Galesha 2:14 - DAWAN BÎLA AISKA

¹⁴ Bara yang kaikri, baha nani lika swaki sakan lâka wan smalki ba tânka kat apia kan, bamna baha aidrubanka mawan kat Pita ra wîri: “Man lika Ju, kuna Ju apia nani tilara, Ju apia tânka kat iwi katma; ¿bara nahki Ju apia nani ra adar yabisma, Ju nani baku iwaia sa?”

Galesha 2:14 ပူးပေါင်းရင်းမြစ်များ

Lawana Nani 141:5

Upla kasakkira klala aikbia kaka, kupia pihni lâka kabia, bara lawi ai daukbia kaka sin isint kîa kum baku kabia. Baha sut bahki lulki swimna apia; yang ra ai prukbia sin ban puri suni kamna.

Lawana Nani 15:2

Baha nani lukanka wapni dauki ba, kasakka tânka man aisi dauki ba sika;

Lawana Nani 58:1

Man nani karnakira nani sma ba, ¿rait pali lâ nani ba kasak pali daukisma ki, bara kasak kat upla nani lâka ba daukisma ki?

Lawana Nani 84:11

Kan Gâd sika Dawan, witin ingni wankisa bara aihwaki wan kaikisa; Dawan latwan wan kaikisa bara wan kulkisa baha nani ai raya klin brih iwi ba, bara yamni ba bahki kulkras.

Sins Lâka 10:9

Ya tras âpu ba sibrin kumi sin âpu sa; ya saura tauki ba, saura danh takbia.

Sins Lâka 2:7

Dawan ai hilpka ba yabisa bara kan kahbisa wapni pali iwi nani ba ra;

Libait Lâka 19:17

“Muihkam mapara kupiam ra saura luki kapara. “Lawi dauks uplikam ra, lawi daukaia aitani sa kaka. Sakuna witin saura dauki ba tilara kapara.

Apastil Nani Sturka 10:28

Bara Pita bila: —Man nani pain kaikisma, Ju sertska ba lâ yaras sa, Ju uplika kum ba Ju apia uplika kum wal asla takaia, apia kaka watla ra kra dimaia. Sakuna Gâd mita ai marikan yang bui upla kumi ra saura, apia kaka tâski sin wimna apia.

Apastil Nani Sturka 15:1

Baha piua ra tila upla nani Judia wina Antíoco ra balan. Baha nani mita wan muihni nani ra naku smalkan: swaki sakan lâka ba briaia kaka, Aisa sainka ba ai wîna ra briaia, Moses lâ yan ba kat.

Apastil Nani Sturka 15:24

Yang nani tânka briri tila upla nani adar yaras katna ba, naha wina taki man nani ra wan; bara witin nani bui man nani ra aisi ba mita ambuk mai muni mamwahkan.

Apastil Nani Sturka 15:5

Parisi daknika wina, tila nani kasak luki banhwan nani ba, ai mina ra bûi, naku aisin: —Ju apia nani kasak luki banhwi ba sut, ai wîna ra Aisa sainka ba briaia sa, Moses lâ nani wankan ba sin kulkaia sa.

Roman 14:14

Yang kasak daira walisni diara saura kumi sin âpu sa; Dawan Jisas ra kasak lukisna ba mita sakuna upla kum lukisa diara kum saura, bâra sa witin mapara sika baha ba saura.

Galesha 1:18

Mani yumhpa luan ningkara, Jerusalem ra wari; baha piua Pita wal prawri bara witin wal yu 15 takaskri.

Galesha 1:6

Yang lika man nani dukiamra uya aihka pali lukisna, kan man nani lika swaki sakan lâka smalkanka sât wala kum wali, pat pali Gâd ba swisma bamna; bara Gâd sika Kraist latwanka ra luki man nani mai paiwan ba.

Galesha 2:3

Sakuna Taitus pali sin yang wal tauki kan, bara witin Ju apia kan ba, Aisa sainka bribia dukiara taibi munras kan.

Galesha 2:5

Sakuna wan nakra klipan kumi sin swiras katna baha nani mita wan brih waia, kan yang nani want kapri man nani swaki sakan lâka smalkanka kasak ban bri banhwi kama.

Galesha 2:7

Smalkanka raya aikaia kan ba watlika ra, witin nani kaikan Gâd swaki sakan lâka ba, Ju apia uplika nani ra brih wamna wisi adar aikan, baha sim smalkanka Ju nani ra brih wabia wisi, Pita ra adar yabata ba baku.

Galesha 2:9

Baha mita, Jems, Pita bara Jan, naha nani na serts playka tara nani kulkan ba mita kaikan, Gâd naha warkka yamni na aikan, bara witin nani bui yang Bernabé wal ra ai mihta nani aiki mihti nani sihban. Naha daukan pana pana kupia kumi kaia tânka, bara aitani lukan yang nani na Ju apia uplika nani tilara wih wark taki kamna, bara witin nani lika Ju nani tilara wark taki kaia.

Galesha 6:12

Baha nani mita mai priski lâka ra Aisa sainka daukaia mai muni ba, witin nani baha daukisa upla nani wal pain kaia dukiara baman, bara Kraist dusa prihni tâwan rausauhkan kabia apia dukiara.

Kolosi 1:5

latwan lâka kum, bîla kaikanka yamni man ra maikaia ridi dauki swin sa kasbrika purara ba baku. Man nani naha bîla kaikanka briram, smalkanka kasak pali ba walram bamna, swak sakan sturka yamni ba.

1 Timoti 5:20

Sakuna saura dauki nani ba lika, upla sut mawanra lawi daukaia sma, uplika wala nani ba sibrin dauki banhbia dukiara.

Hibru Nani 12:13

yabal wapni ba pliki bas. Baku mika ani mina skahwa takan ba rawbia, bara kli warha takbia apia.

Hibru Nani 9:10

Witin nani daukaia sa plun nani wal baman, laya din nani bara ai wîna nani klin sakaia sât sât sin. Naha sut na lika pura tani lâka nani baman sa, bara tânka aihwa kumi sin âpu sa, Gâd diara nani sut kli aihka lakbia piua kat mika.