yang mai aisisni sampla kum baku: Upla kum upla wala wal lâ kum dauki swin ba, upla kumi sin âpu sa baha lâka krikaia, apia kaka kau pura prakaia.

Galesha 3:21

¿Bamna naha tânka na mita, Moses lâka ba Gâd pramiska nani ba mapara sa wisa ki? ¡Apia pali! Kan lâ kum yan ba upla nani ra raya kaia lâka yabi kata kaka, lâ dîa wi ba kat dauki mita Gâd pain kaikaia kan.

Galesha 5:16

Bamna yang mai wisna: Man nani Spirit mita raya bas, wînam brinka saura nani ba dauki âmyapah kaia tauki kama apia.

Galesha 5:4

Man nani tilam wina baha nani luki ba, lâ bîla wali dauki ba mita, Gâd mita kasakkira kulkan kabia, witin nani lika Kraist wina tnaya ra takan sa; Gâd latwanka lâka ba wina sin dakwi takan sa.

Epesus 2:12

Baha piua man nani ba Kraist luha katma, Israel nisanka wina laihura kapram, bara Gâd bui Israel nisanka wal lâ nani bara pramis daukan ba sin kakaira apia katma. Naha tasba ra diara kumi sin kainamra bîla kaikras, Gâd sin luha iwi nani katma.

Epesus 4:17

Bamna Dawan nina ra, yang naha na taibi pali mai wisna: man nani kli Dawan ra tawras uplika nani baku raya iwi kapara, kan baha nani lika gâdkas nani ba tânka kat baman taukisa,

Kolosi 2:4

Naha yang bui man nani ra mai wisna, upla kumi mita sin yarka ai bîla damni aisi ba ni, kunin mai munbia apia dukiara.

Hibru Nani 11:13

Witin nani sut Gâd mita diara nani pramis munan kan ba briras ban prui banhwan; sakuna kasak lukan lâka bri nani kan bamna, dukia nani ba laih wina kaikan, bara kasak luki, ai âuyapah pali lakula win. Baku ai tânka ba latan saki aisi kan, witin nani ba naha tasba ra tringsar nani bara impapakra nani kan ba.

Hibru Nani 7:18

Baku bamna, lâ bîla almuk kata ba tnaya ra laki swin sa, baha ba uya swapni bara upla ra sin hilp yaras kan ba mita.

1 Pita 1:20

Kraist lika Gâd mita kau tasba paskras kan wina naha dukia mata bâk saki brin kata; kuna naha piua nani tnata ra, witin latan takan man nani painkam ba dukiara.