Galesha 2:7 - DAWAN BÎLA AISKA

⁷ Smalkanka raya aikaia kan ba watlika ra, witin nani kaikan Gâd swaki sakan lâka ba, Ju apia uplika nani ra brih wamna wisi adar aikan, baha sim smalkanka Ju nani ra brih wabia wisi, Pita ra adar yabata ba baku.

Galesha 2:7 ပူးပေါင်းရင်းမြစ်များ

Apastil Nani Sturka 15:12

Bamna upla nani ba sut sâp taki wali kan, bara Pal, Bernabé wal ai sturka ba mahka aisin, nahki Gâd bui witin nani bâk sain nani, wark aihka nani sin daukan ba Ju apia nani tilara.

Apastil Nani Sturka 18:6

Sakuna witin nani mahka pali bûi, witin mapara swira bîla nani aisin. Bara Pal ai kwalka singbi sain kum yan, nahki witin nani tila wina taki auya ba, bara sin win: —Man nani tanis tiwma kaka, baha lika man nani pali pâtkam sa, yang laila purara baha pâtka âpu sa. Bamna naiwa na wina yang lika Ju apia nani tilara auna.

Apastil Nani Sturka 28:28

Man nani kaiki bas, nahki naiwa wina naha swaki sakan lâka na Gâd mita prisant baku yabisa Ju apia nani ra, bara baha nani mita lika pain walbia.

Apastil Nani Sturka 9:15

Sakuna Dawan bila: “Man was, kan yang baha waitnika ba pliki sakri sa, yang dukira witnis aisaia, nisan wala nani ra bara ai kingka nani ra, bara Israel luhpia nani ra sin.

Roman 1:5

Bara Jisas Kraist bâk, Gâd bui yang na witin ai apastilka baku ai blikan, witin ai nina sturka ba aisaia, nisan nani sut tilara witin ra kasak luki ai bîla wali dauki ba bâra kaia.

Roman 11:13

Sakuna Ju apia uplika nani sma ba ra, diara brisna mai wiaia. Gâd bui Ju apia uplika nani tilara ai blikan, bamna yang warkki ba mita diara uya pain daukisma.

1 Korint 9:17

Baha mita, kupi lukanka wina daukuna kaka, yang maina briaia sna. Sakuna ai taiban baku daukuna kaka, baku sin baha ba wark kum Gâd wina aikan sa.

Galesha 1:16

ai Luhpia ba aikan kakaira takri, baha mita yang ra ai paiwan swaki sakan lâka smalkanka ba, Ju apia uplika nani ra smalkamna dukiara. Naha diara yang ra takan ba ra, upla kumi wal sin aisaia waras kapri,

Galesha 1:18

Mani yumhpa luan ningkara, Jerusalem ra wari; baha piua Pita wal prawri bara witin wal yu 15 takaskri.

Galesha 1:6

Yang lika man nani dukiamra uya aihka pali lukisna, kan man nani lika swaki sakan lâka smalkanka sât wala kum wali, pat pali Gâd ba swisma bamna; bara Gâd sika Kraist latwanka ra luki man nani mai paiwan ba.

Galesha 2:11

Sakuna Pita Antíoco ra wan ba ra, mawan kat lawi daukri, witin swakwanka kum daukan ba tâwan.

Galesha 2:14

Bara yang kaikri, baha nani lika swaki sakan lâka wan smalki ba tânka kat apia kan, bamna baha aidrubanka mawan kat Pita ra wîri: “Man lika Ju, kuna Ju apia nani tilara, Ju apia tânka kat iwi katma; ¿bara nahki Ju apia nani ra adar yabisma, Ju nani baku iwaia sa?”

Galesha 2:9

Baha mita, Jems, Pita bara Jan, naha nani na serts playka tara nani kulkan ba mita kaikan, Gâd naha warkka yamni na aikan, bara witin nani bui yang Bernabé wal ra ai mihta nani aiki mihti nani sihban. Naha daukan pana pana kupia kumi kaia tânka, bara aitani lukan yang nani na Ju apia uplika nani tilara wih wark taki kamna, bara witin nani lika Ju nani tilara wark taki kaia.

1 Tesalonaika 2:4

Sakuna, yang nani lika piua sut dîa Gâd want ba kat aisisna, kan witin mita trai wan munan, bara sturi yamni ba smalki kamna wisi aikan. Yang nani mita upla nani dîa brin dauki ba kat daukras, kuna Gâd brinka ba kat mika, witinka wan kupia nani tânka pliki kaiki ba.

1 Timoti 1:11

Naha smalkanka kasak na lika, Gâd yamni pali ba, swak sakan lâka pranakira ba, bara baha sika yang mihti ra mangkan ba, aisi smalkamna dukiara.

1 Timoti 2:7

Naha dukiara yang na bîla twatwilkra bara apastil baku ai mangkan sa, kasak lukan lâka bara kasak tânka ba sin, Ju apia nani ra aisi smalkamna wisi. Yang diara kasak ba kat aisisna, kunin aisaras.

2 Timoti 1:11

Gâd mita ai mangkan, naha swaki sakan lâka sturka yamni na aisi smalkaia; bara apastil baku ai blikan, Ju apia nani ra smalkamna dukiara.

2 Pita 3:15

Bamna luki bas, wan Dawan yawan aikuki wihka bîla kaiki ba lika, yawan sut swaki wan sakaia dukiara sa. Baku sin wan muihni latwankira Pal sin man nani ra ulban sa, Gâd mita sins lâka yan ba tânka kat.