Galesha 3:1 - DAWAN BÎLA AISKA

¹ ¡Galesha uplika nani, tanis nani! ¿Ani sukika pali ba kupiam yabaki alkan? Yang nani smalkanki ba ni man nani namkra kat, Jisas Kraist dus prihni ra saban ba mamrikatna.

Galesha 3:1 ပူးပေါင်းရင်းမြစ်များ

Matiu 24:24

Kan misaya kuninkira nani bara prapit kuninkira balbia; witin nani sain tara nani bara diara aihka nani daukbia upla ra kunin munaia dukiara, bara sip kaka, Gâd mita bâk sakan nani ba ra sin kunin munaia.

Matiu 7:26

Sakuna ya yang bîli wali baman, dîa wisna ba kat daukras ba lika, upla sinskas kum ai watla auhya purara mâkan ba baku sa.

Luk 24:25

Bara Jisas win: —¡Man nani lika sip diara tânka briras sma, prapit nani diara nani aisin dukiara sin pat sip kasak lukras sma!

Apastil Nani Sturka 16:6

Spirit Holikira adar yaras kata Asia ra sturi yamni ba smalkaia. Bamna witin nani Frigia bara Galesha tasbaika bâk impaki,

Apastil Nani Sturka 6:7

Dawan bîla ba kau pâwi kan, bara kristian nani sin kau ailal taki kan Jerusalem ra. Ban Ju prîska nani wina sin manis kasak lukan lâka ba alkan.

Roman 10:16

Sakuna upla sut lika swaki sakan sturka smalkanka ba kat kasak walras. Baha lika Aiseya aisi ba baku: “Dawan, ¿ya mita wan smalkanka ra kasak lukan ki?”

Roman 2:8

sakuna lawan tara bara kupia baiwanka wal Gâd mita klala yabia, baha nani ai wîna kat baman luki ba, bara diara kasak ba bîla wali daukaia watlika ra diara saura ni dauki nani ba.

Roman 6:17

Sakuna Gâd ra tingki kabia, man nani lika kaina piua ra saurka lâka albika nani katma, kuna nanara mai smalkan ba kat kupiam aiska ni witinka mihta ra aimakram ba bîla wali daukisma.

1 Korint 11:26

Baku bamna, aima bani naha britka na pima bara naha kapka sin dima ba ra, Dawan pruanki ba param aisi banhwi bas, witin balbia ba kat.

1 Korint 2:2

Kan man nani tilamra katna piua, diara wala kaikaia ai daukras kan, Jisas Kraist tânka baman, bara kau pali lika, witin dus prihni ra saban ba.

2 Korint 10:5

Baku bamna, dahra kwakwahkra nani, wan mapara babura nani bara ai prautka lâka ra Gâd tânka kaikaia wina wan takaski nani ba sut, yang nani mita bataki banhwisna. Wan wîna sinska lâka ba sut Kraist mihta ra mangkisna, witinka ba bîla wali daukbia dukiara,

2 Korint 11:3

Kuna si brisna piuta ai kuninka ba ni Iv ra kunin munan ba baku, swirka man nani ra sin kunin mai munbia, bara kupiam lukanka kumi ba bara sunu kaia lâka Kraist tani brisma ba sin swima.

Galesha 1:2

Bamna yang, bara wan muihni nani yang wal nani ba mita sin, naha wauhkataya na ulbisna, Galesha tasbaya ra serts nani bâra ba sut ra.

Galesha 1:6

Yang lika man nani dukiamra uya aihka pali lukisna, kan man nani lika swaki sakan lâka smalkanka sât wala kum wali, pat pali Gâd ba swisma bamna; bara Gâd sika Kraist latwanka ra luki man nani mai paiwan ba.

Galesha 2:14

Bara yang kaikri, baha nani lika swaki sakan lâka wan smalki ba tânka kat apia kan, bamna baha aidrubanka mawan kat Pita ra wîri: “Man lika Ju, kuna Ju apia nani tilara, Ju apia tânka kat iwi katma; ¿bara nahki Ju apia nani ra adar yabisma, Ju nani baku iwaia sa?”

Galesha 3:3

¿Nahki man nani ba ban sinskas sma ki? ¿Dîa trai kaikisma, Spirit mita diara nani tâ krikan ba, nanara karnikam ni daukaia plikisma?

