Galesha 1:7 - DAWAN BÎLA AISKA

⁷ Man nani kasak lukpara, swaki sakan lâka smalkanka wala kum bâra sa. Baha lika, upla tila nani mita trabil mai munisa, bara Kraist swaki wan saki smalkanka ba bahki ra lakaia lukisa.

Galesha 1:7 ပူးပေါင်းရင်းမြစ်များ

Jirimaya 23:26

¿Ahkia kat baha prapitka kuninkira nani witin nani luki ba wina yaka ai lukanka kat aisi ba ban aisi kabia?

Jirimaya 23:36

Sakuna naha bîla na lika kli aisi banhbiara ‘Dawan wirhika ba dîa’, kan ya naha bîla ba aisabia kaka, yang daukamna witin aisi bîla nani ba kli witin ra wirhika kum takaia. Man nani bui yang aisari ba warha daukram, Gâdkam raya kan ba aisin ba, Dawan, Gâdkam karnika sut bri ba.

Matiu 24:24

Kan misaya kuninkira nani bara prapit kuninkira balbia; witin nani sain tara nani bara diara aihka nani daukbia upla ra kunin munaia dukiara, bara sip kaka, Gâd mita bâk sakan nani ba ra sin kunin munaia.

Apastil Nani Sturka 13:10

naku win: —Man kuninkira, saurakira, dibil luhpia, diara pain nani sut wailhka sma ba. ¿Dîa kan man Dawan yabalka wapni nani ba warbi lakaia munisma?

Apastil Nani Sturka 15:24

Yang nani tânka briri tila upla nani adar yaras katna ba, naha wina taki man nani ra wan; bara witin nani bui man nani ra aisi ba mita ambuk mai muni mamwahkan.

Apastil Nani Sturka 20:30

Bara man nani pali tilam wina sin upla tila nani bubia, bara diara kasak ba swi si kunin ni smalkbia, kristian nani ai nina blîkbia wisi.

2 Korint 11:13

Kan baha nani ba apastil kuninkira nani, kunin mamunra nani sa, bara Kraist apastilka nani baku talia takisa.

2 Korint 2:17

Yang nani lika Gâd smalkanka bani bisnis daukras, upla manis mita aihka laki dauki ba baku; sakuna, yang nani lika baha smalkanka ba aitani kat kunin âpu smalkisna, Gâd mita wan blikan baku, bara Gâd mawanra aisisna sim Kraist uplika nani baku.

2 Korint 4:2

Wan swira daukaia dukia baman yukuwi dauki ba, yang nani swiri; bara kunin lâka wal taukras, Gâd bîla smalkanka ba kunin lâka praki smalkras. Sakuna baha watlika ra diara kasak ba baman aisisna, bara baku yang nani tâinka ba upla wala nani sut kupia lukra ra mangki swiri Gâd mawanra.

Galesha 1:6

Yang lika man nani dukiamra uya aihka pali lukisna, kan man nani lika swaki sakan lâka smalkanka sât wala kum wali, pat pali Gâd ba swisma bamna; bara Gâd sika Kraist latwanka ra luki man nani mai paiwan ba.

Galesha 2:4

Kasak pali, wan muihni kuninkira tila nani yukuwi, yang nani tilira dimi banhwan ba bui lika want kan, Taitus ba Aisa sainka bribia. Naha nani lika biki kakaira nani baku diman, yang nani Jisas Kraist wal asla takri mita pri lâka brisna ba kaikaia, bara kli alba wan daukaia wisi.

Galesha 4:17

Baha uplika nani ba uya man nani ra lukisa, kuna ai kupia pain lâka ni lika apia. Witin nani brin daukisa man nani ba, yang nani wina dakbi mai sakaia, bara ningkara man nani mita, witin nani ra brin mai dauki kira plikma dukiara.

Galesha 5:10

Yang Dawan ra kasak lukisna man nani diara sât wala luki kama apia; man nani kupiam warbi mai muni uplika ba, ya ya kabia kra, kuna Gâd bui klala yabia.

Galesha 5:12

Kuna Aisa sainka daukaia dukiara baha nani mai muni nani ba, ¡swis witin nani wih sim piua ra baman sut klakan kabia!

