Ester 9:10 - DAWAN BÎLA AISKA

¹⁰ Baha nani sika Amán luhpia waitna nani matawalsip kan ba, sut ikan, witin lika Ju nani wailhka kata; sakuna ai dukia kukanka nani ba lika kangbras kata.

Ester 9:10 ပူးပေါင်းရင်းမြစ်များ

Blasi Sturka 14:23

Man dukiam nani ba wina diara kumi sin yang brimna apia, trit kum pan sin, apia kaka sûs awa kum pan sin, sûski unta wilkaia dukiara, ban kra man wimara sîa yang mita sika Ebram ba yuyakira daukri.

Blasi Sturka 34:27

Jekob luhpia waitna wala nani ba sin ninara wan, pruan nani ba purak taibi lui. Ai lakra mana, witin nani dukia nani bri kan ba sut implikan.

Ester 3:1

Naha diara nani ningkara, king Asuero mita Amán, Hamedata luhpia, Agag kiamka ba, tawan lalka tara mangkan, baku sin wihta wala nani bâra kan ba sut purkara ai iwaika ba yan.

Ester 3:13

Bara wauhtaya nani ailal blikan wan wauhtaya twatwilkra nani ba wal, king tasbaya nani aiska ra, Ju nani almuk tuktan, mairin bara wahma nani ba sut iki tikaia bara diara bri ba sut witin nani dawanka takbia. Baha yua mangkan ba lika, kati 12, yua 13 ra kabia.

Ester 5:11

bara Amán ba ai dukia kukanka tara bri ba, bara ai luhpia ailalka nani ba dukiara, bara baku sin diara nani ailal ba purara king mita tara pali kulkan ba, bara wihta nani purkara sin mangkan ba, naha dukia nani aiska ba dukiara aisi kan.

Ester 7:4

Yang bara tawanki aiska uplika nani sut na, wan atkan sa, sut wan sauhki tiki, iki âpu wan daukbia dukiara. Yang nani na alba mairin, alba waitna baku daukaia ra ai atki banhwan kaka, yang bîli praki sâp kamna, kan wan waihla ba sauhkanka nani uya daukbia apia, king brinka nani ba mapara.

Ester 7:6

—¡Wan waihla bara wan mapara saura ba sika, naha Amán watawikira na! —baku Ester aisin. Bara Amán ba sirang iwan, king bara kwin mairin ba wal mawanra, naha bîla walan ba ra.

Ester 8:11

Bara king mita adar yaban, Ju nani ani ani tasbaya ra iwi nani sut ra, asla taki aihwaki kaia, bara ya nani aiklabaia dukia wal ai mapara bubia kaka, iki âpu dauki, dîa witin nani bri ba sut mihta dakbi bribia, ai tuktika nani bara mairin nani ba sin.

Ester 9:11

Bara sim yua ra king ba walan, Susa kan kahbaika pliska bilara, upla ailal pruan kan ba.

Ester 9:9

Parmasta, Arisai, Aridai bara Vaizata, naha nani sut ra ikan.

Lawana Nani 21:10

Witin nani ba tasba bara upla nani tila wina sauhki tikma, ai luhpia bara ai kiamka nani sut sin.

Impakan Sturka 17:16

bara win: “¡Dawan plakinka ba ai mihta ra alki purara buki bri ba ra! ¡Dawan ba Amalec uplika nani wal war aiklabi ban kabia kiamka kum wina ban kiamka wala nani ra sut!”

Impakan Sturka 20:5

Baha nani mawanra bawpara, mayunra sin dauki yapara. Yang sika man Dawan Gâdkam, nini tâwan lalawra sni, baha nani misbara ai kaiki banhwi nani ba bîlam kaiki kamna. Walpa tara kum purara, man walpa bara prukma ba ra, luhpia nani ra, mulika nani, snawika nani kat sin klala yabisna bamna.

Daniel 6:24

Baha ningkara, king bui win Daniel dahra kwahkan waitnika nani ba wih brih balbia, ai maya nani, ai luhpia nani aikuki layan nani watla ra lulkan, baha nani ba kau tasba ra iwras kan taim, layan nani ba mita alki drusbi pin.

Roman 12:17

Upla kumi ra sin saurka tâwan pana saura munpara. Trai muns upla sut mawanra diara pain baman dauki kaia.

Pilipai 4:8

Bara tnata kat, muihki nani, diara pain bara mayunra briaia aitani ba lukankam ra mangki bris. Diara kasak nani ba, dîa dîa kulki briaia aitani ba, diara wapni nani ba, diara sunu nani ba, dîa dîa upla mita lihki ba bara dîa dîa upla mita pain kulki ba.