Galesha 4:9

Sakuna nanara Gâd kakaira takram na ra, apia kaka kau param wiaia, Gâd sin man nani mai kakaira takan na ra, ¿nahki baha karnika swapni bara umpira nani kata ba ra kli tawi alkma, baha nani albika kli takaia wisi?

Galesha 5:11

Bamna yang pali na, muihki nani, Aisa sainka daukaia dukiara smalki tauki katna kaka, Ju nani nini bliki rau ai sauhkaia apia kan; bara baha ba baku kata kaka, yang Kraist dusa prihni tâwan aisisna ba, witin nani kupia sauhkaia apia kan.

Epesus 3:8

Gâd uplika sirpi nani sut tilara, yang na kau sirpi pali sna; sakuna Gâd mita ban adar aikan, Kraist yuyaka sip kulki sakras ba, Ju apia uplika nani ra smalkaia.

Epesus 4:14

Bara yawan na tuktan ban kaia apia sa, witin nani ai natka isi sât wala takisa, ya ya smalkanka raya smalki nani ba payaska ba mita raski brih auya, âuya mâira nani aimawahkan yabalka ra tauki nani ba mita sin kunin munisa.

Epesus 5:15

Bamna, man nani nahki sma ba aman kaiki bas, sins aitani briras nani ba baku kapara, sakuna sinskira nani bas.

Kli Smalkanka 32:6

¿baku Dawan ra aibapaia sma ki? Tawan saura kum sins lâka âpu sma ba, ¿witin ba man aisikam apia, man mai papaskra sin? ¡Witin mai paski rayakam maikan!

2 Tesalonaika 1:8

Witin balbia, Gâd ra kakaira apia nani ra, bara wan Dawan Jisas Kraist swaki wan sakan sturka yamni bîla wali daukras nani ra klala yabaia.

1 Timoti 6:4

witin ba prautkira sa, bara diara tânka briras. Witin ba bîla nani dukiara baman aisi blahwaia sikniska alkisa; bara naha wina sika tuman lâka, unsaban nani, upla ra saura wiaia lâka, upla bara diara kumi ra sin sip kasak lukras kaia lâka taki ba;

Hibru Nani 11:8

Kasak lukan lâka mita Ebraham ba Gâd mita paiwan ba ra, ai bîla kat wali, Gâd mita tasba kum yaia pramis munan kan ba mata taki impaki wan. Ai tasbaya pali ba swih wan, bara anira auya sapa sin kaikras kan.

Hibru Nani 5:9

Witinka ra aiska aihwa daukan kan ba ra, witin ba ban kaia ra swaki sakan lâka kârma laya takan, ai bîla wali dauki nani sut dukiara;

1 Pita 1:22

Nanara man nani, kasak tânka sturka ba bîla wali daukram ba mita, sulkam nani sunu daukram sa, wan muihni nani ra kasak pali kunin âpu latwan kaikaia dukiara. Baku bamna, pana pana walkam ra latwan kaikaia sma, kupiam aiska bara karnikam aiska ni sin.

1 Pita 4:17

Lâ daukaia mahka tâ krikaia piua ba balan sa, bara Gâd uplika nani pali sika pas lâka daukan kabia. Bara baha ba yawan ra baku tâ krikuya kaka, ¿tnata ra Gâd sturka yamni bîla wali daukras nani ba mapara nahki kabia ki?

2 Pita 2:18

Witin nani lika bîla bahki bara praut baman aisisa, bara tanis lâka ra iwi uplika nani wina swakwan nani ba, witin nani ra daukanka saura pali ni bara wîna tara brinka nani ni maisa kapisa.

Param Marikanka 18:3

Kan upla sut ai rugka lâka saura wainka karna ba dih bla taki banhwan. Naha tasba kingka nani sut witin wal tâski lâka daukan, bara tasba ra diara âiatkra nani ba lika, witin ai yuyaka ailal tanis tiki kan ba wina lalahkira nani takan.”

Param Marikanka 2:20

Sakuna mampara diara kum brisna: baha mairka Jezabel wi ba man mita ban brisma, bara witin wisa Gâd prapitka kum sa. Ai smalkanka ni duki dadaukra nani ra kunin munisa rug lâka daukbia wisi, bara aidul nani ra sakripais daukan dukia nani sin pibia wisa.

1 Samuil 13:13

Samuil pana win: —¡Man daukram ba lika tanis lâka kum sa! Man Dawan mai win ba bîla kat wali daukram kata kaka, kingkam lâka ba ban kaia ra bûi kaia kan.