Galesha 6:17

Bara nanara wina brin ai daukras upla trabil ai munaia; mark nani wîni ra brisna ba mita marikisa, yang na Dawan Jisas napakanka sna.

2 Timoti 2:18

Naha nani wâlsut na, kasak tânka ba wina tnaya ra takan sa, bara witin nani aisisa, pruan wina kli buaia lâka ba pat lui wan, bara baku lalukra tila nani kasakka lukanka lâka ba, aihka baman laki taukisa.

1 Jan 2:26

Yang naha na man nani ra ulbri, baha nani kunin mai muni nani ba dukiara.

1 Jan 4:1

Muihki laitwankira nani, Spirit brisa wisi aisi nani ba sut ra kasak lukpara, sakuna tânka nani ba pliki kaiks, Spirit brih aisi ba sut Gâd wina sa sapa. Kan tasba na prapit kuninkira nani ni aibanhwan sa, bamna wisa dîa witin nani aisi ba lika Gâd wina baman sa.

2 Jan 1:10

Ani uplika naha smalkanka brih man nani ra balras sa kaka, wamtla ra dingki bripara, bara lakula sin wipara;

2 Jan 1:7

Kuninkira ailal naha tasba ra wataukisa, bara witin nani lika Jisas Kraist upla kasakkira naha tasba ra balan ba tânka param pali aisin ba bîla wali daukras sa. Ya baha baku ba sika kuninkira, bara Kraist mapara ba.

Judas 1:4

Bamna upla tila nani, kunin lâka ni tilara diman sa. Baha nani ulbanka ra pat maisa pakan sa, pât ban kaia ba ai dukia bribia. Baha nani lika upla saura nani sa, witin nani lika Gâd umpira kaikanka lâka ba brih, kunin lâka ra laki wan Dawanka kumi ba, Jisas Kraist ra kulkaia apia wisa.

Param Marikanka 12:9

Baku bamna, dragun tara ba latara lulkan kan. Witin sika piuta almuk ba, nina dibil bara Sitan mâki ba, witinka mita sika tasba aiska ra kunin aisi ba. Witin ai insalka nani kira tasba ra lulkan kata.

Param Marikanka 13:14

Bara baha sainka nani daiwan saura pas kata ba mawanra yan dauki kan bâk, tasba ra iwi uplika nani ra kunin munan, bara witin nani ra adar yan baha daiwra saura ba sord ni klakan sakuna ban raya kaia sip kan ba, lilka kum daukaia.

Param Marikanka 19:20

Bara daiwan saura ba alkan kan, bara witin ba wal prapit kuninkira ai mawanra sain aihka nani daukan kan ba sin. Baha sainka nani bâk, prapit kuninkira ba baha nani dragun markka bri nani kan ba ra kunin munan kan, bara dragun lilka ra ai pura suni mayuni kan ba ra sin. Daiwan saura bara prapit kuninkira ba wâlsut raya pali pauta lakunka sulpa wal ami kan kat lulkan.

Param Marikanka 2:2

Dîa daukisma ba, yang sut kaikisna; wark karna daukisma ba bara ban bapi buisma ba sin, bara kaikisna upla saura dauki nani ba mapara sip ban swiras. Baha nani ai nina apastil mâkisa, sakuna apastil apia bara ai tânka trai kaikram ba sin, yang pain kaikisna; bara kaikram baha nani ba kuninkira nani sa.

Param Marikanka 2:20

Sakuna mampara diara kum brisna: baha mairka Jezabel wi ba man mita ban brisma, bara witin wisa Gâd prapitka kum sa. Ai smalkanka ni duki dadaukra nani ra kunin munisa rug lâka daukbia wisi, bara aidul nani ra sakripais daukan dukia nani sin pibia wisa.

Param Marikanka 2:6

Ban sakuna, naha lika man hilpkam sa: Nikolaitan nani dauki ba man mita kaikan mai daukras, sim yang mita saura kaikisna ba baku.

Param Marikanka 20:3

Tihu tara ra lulkan, bara bahara durka praki baha purara sîl mangkan, bara baku nisan nani ra kau kunin munbia apia dukiara, mani 1,000 ba lubia kat. Mani 1,000 ba lubia ningkara, witin ba lanhkan kaia sa piua wiria baman.